الموضوع: حادث باللوجان، أرجو المساعدة في إجابة بعض الأسئلة

أولا ألف حمد الله على سلامتك
كل واحد معرض لهذا سواء كان بأخطائه أو بأخطاء الأخرين الحادثة ده بيثبت أن اللوجان صاجه كويس وناشف و غلس زى ما قال كريم منير دى حاجة العربية معظم الحاجات اللى حتتغير فيها أن لم يكن كلها ميكانيكية و شد الشاسيه و تعديل القوايم أولا عندك خبطة في القايم اليمين أدام و القايم الوسط يمين الباب الأمامى لو حابب تغيره حيبقى أحسن بقية الحاجات مافيهاش خاجة خالص ده حتى الفانوس ماتكسرش
طبعا علشان تبقى عارف التكلفة حتبقى في حدود 10000-15000

أزاز أدام
مرايا يمين
كوبلن يمين
زيت فتيس
مساعد يمين و يمكن مساعد شمال و ده أفضل (مونرو )
ممكن اسكاترا و أكيد دونجل خلفى و شداد
ممكن قاعدة موتور
دوكو كامل و السؤال الأساسى الأيرباج فتح و ألا لأ
مقص يمين 3 جنوط و 4 كاوتشات
بتاع فرش يفك السقف علشان حيبقى فيه شغل
ممكن يكون في حاجات حصلت من تحت في الموتور حتبقى محتاج تتغير الله أعلم الصور مش موضحة الحاجات اللى ممكن تتغير
كارتيرة يمين
في كارتيرات بتبقى تحت الموتور ممكن تتغير
السؤال الأساسى العربية تتباع كده على حالتها 25000-30000 ده يوم ما ربنا يكرمك ده كبيرها أنما لو أتصلحت في مركز محترم و أن شايف أن الحادثة مش قاتلة أوى يعنى مش اللى هي علشانها نبيع العربية المشكلة أنها جيت في حاجات ميكانيكية كتير من تحت لكن أساسات العربية من أدام سليمة أن شاء الله
لو أنت صلحتها ب 15 ألف جنيه تبقى أشتريت عربية رينو لوجان ب 40 ألف المشكلة هي أنك ممكن تكون قفلت من العربية رغم أن أنا شايف أنها أن شاء الله بعد التصليح حتبقى كويسة و في الحالة دى يبقى تبيعها و أنت مغمض عينيك
سؤال أخير أنت غيرت الكاوتش و الأا ده كاوتشها اللى نازله بيه أرجو الأجابة على هذا السؤال

المشاركة الأصلية كتبت بواسطة eme5599

ألف ألف شكر يا أستاذ عادل على الرد
حضرتك ما شاء الله جبت كل إللي في العربية من غير ما تشوفها على الواقع
فعلاً تقريباً كل إللي قلته طلع في العربية باأضافة لطقم التبريد
أنا الحمد لله لسه بايعها من يومين و بسعر أعلى حاجة بسيطة من إللي حضرتك قلته

بالنسبة للكاوتش، أنا مغيرتوش بس حالته كانت لسة كويسة عشان أنا سواقتي مفهاش هري كتير كان في فردة واحدة كنت مقلق منها عشان كان فيها خوابير بس سبحان الله هي الوحيدة إللي طلعت سليمة :)
أنا عارف أني أتأخرت في تغييره. تفتكر الكاوتش هو السبب؟

لا شكر على واجب بس حضرتك بتأكد لى كل يوم أن الكاوتش ده كارثى أربع قنابل موقوتة الله أعلم حتنفجر أمتى العربية أنا عامل بيها 10000 كيلو ومش عايز أخرج بيها أقسم بالله أنا جاللى حالة من الرعب من هذا الكاوتش السئ جدا جدا جدا و أنا جربت كاوتشات كتير أحسنهم على الأطلاق البريدجستون غير كده كله بيزحف فى الفرامل و كله تعبان