فتح باب التقديم لقرعة الهجره العشوائيه لأمريكا

**aliabutaleb** · 05-10-2008 10:12 AM

هو سؤال نفسي أعرف إجابته من زمان
وأظن اللي هايعرف يجاوب عليه يا إما تم اختياره في برنامج الهجرة العشوائية أو على الاقل يعرف حد مقرب له تم اختياره
ايه هي المميزات اللي بياخدها اللي تم اختياره؟

يعني هل بيتم تقديم دعم مادي له؟
هل بيتم مساعدته بتوفير عمل؟
هل معاملته معاملة المواطن؟

يعني من الاخر هاستفيد ايه لو تم اختياري مقارنة بلو قدرت اسافر هناك واقيم هناك بصورة شرعية

**mohamedmostafa** · 05-10-2008 11:40 AM

طب ما نغير بلدنا ونخليها أحسن من أمريكا وخلينا قاعدين فيها وبلاش شحططة وبهدلة مع ناس ماتعرفش ربنا وحتى القرب منهم هاينسينا ربنا ، هانتعب فى التغيير لكن " إن الله لا يغير ما بقوم حتى يغيروا ما بأنفسهم " لو كل واحد بدأ بنفسه ويراعى ربنا يبقى إن شاء الله خير .

**mbluethunder** · 05-10-2008 12:19 PM

المشاركة الأصلية كتبت بواسطة ahmodium

اللينك اهو يا شباب

http://www.dvlottery.state.gov/

وده مجاني تماما

وانا اعرف كذا واحد قدموا في السنين اللي فاتت وسافروا وهاجروا ومش ناوين يرجعوا مصر
منهم بنت عمي وجوزها اللي دلوقتي عندهم هناك فيلا بحمام سباحه و عربيه كورفيت ومتوسط دخلهم الشهري 15 الف دولار

بالنسبه لمشكلة الصوره هي لازم تكون 600 بيكسل في 600 بيكسل

ومواصفات الصوره محطوطه في اللينك

أنا عندي سؤال بخصوص الصوره

أنا أعرف واحد قبل كده كان بيحاول يدخل الصوره بتعته بس ماعريفشي بتاتا

ولازم الصوره تكون بأبعاد معينه ومتوسطنه والكلام ده .

انا معرفشي هو عمل إيه. ده كان من فتره كبيره . بس أنا أعتقد المشكله ده مازالت موجوده

الحل للموضوع ده أيه بالظبط

**aliabutaleb** · 05-10-2008 05:19 PM

المشاركة الأصلية كتبت بواسطة mbluethunder7000

أنا عندي سؤال بخصوص الصوره

أنا أعرف واحد قبل كده كان بيحاول يدخل الصوره بتعته بس ماعريفشي بتاتا

ولازم الصوره تكون بأبعاد معينه ومتوسطنه والكلام ده .

انا معرفشي هو عمل إيه. ده كان من فتره كبيره . بس أنا أعتقد المشكله ده مازالت موجوده

الحل للموضوع ده أيه بالظبط

أظن الحل انك تروح تتصور فوتوغرافيا في ستوديو يكون مشهور
أكيد صور الهجرة ستاندرد عنده
وهايعرفها بمجرد ما تقول له الصورة للهجرة لأمريكا

**AhmedElsayed** · 05-10-2008 06:06 PM

مهى المواقع اللى بفلوس اللى بتظبلطلك الصور والورق كله
وهى مش نصب ولا حاجة هما مبيقولوش انهم بيكسبوك الجرين كارد هما بيقولوا انهم ببكملولك ورقك وصورك بالطريقة السليمة اللى تخليك تدخل السحب ومتترفضش

ودى تكلفتها بتبقى حوالى 450 جنيه تقريبا زى مشفت ولو اتقبلت فى الجريم كارد بيدولك تذكرة سفر مجانية او ما يعادلها (ده بالنسبة لبعض المواقع اللى بتقدم الخدمة بفلوس مش الموقع الحكومى)

**analyzer** · 05-10-2008 07:57 PM

فى الحقيقه يا ساده انا لا احبذ الهجرة الا للى قفلت معاه هنا ومفيش اى امل انه يلاقى شغل يكفى على الاقل للمقومات الاساسيه
ده رئى اشخصى فى تشبيه اتقالى من 2002 من انسان فاضل لما كنت بصدد انهاء اجراءت الهجرة وكله بقى تمام لا يتبقى الا تذكرة الطياره لما كنت باخد رئيه قالى
انت عايز دنيا ولا اخرة
قلتله يعنى ايه قالى يعنى
امريكا = دنيا جميله ان شاء الله
مصر = الاخرة الجميله ان شاء الله
اقتنعت برئيه ومسافرتش وعيشت فى مصر
ومن شهرين تقريبا سافرت امريكا لمده 20 يوم ومعايا فيزا لمده خمس سنين اقدر اسافر فى اى وقت
بس مش هسافر لانى نفسى فى اخرة كريمه افضل من دنيا جميله
الاخوة الاعزاء ده رئى شخصى ليس الا

**M_HaFeZ** · 06-10-2008 06:55 AM

كلام حضرتك غريب شويه
ماهو مش علشان ابقى فى امريكا ابقى ماجن فى حياتى
ولو فى مصر مش هفوت فرض !!!

بالعكس اللى بيحصل فى مصر ده فى حاجات اسوأ من الامريكان
هنا الناس بتفجر وهى مش عارفه ليه وتفجر وخلاص ... هناك فى فجور بس مش كل الناس ومش كل المجتمع ..
اى نعم هناك القيود اقل ... بس استخدام الحريه بالعقل (بعيد عن ال dating او ال boyfriend - girlfriend relations)العلاقات المحرمه يعنى
انما هنا اتفرج فى اى حته على الفجور بصوره المختلفه ودرجاته
ده غير الهمجيه والغوغائيه من كبير المناصب الى ادناها

**M_HaFeZ** · 06-10-2008 06:57 AM

المشاركة الأصلية كتبت بواسطة alijandroo

أظن الحل انك تروح تتصور فوتوغرافيا في ستوديو يكون مشهور
أكيد صور الهجرة ستاندرد عنده
وهايعرفها بمجرد ما تقول له الصورة للهجرة لأمريكا

ياعم اليخاندور
الموضوع ابسط بكتير
الصوره يظبطها بأى برنامج محترمه من اول ال ACD See ويظبط الابعاد على المطلوب من غير مايخللى فى علاقه بين الطول والعرض
هتبقى صوره معقوله

**analyzer** · 07-10-2008 01:57 AM

اخى الفاضل محمد حافظ
زى ما قلت ده رئى الشخصى
ممكن يكون غريب فعلا زى ما حضرتك بتقول بس فى الحقيقه هو ده الى انا لمسته وشوفته من خلال تجربتى هناك
هقولك مثلا هناك انسى انك تسمع صوت اذان او قران فده ممكن يخلى اى حد ايمانه ضعيف انه ينسى او يتناسى الصلاه واذا ضاعه الصلاه ضاع ايمان وعمل المسلم كله
لكن فى مصر ان نسيت ميعاد الصلاة فى الف حاجه هتفكرك
وطبعا حاجات تانيه كتير جدا جدا جدا
للعلم كل المصريين الى قابلتهم هناك سئلتهم سؤال ومفيش حد منهم عرف اجابته
السؤال : هى اقبله منين
وكانت الاجابه مخجله جدا

**mohamedmostafa** · 07-10-2008 11:43 AM

الأخ محمد حافظ انا بأيد تماما كلام الأخ analyzer فى اللى بيقولهولك فعلا صعب انك تحافظ على نفسك فى بلاد زى دى ومش لازم تسيب فكرة الهجرة لكن عندك بديل زى الخليج وياسلام لو السعودية هاتمشى هناك نفسك تبوظ ومش عارف ، وانت لو مسكت نفسك فى أمريكا أو فى غيرها احتمال تبعد نفسك عن الكبائر لكن هل هتحافظ على صلاتك أو هتلاقى مسجد تصلى فيه على الأقل الجمعة لو قلنا ان باقى الفروض صح اننا نصليها فى البيت وده طبعا مش صح ، أهم حاجة البيئة اللى حولك وبعدين الرزق هايجيلك هايجيلك ده ربنا كاتبهولك لا حد يعرف يزوده ولا يمنعه سيبها على الله وادعى ان ربنا يرضى عنك ويرضيك . ومتنسناش فى الدعاء .

الموضوع: فتح باب التقديم لقرعة الهجره العشوائيه لأمريكا

LinkBack

أدوات الموضوع

عرض

-

-

-

-

-

المواضيع المتشابهه

منح دراسية لأمريكا

خطوات الهجره الى استراليا

ياريييييت اى معلومات عن الهجره

لدواعي الهجره سكودا فيفوريت للبيع

الكلمات الدلالية لهذا الموضوع

المفضلات

المفضلات

ضوابط المشاركة