عرض للطباعة
فتح يوم 2 اكتوبر باب التقدم للهجره العشوائيه لأمريكا
لا شروط
فقط بتدخل وتحط بياناتك وصورتك وبس
والنتيجه العام القادم ان شاء الله
4000 مصري حصلوا على الجرين كارد العام الماضي
لو نجحت بتحصل على الجرين كارد وتسافر
بتفكر تقدم؟؟؟
نتناقش شويه وبعدين احط ليكم اللينك الرسمي بتاع وزارة الخارجه الامريكيه اللي فيه تقديم طلب الهجره
كام واحد عايز يقدم؟
فين اللينك ؟
الموضوع مش هينتظر المناقشه
الجميع هيفضل الهجره فى الاوضاع الحاليه فى مصر
لكن يا ترى الحياه فى امريكا هتكون افضل من الحياه فى مصر من جميع النواحى دى عاوزه حد مجرب يجاوب افضل
شكرا على الخبر
اقتباس:
المشاركة الأصلية كتبت بواسطة دموع الثلج
لأ
Thanks
Eng.Sherif Shaker
لو هتشتغل فى مجاللك كمتخصص فيه
الهجره افضل
يعنى لازم تضمن عيشه كريمه 100000% والا غير كدا انت بتهين نفسك فى بلاد الخواجات واللى فيها السنت بيكون اغلى من ابوك و امك ومراتك كمان
مش مهاجرين يا عم وان شاء الله هاتفرج
انااااااااااااااااااااااا اااااااااااا ههاجررررررررررررررررررررر رررررررررر
صلحتهالك :g:.اقتباس:
المشاركة الأصلية كتبت بواسطة blazer
:(
للأسف الجملتين مش غلط
على رأي محمد فؤاد
امريكا يعني ببس !!:tank:
انا أول مرة أسمع موضوع الهجرة العشوائية ده
هو مش موجود في دول تانية غير أمريكا ؟
بس هو عامة معتقدش هيبقي شئ كويس الهجرة بالطريقة دي
و هي جاية من إسمها .. عشوائية .. أعتقد هتبقي خطوة عشوائية جداَ
و مش هيقدم عليها إلا حد يائس جدأ أو مغامر جداَ و خلاص مش فارقة معاه
انا عن نفسي عايز أهاجر بس بطريقة محترمة و مدروسة مش عشوائية .
فا الإجابة لأ .
ههههههه ياعم نسافر فين انا سمعت انهم اليومين دول بيشحتو بعد الازمة المالية بتاعتهم دول مش لئين يكلو
(بهرج ) لو هتسافر متخصص فى مجالك وكمان بروفشنال مش متخصص بس وهتكون مجهز شغلك ومسكنك هناك طبعا الهجرة افضل لكن انا مش معا الى يهاجر كدة معا نفسو ولاة عارف هيشتغل ولاة هيعيش فين ولاة اى حاجة فى اى حاجة
غير كدة زاى ما المثل قال
الى يخرج من دارو يتقل مقدارو
سؤال بسيط للي عايز يقعد و عنده فرصة جيدة للهجرة
اخر زيارة لطبيب العيون كانت امتى ؟؟
ماهو أصل اللي مابيشفش من الغربال يبقى معلش يعني ....أعمى
وورا الغربال في البلد دي ..كحل
طيب انا لسه مخلصتش الكليه...
ينفع اقدم ولا لأ؟؟؟
أيوه ينفع طبعاً يا باشااقتباس:
المشاركة الأصلية كتبت بواسطة 3mr Farrag
الشرط إنك تكون مخلص ثانويه عامه أو ما يعادلها
على فكره يا جماعه في موقع واحد بس هو اللي معتمد للتقديم والموقع ده تابع الحكومه الأمريكيه والتقديم فيه ببلاش.
في مواقع تانيه كتير قائمه على خداع البشر وبتوهمهم إنها مواقع رسميه وبتاخد فلوس من الناس وده طبعاً كلام مش صحيح وضحك على الدقون.
المواقع دية بتاخد فلوسك وبيتقدملك هي ببلاش، يعني من الآخر مالهاش أي لزمه.
أنا شخصياً مش مهتم أوي بالهجره دية بس بقدم فيها وده نوع من فتح سكك الرزق مش أكتر، يعني مين عالم ممكن مثلاً لو كسبت القرعه يكون وقتها مثلاً حالتي صعبه ومتضايق في الشغل ولا سبته يبقى ساعتها ممكن أفكر جدياً في الهجره.
على فكره يا جماعه كلمة هجره عشوائيه دية مش معناها إنها حاجه وحشه ولا درجه تانيه، الفكره إنها بتعتمد على القرعه العشوائيه.
لكن بيطلع عن طريقها دكاتره ومهندسين وناس محترمين برضه وعائلات كامله كمان.
ومش معنى إتك كسبت في القرعه إنك خلاص هاتسافر. ده معناه إنك هاتبدأ الإجراءات الفعليه للهجره وإنهم هايبدأوا يفحصوك ويتحروا عنك وتعمل كشف طبي وخلافه وممكن ما توفقش قي الهجره في اللآخر.
على فكره التقديم بسيط جداً بس أصعب حاجه فيه هي الصوره المطلوبه بمواصفات ومقاس معين، بس دلوقت في مصورين عارفين المواصفات دية كويس.
يعنى ايه جرين كارد معلش لو سؤال مش اد كده بس يعيش المعلم وبرضه بيتعلم
المواقع مالية النت يا شباب و كله بياخد رسوم و انا للأسف دفعت قبل كده . اعتقد ان كله نصب .
خدوا بالكم
اللينك اهو يا شباب
http://www.dvlottery.state.gov/
وده مجاني تماما
وانا اعرف كذا واحد قدموا في السنين اللي فاتت وسافروا وهاجروا ومش ناوين يرجعوا مصر
منهم بنت عمي وجوزها اللي دلوقتي عندهم هناك فيلا بحمام سباحه و عربيه كورفيت ومتوسط دخلهم الشهري 15 الف دولار
بالنسبه لمشكلة الصوره هي لازم تكون 600 بيكسل في 600 بيكسل
ومواصفات الصوره محطوطه في اللينك
أنا بقدم كل سنه من 15 سنه
وفيه سنه بعتوا لى الظرف وفيه ورق مليته وبعته وكان رقمى 49560
وسنتها قفلوا باب تكمله الأجراءات عند رقم 49300
وطبعا كانت خيبه أمل كبيره بعد فرحه ما بعدها فرحه
على فكره أنا لى قرايبى كتير فى امريكا ,اغلبهم مرتاحين ماديا والمرتاح فيهم اللى بيشغل دماغه وبيشوف السوق ماشى ازاى وعاوز ايه ويمشى معاه
على سبيل المثال لى خلى ليسانس اداب راح هناك اشتغل غسيل صحون وكنتاكى وحاجات من دى وأكد كورس طبخ مكسيكى وبعدين لاقاه مش بيجيب فلوس اد كده أخد كورس تانى فى الطبخ بس مش عارف فى ايه والحاله معاه زى الفل على فكره خالى سافر امريكا وهو عنده 45 سنه
هو سؤال نفسي أعرف إجابته من زمان
وأظن اللي هايعرف يجاوب عليه يا إما تم اختياره في برنامج الهجرة العشوائية أو على الاقل يعرف حد مقرب له تم اختياره
ايه هي المميزات اللي بياخدها اللي تم اختياره؟
يعني هل بيتم تقديم دعم مادي له؟
هل بيتم مساعدته بتوفير عمل؟
هل معاملته معاملة المواطن؟
يعني من الاخر هاستفيد ايه لو تم اختياري مقارنة بلو قدرت اسافر هناك واقيم هناك بصورة شرعية
طب ما نغير بلدنا ونخليها أحسن من أمريكا وخلينا قاعدين فيها وبلاش شحططة وبهدلة مع ناس ماتعرفش ربنا وحتى القرب منهم هاينسينا ربنا ، هانتعب فى التغيير لكن " إن الله لا يغير ما بقوم حتى يغيروا ما بأنفسهم " لو كل واحد بدأ بنفسه ويراعى ربنا يبقى إن شاء الله خير .
أنا عندي سؤال بخصوص الصورهاقتباس:
المشاركة الأصلية كتبت بواسطة ahmodium
أنا أعرف واحد قبل كده كان بيحاول يدخل الصوره بتعته بس ماعريفشي بتاتا
ولازم الصوره تكون بأبعاد معينه ومتوسطنه والكلام ده .
انا معرفشي هو عمل إيه. ده كان من فتره كبيره . بس أنا أعتقد المشكله ده مازالت موجوده
الحل للموضوع ده أيه بالظبط
أظن الحل انك تروح تتصور فوتوغرافيا في ستوديو يكون مشهوراقتباس:
المشاركة الأصلية كتبت بواسطة mbluethunder7000
أكيد صور الهجرة ستاندرد عنده
وهايعرفها بمجرد ما تقول له الصورة للهجرة لأمريكا
مهى المواقع اللى بفلوس اللى بتظبلطلك الصور والورق كله
وهى مش نصب ولا حاجة هما مبيقولوش انهم بيكسبوك الجرين كارد هما بيقولوا انهم ببكملولك ورقك وصورك بالطريقة السليمة اللى تخليك تدخل السحب ومتترفضش
ودى تكلفتها بتبقى حوالى 450 جنيه تقريبا زى مشفت ولو اتقبلت فى الجريم كارد بيدولك تذكرة سفر مجانية او ما يعادلها (ده بالنسبة لبعض المواقع اللى بتقدم الخدمة بفلوس مش الموقع الحكومى)
فى الحقيقه يا ساده انا لا احبذ الهجرة الا للى قفلت معاه هنا ومفيش اى امل انه يلاقى شغل يكفى على الاقل للمقومات الاساسيه
ده رئى اشخصى فى تشبيه اتقالى من 2002 من انسان فاضل لما كنت بصدد انهاء اجراءت الهجرة وكله بقى تمام لا يتبقى الا تذكرة الطياره لما كنت باخد رئيه قالى
انت عايز دنيا ولا اخرة
قلتله يعنى ايه قالى يعنى
امريكا = دنيا جميله ان شاء الله
مصر = الاخرة الجميله ان شاء الله
اقتنعت برئيه ومسافرتش وعيشت فى مصر
ومن شهرين تقريبا سافرت امريكا لمده 20 يوم ومعايا فيزا لمده خمس سنين اقدر اسافر فى اى وقت
بس مش هسافر لانى نفسى فى اخرة كريمه افضل من دنيا جميله
الاخوة الاعزاء ده رئى شخصى ليس الا
كلام حضرتك غريب شويه
ماهو مش علشان ابقى فى امريكا ابقى ماجن فى حياتى
ولو فى مصر مش هفوت فرض !!!
بالعكس اللى بيحصل فى مصر ده فى حاجات اسوأ من الامريكان
هنا الناس بتفجر وهى مش عارفه ليه وتفجر وخلاص ... هناك فى فجور بس مش كل الناس ومش كل المجتمع ..
اى نعم هناك القيود اقل ... بس استخدام الحريه بالعقل (بعيد عن ال dating او ال boyfriend - girlfriend relations)العلاقات المحرمه يعنى
انما هنا اتفرج فى اى حته على الفجور بصوره المختلفه ودرجاته
ده غير الهمجيه والغوغائيه من كبير المناصب الى ادناها
ياعم اليخاندوراقتباس:
المشاركة الأصلية كتبت بواسطة alijandroo
الموضوع ابسط بكتير
الصوره يظبطها بأى برنامج محترمه من اول ال ACD See ويظبط الابعاد على المطلوب من غير مايخللى فى علاقه بين الطول والعرض
هتبقى صوره معقوله
اخى الفاضل محمد حافظ
زى ما قلت ده رئى الشخصى
ممكن يكون غريب فعلا زى ما حضرتك بتقول بس فى الحقيقه هو ده الى انا لمسته وشوفته من خلال تجربتى هناك
هقولك مثلا هناك انسى انك تسمع صوت اذان او قران فده ممكن يخلى اى حد ايمانه ضعيف انه ينسى او يتناسى الصلاه واذا ضاعه الصلاه ضاع ايمان وعمل المسلم كله
لكن فى مصر ان نسيت ميعاد الصلاة فى الف حاجه هتفكرك
وطبعا حاجات تانيه كتير جدا جدا جدا
للعلم كل المصريين الى قابلتهم هناك سئلتهم سؤال ومفيش حد منهم عرف اجابته
السؤال : هى اقبله منين
وكانت الاجابه مخجله جدا
الأخ محمد حافظ انا بأيد تماما كلام الأخ analyzer فى اللى بيقولهولك فعلا صعب انك تحافظ على نفسك فى بلاد زى دى ومش لازم تسيب فكرة الهجرة لكن عندك بديل زى الخليج وياسلام لو السعودية هاتمشى هناك نفسك تبوظ ومش عارف ، وانت لو مسكت نفسك فى أمريكا أو فى غيرها احتمال تبعد نفسك عن الكبائر لكن هل هتحافظ على صلاتك أو هتلاقى مسجد تصلى فيه على الأقل الجمعة لو قلنا ان باقى الفروض صح اننا نصليها فى البيت وده طبعا مش صح ، أهم حاجة البيئة اللى حولك وبعدين الرزق هايجيلك هايجيلك ده ربنا كاتبهولك لا حد يعرف يزوده ولا يمنعه سيبها على الله وادعى ان ربنا يرضى عنك ويرضيك . ومتنسناش فى الدعاء .
أكبر مشكله في الهجره بالنسبه لي هي الخلفه، فعلاً أنا مش متخيل لو هاجرت وإتجوزت وخلفت هاربي عيالي إزاي في المجتمع ده؟ فعلاً شئ مخيف
يا باشا يا بتاع المريخ (مارس جاي)
منور اهل الارض والله:yes:
بص... الفساد في مصر اصبح مش بعيد عن امريكا خالص او الدول الاوروبيه بالنسبه للتعليم والاولاد
يعني انا بنت اخويا في 3 اعدادي بتحكيلي ان البنات عندهم في الفصل كل واحده مصاحب واحد وبيخرجوا مع بعض وبيتقابلوا في النادي وتلاقي على الموبايل بتاعها صورة تامر حسني وهو بيبوس مش عارف مين... ومش عارف مين بيحضن مين
وما خفي كان اعظم
واالله وبتحكيلي عن ان الولاد والبنات بيتبادلو الافلام الاجنبي الماستر اللي على الكمبيوتر في سيديهات عشان من غير رقابه وانت عارف فيها ايه
لكن لأن اخويا ومراته مربيين بناته وولاده هلى الدين والاخلاق وبيحفظوهم قرآن من صغرهم كان زمانهم راحوا وسط التيار
اللي عايو اٌوله... ان الاهل ليهم الدور الكبير في التعليم والتربيه
لأن المدارس أصبحت مصاااااايب
وربنا يستر على اولادنا
كلام صحيح يا باشا بالنسبه للمدارس بس برضه الوضع بره أسوأ من كده بطريقه دراميه.اقتباس:
المشاركة الأصلية كتبت بواسطة ahmodium
وكمان إنت لو بره حاولت تقاوم الأوضاع الخاطئة دية هايقولوا عليك أصولي متشدد وجاي من بلدك عشان تبوظ الحلم اﻷمريكي، لكن وإنت في مصر لو حاولت تقاوم الأوضاع الخاطئه دية وتربي ولادك صح هاتلاقي ألف من يحترمك ويقدرك.