الموضوع: اكسنت rb بعد 50000 كم .......................تقرير زى ما الكتاب ما بيقول

بسم الله الرحمن الرحيم

بعد السلام احب اعرفكوا بنفسى : ده اول موضوع لي بعد ثلاث سنوات اشتراك فى المنتدى العظيم انا العبد لله : احمد سامح على عوض , طالب فى سنة اعدادى -كلية هندسة الاسكندرية
اولا كله هيسنغرب ان واحد فى السن ده هيعمل تقرير عن عربية , بس هو الموضوع كله قايم انى بحب العربيات من و انا عندى 3 سنوات .
ثانيا ان والدى ربنا يكرمه و يخلىهولى مابيحبش العربيات فقولت اعمل معروف فى اعضاء المنتدى الكرام
ثالثا اشوف بعرف اعمل تقرير و لا لا .
معلش اسنحملونى شوية لان الموضوع هيبقى طويل شوية .

بداية الشراء : فى عام 2011 قرر والدى انه يغير العربية الشاهين موديل 2006 بسيارة بها كماليات زى ( زجاج كهرياء - تكيف - باور -الخ-...........................)
فتم الاستقرار على لوجان ( رفضت ) ثم تيجو (رفضت) ثم اكسنت شكل قديم (رفضت) ثم نيسان صنى (رفضت) و اخيرا تم الاستقرار غلى rb و الحمد لله بعد ركوبها اتوماتيك .تنويه السعر ساعتها 97000

البطافة النعرفية للسيارة :
1- المحرك: 1600cc - 124 hp @ 6300rbm - 159 N.m @ 4200rpm
2- فتيس : 4 سرعات امامية + سرعة واحدة خلفية ( sterptronic )
3- عفشة : امامية ميكرسفون و خلفية تورشيم بيم
4- الابعاد : 4370 & 1700 & 2570 قاهدة عجلات

كماليات السيارة :
4 زجاج كهربى ( زجاج السائق auto down )
2 مرايات كهربا مزودة باشارات - باور ستيرنج eps - كمبوتر رحلات - تكيف هواء - فتحة الشنطة من الداخل و تانك البنزين - سنتر لوك مزود بانذار - cd &aux & usb - مسند يد متحرك - ارتفاغ كرسى السائق - فرش مضاد للحريق

قيادة السيارة بعد الحمد لله ما طلعت رخصة

اولا من الخارج : لون : اسود

1-العربية بسم الله ما شاء الله عليها العربية ابعادها كويسة جدا بذات قى الزحمة و الركنة و اكتر حاجة عجبتنى فيها لما سوقتها عربية تحس انك لممها كده مش مبعنرة ( اصل للاسف جسمى صغير 170 سم و 65 كبلو )
2- شكل الحمد لله كويس جدا و مقبول جدا

ثانيا الاهم داخليا: فرش داخلى بيج و طبلوه رمادى
1- تقعد على كرسى السائق : كرسى حلو جدا كبير و شبه رياضى طبظ اقغدتك على و واطى , رجع و طلع
2- قدامك بفى عجلة قيادة مقاسها حلو و شيك , علامة هيونداى فى النص نيكل بس الكلاكس صوته مسرسع بس حلو بس المشكله مكانه بلاستك
3- بعد العجلة عدادات شكلها شيك جدا جدا جدا منورة علطول و سطها كمبيوتر الرحلات
4- تحتك دواسة البنزين و الفرامل اللى تعبر اكبر دواسة فرامل فى فئاتها جنبها دةاسة تسند فيها رجلك
5 - جنبك على اليمين بداية الكنسول الوسطى من فنحات التكيف الى ال cd اللى شكله
تحفة بصراحة الى التكيف اللى متناسق مع شكل الطبلوه الى درج اسفل التكيف فيه ولاعة و مخرج 12 فولت و مدخل aux & usb و بعدين الفتيس و بعدين حامل الاكواب و فرامل اليد
6- نيجى بقى ورا المساحة تعتبر كويسة و الحمد لله ما فيش ضيق غير للاحجام الضخمة و الطويلة
7- شنطة واسعة و مديانا زيادة عن اللزم و الله بتشيل و بغباوة فى فئتها معادا لوجان

اداء العربية :
محرك : كويس جدا . موفر فى البنزين , صوت منخفض جدا بالذات بعد لما يسخن . و لا بيتأثر بالتكيف بش ليه مشكلتين صوته عالى بعد 140 تقيل حبة صغننة لغاية 40
فتبس : عاوز تعرف بينفل امتى ركز مع rpm بس ان لعايى دلوقتى انهى سرعة ببقى عليها
الثبات : لغاية 160 تمام بس قدام بس و تغير حارات ده اخره بس تمسك الدركسيون جامد لما تعدى حتب تريلا بس هو حلو و عاجبنى لانى مبعرفش اعمل غرز
القرامل : الحمد لله كويسة و مريحة كمان متقلقش منها
العزل : هو العزل جيد جدا بالذات لما تقفل الازاز بش الكوتش بيحسسك بالاسقلت البايظ
العفشة : مش عارف بس فى حاجة لما تحمل زيادة عن اللزوم المساعدين بيطلعوا صوت للورا و اللى قاعد فوقيهم و لو الارض متغددة , العربية واطية و منقدرش ننكر
التقفيل : جيد جدا بس البلاسنيك سعات بيزن بس لازم تركز معاه و انا بحب اطلع القطط الفطسانة

نيجى بقى العربية و الصيانة :
تمت صيانة السيارة بالتوكيل كلها ( الحمد لله كل اللى اتغير زيت و فلاتر و بوجيهات + طقم كوالين لان العربية اتلخقت اقبل ما تتسرق و لسه دراع المساحات علشان الحرامى كسره + ريش المساحات )

ملاحظات و اضافات :
العربية ظهر فيها تزيق فى البيبان ساعة الفتح و كل مرة نقول فى الصيانة و ساعة يجى الصوت و ساعات لا - التكيف كان اداؤه جيد فتم شحن فريون فاصبح جيد جدا . الكاوتش رفيع جدا على العربية . صوت السماعان اللى ورا صوتهم ضعيف حبتين و بنضر اننا نزود الصوت لغاية 12 علشان نسمع و ده بيكون عالى جدا على اللى قدام . ازاز كهربا مرة علق و طلعت فيشة وقعة العربية مرة اتخبطت فى باب السائق و النعوجات باظت انا قولت خلاص العربية مش هنرجع زى الاول دلوقتى الحمد لله الخبطة اتعملت فى شغل الوالد و لا كأن حصل حاجة فا محدش يتخض لو لا قدر الله العربية اتحبطت لو سمكرى شاطر هيعملها . فى حاجة بفى فى اول دفعة و انا بعنبرها احسن دفعة الاتى ( العربية الكاسيت اصلى من كوريا لان الوصلات تحت فى درج مش فى الكاسيت & العربية فيها 6 سماعات 2 قدام 2 ورا 2 تويتر )

نصيحة للى بيفكر يشنرى جديد : نصيحة لو العربية فيها امبولييزر اركب كل اللى فى فئتها و اسنخر ربنا و ان شاء الله ربنا يكرمك باللى فى احسن .
نصيحة لمسيو غبور ارحم امنا العيانة بالانابة عن عملاء هيونداى علشان انت عديت و هيست ما هى و لا دى اسعار و لادى كماليات .

فى النهاية اشكركم على حسن القراءة و ارجوا التثبيت ( جزاكم الله خيرا)














-

المشاركة الأصلية كتبت بواسطة omaranes77

اية الحلاوة دي بس هيا مافيهاش ايمبوليزر صح

للاسف مافهاش