انا مش فاهمة احنا ليه نتمنى انهيار أمريكا؟ ليه ما نتمناش اننا نبقى قوة لا يستهان بها و ساعتها مش هايفرق معانا انهيار أمريكا من عدمها؟ إيه الضعف اللي احنا فيه ده؟ بدل ما نشوف هانبني نفسنا ازاي نقوم نتمنى الانهيار للغير؟؟!!
عرض للطباعة
انا مش فاهمة احنا ليه نتمنى انهيار أمريكا؟ ليه ما نتمناش اننا نبقى قوة لا يستهان بها و ساعتها مش هايفرق معانا انهيار أمريكا من عدمها؟ إيه الضعف اللي احنا فيه ده؟ بدل ما نشوف هانبني نفسنا ازاي نقوم نتمنى الانهيار للغير؟؟!!
ياجماعة بالراحة بس،
حد فكر ايه اللي ممكن يحصلنا لو أمريكا انهارت اقتصاديا واحنا نسبة كبيرة من اقتصادنا معتمد عليهم - ودي طبعا مصيبة كبيرة - ياريت لو حد فاهم في الاقتصاد اكتر يشرحلنا ايه هي تبعات الانهيار على اقتصاد بلاد مغلوبة على امرها زينا كده... وياريت يكون التحليل مش بس كلام نظري، لا يتترجم لتاثيره على البطالة، الاستثمار، التضخم، أسعار الوقود والسلع، مستوى الدخل، قيمة الجنيه....الخ. وبعدين في ناس قالت ان تبعيتنا هتبقى للصين، طيب ده ممكن ياخد وقت اد ايه وهيبقى ايه تاثيره علينا (يعني بدل منشوف كنتاكي هنشوف اوشين لتقديم اشهى وجبات الضفادع الفيليه مثلا) ... وايه اللي يمنع ان الدولة تبدأ من دلوقتي تمشي في اتجاه الصين تحسبا لانهيار النظام الاقتصادي الأمريكي....
وربنا يسلم،
مش مشكلة اننا نغير كنتاكى او ماكدونالدز
متهيالى مش هنام من غير عشا او هنموت من الجوع يعنى
المشكلة الحقيقية هى انقيادنا الاعمى والكامل وربط كل مقدراتنا بامريكا فقط !! بدل من تنوع تلك الارتباطات كما تفعل دول كتيير ومنهم السودان جارتنا مثلا
ومش هنقول السودان
هنول فنزويلا وبوليفيا ودول امريكا اللاتينية
دى مش دول جبارة ولا حاجة
هيا دول معظمها نامية زينا
بس الفرق ان القيادة السياسية بتفكر ولها مواقف وقرارات تصب فى صالح بلدانها فى اخر المطاف
ولا تتورع عن معاداة اى قوة تحاول استمالتها تحت عبائتها لانهم نااس بتفهم وبتحافظ على شعوبها كويس
انما احنا كمواطنين ليس لنا راى او قرار
احنا بنتفرج وبنسمع وبنشوف فقط لاغير
وبنشاهد الفيلم وبنتمنى ان البطل ميموتش
بس للاسف الشواهد كلها بتقول انه هيموت خلاص
دى مش غلطتنا انا وانت
دى غلطتهم هما
فى الواقع امريكا صعب تنهار لعدة اسباب
أولها الامكانيات العظيمه لديها التى وهبها الله لها من كل شىء
وثانيها الديموقراطيه التى تحكم البلاد والتى لا يوجد فيها استبداد بالرأى ولا حكم الفرد
وثالثها التقدم الرهيب فى الصناعه وكمثال البرمجيات فقط وتخيل العائد الرهيب منها وزى ما حضرتك شايف بيتكلموا عن ال 700 مليار كانهم 7 مليون
رابعها الاهتمام الشديد بالعلم والعلماء وتوفير كل الامكانيات للعلماء
خامسها ان وجود بعض المشكلات الاقتصاديه بها لا يعنى انهيارها
سادسها المشكله الاقتصاديه الاخيره بها ليست بها وحدها بل فى اوروبا واليابان وغيرهم
وربنا يسترها علينا وعلى اولادنا من هذا المستقبل المظلم
احنا بدل منقول ينهارو لازم ندور احنا نبني نفسنا ازاى ومش نعتمد علي حد ولا نبقي تابعين لحد
ولا حتى ما ينهاروش ...احنا مالنا ؟؟؟
بقينا عاملين زى الفشلة اللى عاوزين الناس كلها فاشلين عشان محدش يبقي احسن من حد
فكر بلييد و سلبي
متهيألى الناس مبتكرهش امريكا وتتمنى سقوطها من فراغ
وبالذات احنا المصريين والعرب والمسلمين
عشان احنا عانينا كتيير من ظلم امريكا
ايه الشئ الكويس اللى امريكا بتديهولنا عشان نحبها
حاربت الصومال
بتقطع فى السودان
تتحكم فى منابع نفط دول الخليج
قتلت الملايين من اخواتنا فى العراق ودمرته واحتلته ونهبت ثرواتة
حتى اثار العراق اتسرقت
بتهدد سوريا عشان ترضخها تحت رجل اسرائيل
بتقوى اسرائيل ضد اصحاب الارض الفلسطنيين
وقفت فى وشنا واجبرتنا على عدم التقدم فى حرب اكتوبر واحنا بنحرر ارضنا
وامدت اسرائيل بكل قوتها اثناء حرب اكتوبر
محتلانا سياسيا
المعونة اللى هى ضمن اتفاقية كامب ديفيد كل يوم بتطلع تزلنا بيها وتهدد بقطعها
ايه الشئ الجميل اللى امريكا بتعملة لينا !!!
دولة بتظلمنا كل يوم!!
اكيد محدش بيحب الظلم
أكيد محدش بيحب الظلم
لكن مين اللى ظلمك
مين اللى سرق مالك
مين اللى باع أملاكك
مين اللى سهل الاحتكار
مين اللى خرب البلد
مين اللى صدر ثرواتها لعدوك بتراب الفلوس
مين اللى تلف أمل بلدك وخلى الشباب يرمى نفسه فى البحر هربا منها
مين اللى سرطن الأكل
مين اللى لوث الميه
مين اللى بوظ التعليم
متهيألى مش أمريكا