مشكله في النترا 2012 صوت زنه او شخلله في الفتيس

**devil_storm** · 24-03-2014 07:51 AM

دلوقتي عندي مشكله في النترا 2012 ماشيه ٢٠ الف كم ... بسمع صوت ذي شخلله خفيفه .. الصوت عامل ذي صوت شخلله الغوايش بالضبط ..
الصوت بيحصل و انا ماشي و بزود بنزين خفيف او لما اشيل رجلي من دواسه البنزين و ارجع ازود تاني بالراحه اسمع شخلله الغوايش لمده ثانيتين و يروح و يظهر تاني لما اشيل رجلي من البنزين و ادوس بالراحه تاني و اوقات بيظهرو اوقات لا حسب دوسه دواسه البنزين ... لو دوست بنزين جامد الصوت مش بيظهر

الصوت مش بيظهر نهائي و العربيه واقفه مهما ادوس بنزين ... و ديتها التوكيل قلولي وصلناها علي جهاز الاعطال و مفيش حاجه و كشفت علي الشكمان من تحت مرتين و مفهوش مشكله نهائي ... يعني الشكمان مستبعد تماما

الصوت ده بيجي من تحت التابلوه او من الفتيس و التوكيل رحتله مرتين معمليش حاجه ... حد حصلو حاجه كده يفدني سبب الصوت ده ايه؟؟؟
ذي ما قلت الصوت ذي شخلله غوايش

**profimh** · 24-03-2014 12:22 PM

والله مش عارف اقلك ايه هى العربية انا بطلت اركبها من كتر الأصوات
ما علينا
بخصوص الصوت كان ليا تجربة مع ال hd يمكن تفيد نفس الصوت ده كان قرب يجننى شخللة الغوايش دى و بعد تفحيص عميق بالصدفة إكتشفت أنه صوت علبة الشكمان الصغيرة اللى هى تقريبا تحتك و انت سايق و كان بيظهر واضح لو انا ماشى و فاتح الشباك و اجى احط رجلى على البنزين زى ما بتحكى كده.

**profimh** · 24-03-2014 12:32 PM

عل فكرة لازم تسمعهم الصوت بهوات التوكيل و لازم الدنيا تبقى فيها هدوء و هو ده الفرق بين الحالتين انت بتقول مبيظهرش و انت واقف انا بقى كان بيظهر بس لازم كنت اضغط بنزين لاغايت لما الار بى ام يوصل 5 و اشيل رجلى و هو نازل اقصد الار بى كان يظهر على طول
اسف على الاطالة

**moe gawad** · 24-03-2014 12:49 PM

المشكله انى مثل تلك الاصوات لازم تتسمع اولا علشان نعرف نحدد جايه منين بالضبط,
ممكن لو حضرتك من القاهره تقابلنى فى اى مكان نجرب العربيه مع بعض , او كلمنى وانشاء الله ربنا يقدرنى واحددلك المشكله منين بالضبط تروح التوكيل يغيروهالك
01210555631
واوعى تعملها بره التوكيل علشان الضمان فاهمنى

**Dr.M_baz** · 24-03-2014 08:32 PM

في الغالب هتكون حاجه ليها علاقه بعلب الشكمان.

**devil_storm** · 24-03-2014 09:52 PM

انا كشفت علي الشكمان مرتين و قلولي مفهوش حاجه
لما بروح التوكيل بيقلولي حطنها علي جهاز الاعطال و مفيش مشكله ... و مره تاني قلولي جربنا العربيه و المشكله مش ظاهرا حاليا!!!

انا زهقت من الالنترا و كل شويه زياره للتوكيل !!!

**esam_ayad** · 24-03-2014 10:40 PM

ياباشا لازم تشوف اكتر من ميكانكي شاطر وتستشيره في الكلام ده بس مش غير ماحد يلعبلك في حاجه.
أما بالنسبه للتوكيل فإنسي.
أنا معايا كيا سيراتو 2014 فل اوبشن اوتوماتيك ماشيه 3000 كيلو بس ومن يوم ماإستلمتها والفتيس بتاعها بينتش وبحس بنقلات الغيار من سرعه لسرعه ورحت للتوكيل وحطوها علي جهاز الأعطال وقالولي مافيهاش حاجه خالص والجهاز مش قاري أي حاجه غلط عندك.

**MAHMOUD MOHAMD** · 25-03-2014 01:21 AM

نفس المشكله فى النترا hd وطلعت من الشكمان اكشف عليه برا التوكيل عند حد شاطر

**اسلوبي** · 20-07-2014 05:58 AM

يا شباب المشكله من سير المكينه

ما ادري ايش تسمونه في مصر

السير المكينه الخارجي المصنوع من الربل

انا طلع معي نفس المشكله بالضبط وغيرت السير ب 80 ريال تقريبا والوضع تماااااام

**devil_storm** · 20-07-2014 07:42 PM

انا صاحب المشكله و التوكيل حلها بعد ما رحتله ٣ مرات ... اسف انا نسيت اعمل ابديت...الصوت كان مضيقني جدا و بيخلي العربيه تشخلل مع التسارع و حل المشكله بسيط جدا ... المشكله كانت بسبب سير تقسيم المجموعه و شدوه في التوكيل و الصوت راح الحمد لله
اللي عنده المشكله دي يشد سير تقسيم المجموعه و حتتحل المشكله

الموضوع: مشكله في النترا 2012 صوت زنه او شخلله في الفتيس

LinkBack

أدوات الموضوع

عرض

مشكله في النترا 2012 صوت زنه او شخلله في الفتيس - انشر الموضوع فى :

-

-

-

-

-

-

-

المواضيع المتشابهه

صوت طقة فى الفتيس الاوتوماتيك النترا 2012 الشكل الجديد

مشكله فى النترا 2012

مشكله في النترا 2012

النترا 2012 وكيل محتاج مساعده فى مشكله

شخلله فى الفتيس

الكلمات الدلالية لهذا الموضوع

المفضلات

المفضلات

ضوابط المشاركة