ولما اوصى حد يشترى لى حاجة زى كدا ..
اقول له مثلا دى فى دى اندرويد لكرولا 2014 مثلا ، و لا دى فى دى موديل كذا رقم كذا ؟
عرض للطباعة
ولما اوصى حد يشترى لى حاجة زى كدا ..
اقول له مثلا دى فى دى اندرويد لكرولا 2014 مثلا ، و لا دى فى دى موديل كذا رقم كذا ؟
على فكرة بعت اجيبه من الصين باذن الله وهايوصل كمان عشرين يوم
ارجو المتابعة بأخر التطورات
يس المشكلة فى التركيب خارج التوكيل مش فى الكاسيت
واخيرا وصل الكاسيت الاندرويد مش قادر اقول انا مستمتع بيه اد ايه طبعا خد شويه غلبه فى التركيب وخصوصا ان التوكيل مرضيش يركبه فركبته بره فى محل كلاريون اللى فى المهندسين طبعا هما مستواهم فى التركيب مش اد كدة بس انا ظبطت السوفت وير بتاعه بعد كدة عموما الجهاز اتكلف لغايه التركيب فى 610 دولار زائد 600 جنيه مصرى جمارك زائد 200 جنيه كاميرا خلفيه زائد 200 تركيب على العموم مواصفات الجهاز عباره عن كاسيت تاتش نازل على ويندوز سى اي بالاضافه الى قطعه اسمها كان باص ودة علشان تشغل الطاره مع الجهاز وكمان اهم قطعه وهو بوكس الاندرويد ( عليه نظام تشغيل جيلى بين ) (رامات 2 جيجا )ودة بيتحط فى الدرج وبيوصل للكاسيت ومعاه الوصله بتاعته وبيظهر ايقونه على الكاسيت للاندرويدطب ايه الميزة من ان الجهاز مش بيور اندرويد بمعنى ان فيه ( نظامين تشغيل ) عام الاجهزة البيور اندرويد انها بطيئه فى بدايه التشغيل كأن حضرتك بتفتح الموبيل ومستنى يحمل ودة حاجه تزهق انك كل ما تيجى تقفل وتشغل العربيه تقعد تقريبا 3 دقايق مستنى التحميل للجهاز فكدة الجهاز بيحمل بسرعه شديده وكمان بيشغل البوكس بالاضافه انك ممكن تاخد البوكس الاندرويد معاك للبيت ةتوصله على جهز ال سي دى ويبقى كأنه تابلت عموما الجهاز منتهى المتعه ويستاهل كل جنيه ادفع فيه
لا مش بالسهوله دي عاوزين صور وحركات بعد التشغيل كدو وتقرير عن اخبار الجهاز والصوت والتوافق مع الطارة أخبارة ايه
مبروك
بص يا زعيم اولا الله يبارك فيك ثانيا للامانه انا ما بعرفش ارفع صور بس اولا انا جايبه عن طريق الانترنت من مصنع مباشره من الصين ومش من اى بايع على النت فى الصين وخلاص فطبعا لما بعت الفلوس كانوا ناس محترمين جدا وبعتوة قبل المدة المحددة وهو متوافق مع الطاره بشكل كامل ودة السر انه غالى شويه علشان كان ليا تجربه مع بايع من النت صينى بردة من على احد المواقع وبعد ما بعت الفلوس رجع قالى ان الكان باص المسئول عن التوافق مع الطارة مش موجود وطبعا رجعت الفلوس منه وتعاقدت مع المصنع دة وطلع فعلا محترم وبعت الجهاز ومتوافق مع الطاره بص الخلاصه مش هتندم نهائى جهاز بجد يستاهل كل جنيه ادفع فيه وتقدر تقول انى متكييف اوى منه اما بخصوص الصوت زى الفل مع انى مش من الناس اللى بتعلى اوى الكاسيت يعنى يدوبك كدة اسمعه بس بامانه اذا مكنش زى الاصلى فهو احسن من الاصلى شويه بصراحه حاسس ان العربيه بقت احسن من الهاي لاين بالكاسيت دة
شوفوا ده كده يا جماعة من هنا