:shyy::shyy:
عرض للطباعة
بص يا استاذ احسن حاجه ليك تسافر بعد متخلص اى دوله اوروبيه فقيرة تكون داخل الاتحاد الاوروبى تعمل فيها دراسه هاتبقى رخيصه وخلال هذه الفترة تظبط مع واحده هناك اتفاق انك تتجوزها مقابل مادى معين لغاية تاخد الجنسيه او الاقامه المفتوحه
طيب بالنسبة لكندا ؟ ايه النظام ؟
حد عنده تجارب
يا جماعه
شيلوا من دماغكم (امريكا كندا استراليا انجلترا دول اتحاد اوروبي دول اسكندنافيه)
خلينا في دول شرق اوروبا (ارمينيا جورجيا ليتوينيا استونيا لاتفيا)
او دول امريكا اللاتينيه (الاكوادور بوليفيا باراجواي اوروجواي)
للمصداقيه يعني
ياباشا لو نشيل من دماغنا البلاد دى
اومال نسافر ليه
ما نتعب فى بلدنا اولى بينا بدل الغربة على الفاضى
لكن لو الغربة على دولة نضيفة وكبيرة الواحد يدرس ويشتغل ويستحمل لانه العائد هيبقى صح
هو سؤال لكل واحد عايز يسافر زززانت بتسافر ليه ؟؟
تعليم افضل + شغل افضل + معيشة افضل + حياة ورقى افضل وكل ده = دولة كبيرة محترمة
دى وجهة نظرى :)
المانيا فعلا لازم تكون تجيد اللغه كويس اوي قبل ما تسافر افضل طبعا
و الدراسه هناك لو باللغه الالمانيه رخيصه بمقارنه ببقيه الدول
حوالي 1000 يورو في السنه
ياريت بقي حد يقولنا علي اي معلومه مفيده عن دول شرق اوروبا
انا اسمع ان لاتفيا انها نضيفه جدا و كانت واخده افضل دوله في اوربا من حيث النضافه علي ما اعتقد من فتره بس هي صغيره اوي و اعتقد الشغل مش هيبقي سهل فيها
جميل جدااا
بس نطير ازاى يعنى هم بيفتحوا باب التقديم ولا الواحد يروح السفارة يسأل
انا عايز اكمل دراسة واشتغل هناك او فى كندا او امريكا او استراليا
دى الدول اللى بفكر فيهاااااااا
كندا و امريكا و استراليا هيبقوا مكلفين في الدراسه
بخصوص المانيا ادخل علي Daad وشوف التخصص اللي عايزه و راسلهم
انا عملت كده من فتره بس اتشليت ان حد يرد الصراحه و كان معظمهم في اجازات مش عارف ليه
المفروض اللي بيحصل انك بعد ما ترسي خلاص علي الكليه و بتبعت ليهم الورق و يتوافق عليك ..علي قد معرفتي انهم بيبعتوا موافقه للسفاره علشان تاخد الفيزا بعديها
حتى لو منحة دراسية واقامة لفترة :)
طيب نعمل ايه بقى يا شباب
استراليا سكتها ازاى
نصيحة للبيفكر في استراليا بلاش والله ودي عن تجربتي الشخصية وانا لسه هناك حاليا
اللي حاطط امل في دراسة ف الدراسة ف بعض الدول الاوروبية رخيصة وبقول بعض مش كل
كمثال المانيا الدكتوراة فيها مجااااااانا بس تجيب موافقه من مشرف هناك ودي برده عن تجربة شخصية مريت بيها
الف شكر ..
الموقع شكله محتاج وقت و تركيز عشان الواحد يفهم كل حاجة بالظبط
بس معنى كلام حضرتك ان لو حد جاب 140 يبقى كده مقبول خلاص ولا ايه الخطوات بالظبط ؟
طيب حضرتك وضحلنا وجهة نظرك ليه ان استراليا بلاش ؟ مفروض انها دولة كويسة
و فى المانيا دراسة الدكتوراة بالالمانى ولا الانجلش ؟
لاتفيا نضيفه جدا و عمله عاليه جدا و اعلي من اليورو و الدولار و اخده كرسي في مجلس الامن كمان و لكن بيتكلموا لاتفي و دي لغه غريبه جدا بس الابجديه ابجديه انجليزي
و العيشه غاليه هناك جدا
يعني نروح نسأل في السفاره ؟
حضرتك عمال تقول استراليا وحشه و مش عارف ايه
و سألت حضرتك ليه و حضرتك مردتش
ياريت حضرتك تقولنا ليه لان بيوصلني كلام عكس كلامك من ناس عايشه هناك
انا عايش في بريزبن في كوينزلاند وتعتبر من افضل المدن هنا بعد سيدني وملبورن
انا حاليا بدرس وبشتغل في استراليا فجربت سوق العمل وفرص الدراسة
بالنسبة لفرص العمل تعتبر شبة معدومة ودا لان الاقتصاد هنا ف النازل بالاضافة لغلو الاسعار الرهيب
بدون مبالغة الحاجة في مصر اللي بتشتريها بجنية هنا ب 10 جنيه وكلامي هنا علي الاكل والبنزين ومصارف الكهرباء والنت وكل حاجة ممكن تستخدمها هنا
في المناطق الريفية ممكن يبقي الحال احسن شويه لكن مش زي ما ممكن تتخيلوا
اللي بيدور علي الدراسة بالخارج كمنحة فدا لازم يكون ليك انتاج علمي بمعني يكون ليك ابحاث منشورة في مجلات علمية معتمدة واعتقد ان دا ف مصر مقتصر علي الجامعه ومراكز البحوث
لكن لسه الفرصه قدامك - سجل دراسات عليا في مصر وانشرلك علي الاقل خالص بحثين وفي الحالة دي
هتبدا تعرف مين اللي ممكن تراسلة وتتكلم معاه كمشرفز لو وصلت للمرحلة دي واخدت موافقه مشرف من الخارج هتدرس في بعض الدول مجانا زي المانيا واليابان - ولو سافرت وعجبت المشرف في شغلك ممكن يجبلك منحة دراسية
ومنحة دراسية يعني بتدرس ببلاش زائد بتاخد مرتب كويس تعيش منه وتحوش كمان
طيب هل الالماني مهم او الياباني مثلا
الاجابة مهم بس مش لدرجة اني اضيع وقتي في دراستهم لان الانجليزي اهم بكتير
الالمان واليابانيين بيتعاملوا في الجامعات بتاعتهم بالانجليش ودا يفسرلك العدد الرهيب من اعضاء هيئة التدريس في مصر اللي بيسافروا للدول دي تحديدا
ليه استراليا لا
لان حضرتك نظام المعيشة هنا معقد جدا
علشان تشتغل هنا عامل في قهوة مثلا لازم يكون معاك علي الاقل شهادة في كيفيه اعداد القهوة - رخصة من حكومة الولاية بالعمل - شهادة طبية انك خالي من الامراض ----- ومع ذلك لن تضمنلك الحصول علي عمل
انا بقولك علي ابسط شغلانه
بالنسبالي انا طبيب بيطري ودكتور جامعي ورغم اني بدرس هنا دراسات عليا في مجال تخخصصي الا اني معرفتش اشتغل الا لما عملت معادله لتخصصي
ويعني ايه معادله - يعني مصارف قد تصل الي 10 الاف دولار علشان تدخل امتحان يا تنجح يا تسقط
ولو منجحتش مينفعش تدخل الامتحان تاني الا بعد سنتين
وعلي فكره دا النظام ف كل حاجه هنا
لو قدمت علي رخصة قيادة سيارة او مركب في النهر مثلا ورسبت ف مش هتقدم تاني الا بعد سنيتين ودا اللي حصل معايا
رغم اني كنت عفريت سواقة ف مصر - سقطت ف الاختبار هنا ومش مسموح ليا اني اسوق برخصة دولية الا 6 شهور
نظام الهجرة بصراحة لم اخوض التجربة دي علي الاطلاق ومش ناوي اهاجر
بس لو لقيت شغل هنا يكون علي الاقل براتب 30 الف دولار سنويا - هاجر لاستراليا
لكن اقل من كدا او تقول لنفسك ااجي وبعدين ادور يبقي اقطع تذكرة ذهاب وعودة افضل
قفلتنا من استراليا ليه كده بس يادكتور :s :s :s
اولا قبل ان اذكر تفاصيل ارى ان افضل طريقه للسفر هو الزواج من احدى فتيات الدوله التي ترغب بالسفر اليها ثم يمكنك بعدها الحصول على الجنسيه وتتمتع على غرارها بكافه الحقوق والواجبات كالتي يتمتع بها ابناء هذه الدوله
ثانيا يتوجب عليك قبل السفر ان تقوم بعمل دراسه شامله للدوله التي تود السفر اليها من ناحيه تعاملهم مع العرب عامه والمسلمين خاصه ومن ناحيه الخدمات التي يقدمونها لابنائهم ومن ناحيه اسعار السلع ومستويات المعيشه واسعار الشقق والمنازل والايجارات وعدد السكان ونسبه البطاله وفرص العمل واحوال الاطباء والمستشفيات والنظافه والتعليم ....... الخ وبعد ان تطمئن من ناحيه هذه الدوله تبدأ بعدها بأخذ اجراءات عمليه في التحرك نحو السفر وتكون خطواتك كالتالي :-
1- تبحث عن فتاه في هذا البلد للزواج منها اما عن طريق الانترنت او عن طريق السائحين اللاجئين الى مصر او تسافر سياحه لهذا البلد
2-بعد ان وجدت الفتاه تقوم بالزواج منها في بلدها وليس بلدك كي تحصل ع الاقامه المؤقته وبعدها تعود الى بلدك مره اخرى
3-في الفترة بين الاقامه المؤقته والحصول على الاقامه الدائمه تقوم بتعلم اشياء في مجالات مطلوبه في هذا البلد بجانب لغه البلد (وهذا يكون في بلدك)
4-بعد انتهاء الاقامه المؤقته تذهب مره اخرى الى دوله زوجتك وتكون قد تعلمت او درست تخصصات مختلفه مطلوبه في هذا البلد وبعد الحصول على الاقامه الدائمه والجنسيه يمكنك التقديم على وظيفه جيده بعد عمل المعادله اذا كان هذا البلد يطلب ذالك
ايه تاني !! وبس كده يامعلم
مكرر
اعذرنى يا باشا
بس اختلافك مع اى شعب او مع افكاره ميديش الحق ليك انك تقول عليهم اوساخ
يعنى بنفس المبدأ ده منرجعش نزعل لما هما يقولوا علينا متخلفين و مبنفهمش و عايشين فى القرن اللى فات ..
اختلاف الثقافات موجود بين كل دول العالم و اللى حضرتك شايفه وساخة هما عادى عندهم ..
و بعدين احنا لو شايفين انهم وسخين ليه نقعد ندور على طرق و حوارات كتير عشان نقدر بس نعيش معاهم
و على فكرة معظم دول اوروبا المحترمة دلوقتى بقت مشددة جدا فى موضوع الزواج ده عشان عارفين اللى بيحصل ان الناس ببتجوز بس عشان الجنسية ..
يعنى انا شايف ماشى ان طبيعى ان الانسان يدور على معيشة و مكان احسن ليه يعيش فيه بس على الاقل لازم يبقى عنده نوع من تقبل الاخر بالذات انه رايح عندهم فى بلدهم
اظن لو طلعنا بنتيجة ان الهجرة الافضل لبلد *كذا* ، تانى يوم هاتكون البلد دى قفلت باب الهجرة من كتر المشاركات و المشاهدات هنا فى الموضوع .
---
طيب ايه وضع كندا ؟ و امريكا ؟
انا كنت ماشى فى البلد بقول للناس انا هاسافر كندا أو استراليا
و من الموضوع هنا اتقفلت من استراليا :( !!
-------------
شكلها كدا الرحلة المعتادة للخليج ، و نروح نشتغل حمير هناك :(
هههههه ياباشا انا راجل موظف حكومي مينفعش اسيب المحروسه واهاجر لاني خلاص وقفت على ارض صلبه رغم ان المرتب ضعيف بس مهما كان شغل حكومي محدش طايله في الزمن ده انما لو مكنتش شغال كنت عملت الفكره اللي اقترحتها ع الراجل
ولو انا لقيت واحده اجنبيه ترضى تعيش معايا هنا !! ياسلام حد يكره دي مصر وشقتي ينوروا بيها هههه
بس للاسف الموضوع صعب شويه
استاذ بروف
ابن خالتي متجوز بنت روسيه و عايش معاها في المحروسه
لو قولتلك بيعاني ازاي مش هتصدق
علي فكره الموضوع مش موضوع شغل و فلوس
الموضوع ناس تعاملك باحترام و تعاملهم باحترام
و انت عارف الناس هنا بتتعامل ازاي مع بعض
تحياتي
بيعاني من الاتنين
انا قصدي بعض اللي بيهاجروا من البلد
مش عشان الفلوس و الشغل
ربنا يصلح الحال ويفك كرب الجميع
بعد دراسة مطوله عن افضل البلدان للهجرة كانت الاجابة
كندا
افضل من انجلترا اللى العمل فيها شبة مستحيل
افضل من امريكا اللى خلاص الحلم الامريكى انتهى
افضل من نيوزيلاندا اللى لسة هتكون للمستقبل
افضل من استراليا اللى عايزة معادلة من هنا
كندا ان شاء الله بدون عنصرية
تجمع جميع الجنسيات والاديان
بلد واعدة
كندا بتاخد 5000 ابلكيشن في العالم كله في السنة كلها ....... بشرط انك تكون من المهن المفتوح لها .......... بما لا يزيد عن 200 ابلكيشن من كل مهنة في اللستة ........ يعني الموضوع مش مستحيل بس يقارب الاستحالة لانك هتبقى بتعافر مع عشرميت واحد من ابناء مهنتك من العالم كله على 200 مكان بس ..........
الحلم الامريكي انتهى؟ lol ...... الكنديين نفسهم بيروحوا امريكا يدوروا على شغل لان المرتبات اعلى و الضرايب اقل و العيشة ارخص ...... بلاش كلام معلب بتاع الجرايد الناصرية الله يكرمك
كندا كمان عايزة معادلة لو هتشتغل في مجال طبي او مجال محتاج ترخيص مزاولة مهنة ....... فنقطة انها احسن من استراليا لان استراليا عايزة معادلة غير صحيحة