الموضوع: مساعدة للهجرة

المشاركة الأصلية كتبت بواسطة mohab.nabil

لو على الجو فأحنا متعودين عليه و اهو حر احسن من برد اللى مش متعودين عليه يمكن الرطوبة فعلا تبقى زيادة شوية

مش لاقيين ياكلوا ليها مميزاتها و عيوبها انك لو قدرت تلاقى وظيفة كويسة العيشة اكيد هتبقى ارخص كتير من الدول المتقدمة اقتصاديا

بالنسبة للحريم فده مش كلام يا باشا انت متعرفش ان الـ latino من اجمل بنات العالم ولا ايه ؟ شوف فنزويلا مثلا دايما مكتسحة لقب ملكة جمال العالم .. هما احسن مننا كتير فى النقطة ديه

موضوع الارتفاع عن سطح البحر ده له عيوب كبيره برضه يعني متستهونش بالموضوع و بعدين الحراره عاليه يعني هتلاقي امراض شبه الملاريا و غيرها منتشره

هي اه العيشه رخيصه بس هتاخد خدمات زي الزفت زي هنا

اللاتنيين حلويين جدا بس بحس انهم شبهنا برضه مش عارف ليه :)

انت بتفكر في دوله لاتينيه معينه ؟ انا فكرت في الاكوادور قبل كده

المشاركة الأصلية كتبت بواسطة mohab.nabil

الارتفاع عن سطح البحر اكيد هيبقى ليه مشاكل و فعلا الحاجات ديه مش بتبان الا لما تعيشها على ارض الواقع ..

درجات الحرارة حسب البلد برضه بس احنا كده كده متعودين هنا فى مصر على درجات حرارة عالية فالموضوع مش ازمة كبيرة اوى ..

و برضه اظن موضوع الخدمات ده حسب المكان يعنى فى مصر حتى لو غنى و عايش فى كومباوند هتلاقى ان الحياة معقولة مش هقول ممتازة بس مش بطالة ..

ههههه يا باشا انا عايز اقولك بس استخدم حبيبنا google و اعمل سيرش كده شوية و انت هتعرف انهمم احسن مننا كتير فى النقطة ديه :copy of m-s5:

لا بصراحة انا مفيش حاجة معينة فى دماغى .. و يا ريت تشاركنا بمعلوماتك عن الاكوادور

انا بصراحة واحد زميلى قالى على نيوزيلاند بس معرفش ليه الفكرة دخلت دماغى بس مدورتش على اى معلومات عنها يا ريت لو حد يعرف عنها اى حاجة يقولنا

عندي مشاكل صحيه من درجات الحراره العاليه ده غير موضوع الامراض فالموضوع ازمه بالنسبه ليا

انا مش فارقه موضوع الخدمات احنا مش جايين من انجلترا يعني ههههههههههههههه

عملت سيرش و شوفت بس انا بحب الشقراوات اكتر :d

بالنسبه للاكوادور :

من عده سنوات كان ممكن تسافر من غير فيزا اصلا و تاخد تأشيره من المطار لمده 3 شهور و تقدر تجددها هناك مفيش مشكله

انا مش عارف حاليا لازم تجيب فيزا قبل ما تسافر و لا لأ و حتي لو لازم اكيد شروطها تافهه

مبيقولوش معاك كام و مش معاك كام و لا ليهم دعوه بموضوع الفلوس اساسا و دي ميزه لينا كمصريين

البلد هناك صغيره جدا و هتلاقي الناس ماشيين بلابيص بسبب الحر ههههههههههههههههه

الاكوادور كان ليهم عمله اسمه سوكريه بس ملهاش عازه فبيتعاملوا بالدولار الامريكي حاليا

البلد هناك 15 مليون بس زحمه زي مصر كده

بيتكلموا هناك اسباني و ده سهل جدا انك تتعلمه

حصل هناك ثوره و شالوا رؤوساء كتير فتوقع الامن شكله ايه هناك

والله يا باشا انا حاليا في استراليا والحياة هنا صعبة جدا
اكتر من 20 % من الاستراليين نفسهم بيشتغلوا عمل نضافة
الحياة اه نضيفة وكل حاجه بس هنا كفاءات عاليه جدا وصعب انك تلاقي شغل لان الكفاءات العالية دي نفسها مش لاقيه شغل
هنا بيفضلوا الاسيويين جدا والعرب مكروهين بشكل لا تتخيله

والله نصيحة لاي واحد عاوز يهاجر يروح افريقيا
انا عشت في تنزانيا سنه والله بعمري كله
بلد جميلة وشعب محترم ومسلمين بيمثلوا غالبية وتعليم راقي
والافضل من كدا انهم بيحبوا العرب المسلمين جدا علشان بيعتبرونا من نسل النبي عليه الصلاه والسلام