ممكن حد يوصفلى مكان وحدة مرور المعادى ؟
عرض للطباعة
ممكن حد يوصفلى مكان وحدة مرور المعادى ؟
ممكن طبعا انت تامر
بص انت احسن طريق واسهل طريق ليك تيجي من الاتوستراد وتزل نزلة المعادي او اللي هي نزلة مؤمن هي ضيقة كده شوية وعليه يافطة محتاجة منظار عشان تشوفها
هتفضل ماشي شوية هتلاقي ميدان في بنزينة كالتكس علي الشمال بس انت هتخش يمين هتفضل ماش شوية هتلاقيه علي اليمين بس انصحك تروح بدري عشان زحمة ومقرفين جدا
الاحسن يا باشا بعد النزلة دى يدخل اول يمين و اخر الشارع يمين تانى
هتلاقى المرور على ايدك اليمين على طول
ولو خايف تتوة ادخل من صقر قريش و اسال من هناك اسهل لو ملكش فى المعادى
شكرا يا جماعة بس ممكن الوصف من نزلة الدائرى
بسيطة
لو انت جاى من مدينة نصر هتنزل من النزلة بتاعة المعادى اللى بعد كادبورى و نقطة الشرطة
هتطلع على كوبرى هيوديك على اتجاة حلوان بتاع الاتستراد
هات يمين عشان تدخل صقر قريش
هتلاقى بعد 500 متر موقف اتوبيسات بتاع صقر قريش ادخل يمين طوالى
او بعد كيلومتر مدخل المعادى
لو انت جاى من الهرم هتنزل النزلة عادى و نفس الطريفة
عذرا للاطالة بس معلش استحملنى علشان انا معرفش الجتة دى كويس
انا هاجى من الهرم
فى نزلتين واحدة على كورنيش المعادى و التانية الى قبل كارفور الى بتودى على المقطم
ايهم افضل الكورنيش ولا التانية
و لو نزلت من التانية
بتنزلنى فى اتجاة الاتوستراد اروح فين بعد كدة؟ و ياريت اتجاهات علشان اما معرفش اماكن هناك
لا يا باشا فى نزله قبلها اللى هاتوديك فى اتجاه حلوان والمعادي هاتلاقى كوبرى ما تطلعوش خش يمين قبله ده الكوبرى اللى بيعدى الأوتوستراد
بص ياباشا دي خريطة توضح المكان لو انت حاتدخل من صقر قريش
معلش انا مصغر المقياس علشان اقدر اجيب المكان كله
هاحاول ارفعلك خريطة تانية لدخلة المعادي
http://www6.0zz0.com/2008/10/04/10/197325126.jpg
وديه خريطة لو هاتدخل من دخلة المعادي الى شارع النصر
ملحوظة: عند دخلة المعادي هتلاقي صورة الرايس
بالتوفيق والله يكون في عونك
http://www6.0zz0.com/2008/10/04/10/300305398.jpg