انهارده الصبح اكتشفت حاجه بالصدفه وانا بسخن العربية فتحت الكبوت ازود مياه اكتشفت ان في تنقيط زيت من تحت فلتر الزيت بتاع الماتور استغربيت جدااااا ومعرفتش انزل تحت العربية بطلت العربية التنقيط وقف هل الفلتر مخروم ولا اااااايه بالظبط اااعمل ااايه
عرض للطباعة
انهارده الصبح اكتشفت حاجه بالصدفه وانا بسخن العربية فتحت الكبوت ازود مياه اكتشفت ان في تنقيط زيت من تحت فلتر الزيت بتاع الماتور استغربيت جدااااا ومعرفتش انزل تحت العربية بطلت العربية التنقيط وقف هل الفلتر مخروم ولا اااااايه بالظبط اااعمل ااايه
معلش انا معنديش خبره اوي
بس ياريت لو حد يجي يبصلك عليها من تحت هو هيحللك الموضوع
علشان حتى لو انت عرفت لوحدك التنقيط من ايه اكيد مش هتعرف تتصرف
شوف ميكانيكي او بتاع زيت قريب منك
وان شاء الله يكون المشكله بسيطه
تنقيط زيت من عند الفلتر معناه حاجة واحدة ان الفلتر يا واخد خبطة و مش راكب مكانه كويس ... يا مش مربوط كويس .... روح لحد بتاع زيت يبصلك عليه وفى الغالب هيكون محتاج ربط كويس بس .. على فكرة انت ممكن تربطه بنفسك ... ارفع العربية وهيه بارده وامسح الفلتر كويس بفوطة ناشفة و لفه فى اتجاه عقارب الساعة لحد ما تقدر ... وشوف هيسرب تانى ولا لا
هاعدي علي بتاع زيت وانا راجع يشوفها بس مش لو مخروم الفتر ينزل وهي واقفه كمان لما بطلت العربية مش بينقط واكيييد وانا بتحرك بيها بتنقط بقي
اعتقد كده زى ما قولتلك ان الفلتر مش مربوط كويس ... وبيسرب من حوالين السن بتاعه لما بتدور العربية و دورة الزيت تشتغل . والله تعالى اعلى واعلم
كشفت امس علي العربية ولقيت الفلتر مخروم معرفش ليه وازاي غيرت الفلتر والزيت علاء شكرلي في زيت الهوندا الاصلي w 30 بيقول ده بتاع العربية وهي عاملة 130 الف كيلو بس الراجل بتاع الزيت قالي حرام تجيب الزيت ده تاني معرفش ليه بيقولي ان لزوجته خفيفة ومتسبيهوش 10.000 ك اااااايه رايكم في الكلام ده واللي معاه سيتي ممكن يقولي شغال بزيت ايه
بص يا اسلام غالبا الفلتر اتخرم من زلطة او مطب وانت ماشى وقدر الله وماشاء فعل اما بالنسبة للزيت فهو ده الزيت المصى به من هوندا لمواتيرها و w30 عشان الماتور افضل اداء ليه هو ده وسيبك من الراجل ده عشان هو بيقارن الزيت ب w40 واللى اكيد لزوجته اعلى بس بيجهد الماتور لانه لزوجته اعلى من المطلوبه للماتور
مش مفضل انك تحط زيت بلزوجة 5w-30 , لعربية ماشية بقالها 130 كم
المفروض قدامك حاجة من الاتنين
5w-40
10w-40
سامح المشكلة ان الزيت يفضل يكون 5 الاف بس الموجود فى السوق ال 5 الف مش كويس حتى موبيل وشل انتهى بالنسبة لل 5 الف والمفروض يكون نصف تخليقى او معدنى وبصراحة انا عربيتى عاملة 110 الف وحطيطت موبيل ال5الف hxf وكان تقيل على الماكنة حتى انا نزلت بعد 4 الف وكان زى ماهو
طيب يا استاذ سامح يعني انا كده بضر الماتور طيب اعمل ايه انزل الزيت بدري ولو حطيت ال w40 هيكون تقيل مش عارف الصح ايه