الموضوع: مروحة التكييف ...

المشاركة الأصلية كتبت بواسطة mahmoud_eng85

كل سنة واحنا طيبين وعالصيف داخلين وللتكييف محتاجين .... رحت النهاردة اكشف على التكييف قبل الصيف مايشد كده خصوصا انه اخر الصيف اللى فات تبريده مكنش قد كده ... المهم الراجل بتاع التكييفات قالي المراوح لازم تشتغل اول ما التكييف يشتغل وعندي مكنتش كده ... كنت اما اشغل التكييف والعربية باردة مفيش مراوح تشتغل وكنت متخيل ان مروحة التكييف بتشتغل اما مروحة التبريد تشتغل ... الراجل قالي لا لازم اول ما التكييف يشتغل المروحتين يشتغلوا على السرعة البطيئة وبعدين يشتغلوا على السرعة العالية لما العربية تسخن ... وظبطلى المرواح انها تشتغل اول ما التكييف يشتغل .... هل الكلام ده ومظبوط ؟؟؟؟

وطبعا لقي الشحن بعافية شوية فكبس دورة التبريد ملقاش فيه تسريب وشحن التكييف وبقى تمام الحمد لله .... وقالي ان الكباس بتاعي بيطلع صوت خشونة وده معناه انه قرب ينتهي تماما ... قالي خليك ماشي بيه الصيف ده لحد اما يجيب اخره خالص وبعدين نبقى نغيره ..

ونصيحة بقى كل واحد يروح يطمن على تكييفه مش ناقصة عرق واحنا سايقين :) :) :)

ممكن عنوان الراجل دة وممكن التكلفة كام كلها. وشكرا

المشاركة الأصلية كتبت بواسطة aِabdelmonem

يا جماعه انا كنت بشحن التتكيف من يومين كده والراجل المفروض انه زود الشحن المهم برضه تبريد التكييف مش قوى
المهم بص على المرواح لقاها مش شغاله خاالص وقال نفس الكلام انهم لازم يشتغلوا على البطئ والتكييف هيبرد كويس وراح جاب جركنين ميه ودلقهم على الريداتير والسربنتينه وقالى صلح المروحه وتعالى تانى
المهم النهارده روحت لكهربائى وقعد ساعتين يلف يميين وشمال ومفيش فايده وصلنا المروحه الصغيره الى هى بتاعة التكييف دايركت وشتغلت تمام وقويه وكشفنا على الفيوزات والكتاوت وبدانلهم وبرضه مش شغاله وبعيدين زهقت وروحت وقولت اسألكم يمكن حد يكون عنده فكره تانيه
وشكرا ليكم

ياجماعه الحمد لله عرفت المشكلة
فكرت انى احل المشكله بنفسى
نزلت كتالوج الكهرباء بتاع العربيه وشوفت دايرة المراوح ولقيتهم شغاليين على 3 ريليهات ( كادوات) رحت خت الافو ميتير بتاعى والعده وخت الصفحة الى فيها دايرة المراوح على الموبيل ونزلت وقعدت اقييس كل حته فى الدايره واحده واحده لقيت ان الارضى مش واصل للمروحه الصغيره قولت بسيطه هجبيله ارضى من اى حته بس لقيت فرده الكهربا برضه مش بيجلها كهربا روحت فاكضك الريلاى بتعاها ونضفت رجوله وقست الملف بتاعه بالافوميتيير وركبته تانى مشتغلتش برضه
رحت فاكك الريلاى بتاع الكنترول الى بيشغل المروح مع بعض ونضفت الرجول بتاعته وليقيت القاعده بتاعته مسوده رحت منضفها وضييقت الجاكات بتاعتها علشان متشرز تانى
وبصيت على فيشه المروحه لقيتها فى الضياع وانا بركبها السلك بالجاكات طلع منها روحت جايب كلبسات نحاس من عند الكهرباءى ومركبهم فى السلك ووصلتهم فى بعض وعزلتهم ورحت لازق السلك فى قايم المروح البلاستك علشان تقربيا هى باظت من سخونية الماتور
وجربت والحمد لله اشتغلت المراوح على البطىء مع التكييف والاتنين اشتغلوا عادى مع دورة التبريد