ارجو المساعدة

**محمد 256** · 24-03-2014 05:02 PM

يا جماعة ساعدونى لو سمحتم .. المشكلة انا نفسى فى عربيه suv تكون عاليا عن الارض يعنى ..المهم انا سافرت مصر مخصوص فى معرض اوتو ماك و كان اتجاهى نحيه (Hyundai ix35 و KIA sportage و Subaru xv ) و طبعا كلهم (fully loaded ) ...... ارجو المساعدة فى الاختيار و على فكرة السوبارو جامدة بس فقيرة اوى من الداخل ومعرفش ايه نظام توكيلها و انا عاوز ادفع فلوسى فى جميع الكماليات ..
.ااااسف على الاطالة و ارجو المساعدة و شكرا

**eslamsubaru** · 24-03-2014 05:41 PM

السلام عليكم :

مبدئيا لازم نتفق على حاجة : لو عايز تركب عربية suv بجد يبقى السوبارو : عربية دفع رباعى , عفشة تستحمل أى طريق و موتور بنظام البوكسر و عربية معمرة جدا ..

انما لو هتقارن من حيث الكماليات بس : يبقى السبورتاج ..

بالنسبة للتوكيلات : مبدئيا علشان محدش يجى يقولك الكورى حاجته مرطرطة بالسوق و اسعار قطع الغيار رخيصة ,, ارد و اقولك مفتكرش هتجيب عربية فوق ال 200 الف جنيه و تعملها صيانة عند ميكانيكى و تشترى قطع غيار مستوردة !!! و عليه المقارنة هنا هتكون بين توكيلات العربيات دى :

توكيل سوبارو : ابو غالى : و بدون تحيز من افضل التوكيلات فالتعامل و فهمهم للعربية : و اسعار قطع غيار السوبارو لا تفرق شئ عن اسعار قطع غيار العربيتين التانيين فى توكيلهم بس قطعة غيار السوبارو بتقعد من 2 الى 3 مرات قد قطعة الكورى و ده عن تجربة مع ناس كتير اعرفها ..