عايز احول 516 من مانيوال لأوتوماتيك
السلام عليكم
عندي 516 مانيوال عايز احولها لأوتو لعدة اسباب
1- الموتور بتعها عملت فية شغل قبل كدة من تحت رأس ميكانيكي جاهل وغيرت وش سلندر كامل استعمال وبردو كل شوية فية مشكلة
2- مميزات الاوتو ماتيك و توافر قطع الغيار للمتسوبيشي استيراد
3- عربيتي انا ثاني يد وفبريكة برا وجوة ولسة مخلص عفشة و 4 فردة كاوتش و بطارية جديدة
4- العربية عجباني من نواحي تانية كتير زي الوسع و الثبات و خلافة
5- هيا محتاجة دلوقتي وش سلندر كويس + طقم دبرياج + طقم كاتينة يعني نصف تكلفة التحويل تقريبآ
ولو فكرت ابيع عربيتي مش ممكن تجبلي سعر كويس لأني مستحيل اغش حد فيها وسمعت ان التكلفة تتراوح بين 8 الي 10 علي حسب الحاجة اللي عندك لأن الميكانيكي هيخدها
يعني خيار ابيع واشتري اوتو صعب بالنسبالي
ارجو المساعدة من الاعضاء ممن لدية خبرة عملية في الموضوع
عايز ميكانيكي يكون بيعرف ربنا كويس اوي ......... ويكون صنيعي كويس اوي وخاصة الفنش ( وبعد كدة مش مهم ياخد كا ) وهي دي اهم حاجة بالله عليكم
احسن موتور في توافر قطع الغيار 1600 ولا 2000 cc و اجيبو منين مصر ولا بور سعيد
وشكرآ