عرض للطباعة
الاخوه الكرام
السلام عليكم ورحمة الله وبركاته
بداية انا تيوتاوي جديد لانج بعد اربع شهور بدور على عربية مستعملة نضيفة ربنا كرمني بتويوتا ياريس 2008 عاملة 65000 كيلو
إسمحولي اسئلكم كام سؤال
1- صيانة ال 70 الف اعملها فى التوكيل ولا فيه مركز صيانة محترم والتكلفة ان شاء الله هاتبقي كام
2- كنت عايز اعرف ايه احسن كاوتش ليها واجيبه منين
ولكم جزيل الشكر
الف مبروك يا كبير
ربنا يديك خيرها وكفيك شرها
مبروك ياباشا
الصيانة في التوكيل هتتكلف من حدود ١٦٠٠ جنية لغايت ٢٢٠٠ جنية
(( تغير زيت متور فلاتر زيت فتيس مية رديتر. سير كاتينا + بوجيهات وتغير الكويتشات الي ورى قدام والي قادم ورى وانتا كده وكده الكويتش عندك رايح فيها طيب هتقولي اروح فين هقولك روح المجموعة المتحدة في ٦ اكتوبر. تعاله اكتوبر اسئل. عن ميدان النجده هتلاقي معرض تويوتا انزل اسئلهم فين مركز الصيانة بتاعكم او اي مركز تويووتا جمب بيتك .
بالنسبة. للكويتشات ايه احسن كويتش. مفيش غير بورجيستون. هو كويتش معتمد اندونيسي ياباني. تايلاندي مش مشكلة. على حسب امكانياتك عرفت تجيب يباني هات. معرفتش التايلاندي او الاندونيسي شغال.
وفي ممكن كمان كونتينينتال. في ناس بتشكر فيها . وبالتوفيق جبتها بكام صحيح وكامله ولا هاف
مفيش بعد كلام ا/ ياريس
وهات الكاوتش بيرد زي الي كان راكب وهي زيرو
بس هات الياباني
ومبروووك العربية ..
اولا مبروك ياصديقى
بص ياصديقى وعن تجربه هتروح تلف بره و تشترى قطع غيار من وسط البلد والله اعلم مضروبه و لا اصلى وبعدين تقعد جنب الميكانيكى و هو عمال يفك و انت مش قادر تروح او تيجى خوفا احسن يقلب حاجه او يعك و فى الاخر هتلاقى الفرق فى السعر مش فارق كتير عن التوكيل
بص ياباشا التوكيل بيعمل الصح فى معظم الحالات و بيكشف على العربيه كلها فعلا لان فى حاجات هيطلب تغيرها فى الصيانة التاليه يبقى معنى كده انه كشف و كشف كويس
انت تتوكل على الله و تعمل صيانه كل 10000 كم فى التوكيل و هتبقى مبسوط ان شاء الله و على فكره سير الكاتينه حديد مبيتغيرش خالص.... انا بتعامل مع التجمع .... التجمع الخامس و العباسيه ممتازين بس لازم تتصل على الرقم المختصر تحجز ضرورى و الا مش هيعملوا لك اى حاجه... ابعد خالص عن العبور لانى جربته و بصراحه سىء للغايه
انا كنت جبت كاوتش بريدجستون يابانى من توكيل بريدجستون بس الفرده غاليه بحوالى 670ج
كان معايا كورولا قبل الياريس وكنت جايب بريدجستون اندونيسى و كان زى الفل
الياريس عربيه ممتازه و عمليه جدااااا و موتورها هو هو بتاع الكورولا من افضل مواتير التويوتا VVT-I" variable valve timing with intelligence"