الموضوع: اخطب قبل ما ادخل الجيش ولا بلاش ؟؟؟

هو انت عندك عروسه و بتفكر تخطبها دلوقتى ولا بعدين ولا لسه هتدور و كده؟

المشاركة الأصلية كتبت بواسطة mohamed_selim

هو انت عندك عروسه و بتفكر تخطبها دلوقتى ولا بعدين ولا لسه هتدور و كده؟

لاء فيه عروسة فعلا في دماغي (بس للاسف هيا خريجة اداب انجليزي ومرتبها حوالي 3000 جنيه فبصراحة خايف اتقدم )
بس نفترض ان مفيش حد معين في دماغي هتفرق يعني
الفكرة ان فعلا محتاج واحده جنبي الفتره دي فم عارف اعمل ايه ؟؟

المشاركة الأصلية كتبت بواسطة eng/ahmed_go

لاء فيه عروسة فعلا في دماغي (بس للاسف هيا خريجة اداب انجليزي ومرتبها حوالي 3000 جنيه فبصراحة خايف اتقدم )
بس نفترض ان مفيش حد معين في دماغي هتفرق يعني
الفكرة ان فعلا محتاج واحده جنبي الفتره دي فمش عارف اعمل ايه ؟؟

بص يا بيه .... لو هى عروسه كويسه يبقى مش هتضمن انها تستنى لحد ما تخلص
بس اللى اقدر اقولهولك متربطش نفسك من دلوقتى لانك لسه صغير بس انت ادرى بظروفك
اعمل استخاره و ربنا يوفقك

المشاركة الأصلية كتبت بواسطة 4fun14

لو عندك عروسة مناسبة متتاخرش
وعيب عليك متقولش الكلام ده وانت مهندس!
3 الاف ف الشهر ده ولا حاجه..الهندسه سوقها حلو الحمدلله وكل اللى اعرفهم ربنا كرمهم حتى اللى مش شاطرين منهم
بس انت ارمى همومك على الله

مش فكرة مرتب كبير ولا لاء بس واقعيا انا مش عندي مرتب ثابت وهيا عندها مرتب ثابت ومعقول نسبيا (مع العلم اني مش عايز مراتي المستقبلية تشتغل فازاي اقولها كده وانا معنديش مرتب ثابت على الاقل زيها )

المشاركة الأصلية كتبت بواسطة م. حاتم السباعي

الاخ الحبيب الغالي بشمهندس محمد

عليك بالاستخارة طبعا

اما عن رأيي فأنا انصح بالابتعاد الان عن الخطوبة قدر الامكان ( وخصوصا ممن تعمل ولديها راتب كبير )
لعدة اسباب

اولها (انك يجب اولا ان تعرف متي ستعمل و اين ستعمل و كم ستقبض راتيا لكي تقدم علي الخطوبة سواء بعد التجنيد بيوم او بشهر او حتي بسنة )


ثانيا ( انك خلال فترة الجيش لا تضمن ظروفك يعني اجازاتك تليفوناتك فهتحس انك خاطب و مش خاطب و خصوصا العروسة هيا كما مش هتحس انك موجود للتعرف عليك في وجود الاهل طبعا )

ثالثا ( شوقك و لهفتك و حنينك للرجوع و العودة سريعا الي منزلك بسبب الخطبة سيزيد من توترك اثناء فترة تجنيدك و هذا شئ ليس بهين )

رابعا ( انت لا تضمن ان تقرر السفر فجأة بعد انتهاء فترة تجنيدك بسبب فرصة عقد عمل لا تعوض و لا تعرف وقتها هل سيكون من المناسب اصطحاب الزوجة او لا في البداية ( يبقي انت كده لا عرفت خطيبتك و لا كمان عرفت زوجتك التي ستصبح ام ابنائك بسبب قرار سفرك )

كل ما سبق يجعلني انصح بالتركيز الان في فترة التجنيد و تشوف لو هتسجل مثلا دراسات عليا او اي كورسات فترة الاجازة و تبحث كمان عن عمل في الشركات في مجال تخصصك لكي تضمن انه بعد انهاء الخدمة لا تطول فترة بحثك

ربنا يوفقك لما فيه الخير

شكرا جزيلا يا بشمهندس حاتم على نصيحتك الغالية