يا ريت لو حد اشتري افيو قسط او اي سياره اخري يفدنا با اقل مقدم كم في الميه والفايده كم ومن بنك ايه ونظام التائمين
عرض للطباعة
يا ريت لو حد اشتري افيو قسط او اي سياره اخري يفدنا با اقل مقدم كم في الميه والفايده كم ومن بنك ايه ونظام التائمين
مستني ردودككم
انا هقولك علي تجربتي في شراء سيارة BYD f3
مقدم 50% من بنك CIB
العربية ب 77500
مقدم 38750
مصاريف ادارية للبنك 700 جنية
تأمين (المصرية للتأمين التكافلي 2700 جنية)
مجموعهم 42200 جنية بالاضافه ل 1100 مصاريف ترخيص وفحص واكراميات
بالنسبة للورق المطلوب صورة البطاقه فقط وبيستعلمو عنك في البيت والشغل والموافقه بتجي في نفس اليوم
للاسف معرفشي بالنسبة للمقدمات التانية ايه النظام
بس حبيت انقلك تجربتي يمكن تنفعك
واخير احب انصحك لما تيجي تاخد قسط قبل ما تمضي ورقة تقعد مع مندوب البنك ( مش مندوب المعرض وتستفهم منه علي كل حاجة)
مندوب المعرض لبسني في ميعاد قسط غير المتفق عليه ( كنا متفقين يوم 5 في الشهر لقيت القسط متقدم 15 يوم بقي يوم 20 في الشهر اللي قبله وده عاملي مشكلة كبيرة)
بالاضافه ل 20 جنية زياده عن القسط عن المتفق عليه
اقل فائده بنك ناصر الاجتماعي
وبعده اعتقد القاهرة والاهلي
بس كل واحد ليه شروطه
مشكورين ع الردود بس التائمين ع السياره حاجه والفائده حاجه يعني لو هئمن 5 سنوت مثلاكل سنه 3000 ولا ايه