تقرير من اول ما بدأت افكر بالـ byd لحد بعد صيانة الـ 1000 كيلو
السلام عليكم ورحمة الله وبركاتة
بداية احب اقولكم سبب اختياري للـ BYD f3 في الفئة السعرية بتاعتها
طبعا الاختيارات مش كتير واكتشفت ان كل عربية في الفئة دية فيها مميزات وعيوب فعلشان كدا كل واحد بيختار علي اساس المزايا اللي عايزاها في العربية ويقدر يستحمل عيوبها
بالنسبة لاختياري في العربية محتاج عربيه الاعتمادية بتاعتها عاليه مش عايز وجع دماغ مع التوكيل او مع الصنايعيه فيما بعد وكمان تكون واسعه علشان بسافر كل فترة ويكون فيها وسائل امان
والاختيارات كانت قدامي (فيرنا - لانوس - لوجان - جيلي - بي واي دي)
تقريبا دول اللي في الفئة السعرية دية وفكرت فيهم
فبدأ اصفي الاختيارات بتاعتي علشان اختار صح
اولا طلعت اللانوس من اختياراتي علشان مش برتحلها لله في لله كدا
نخش بعد كدا في الجيلي كعربية عجباني جدا جدا بس اول ما عرفت مشكلها الكتير وموضوع الصدا ده فحذفتها من اختياري
اللوجان من العربيات الجميلة بس قطع الغيار مش متوفرة وغاليه جدا وسعر اعاده البيع بتقل كتير
وكمان وصلت ل 83.5 الهاف اوبشن مش عارف ليه
المهم فضل عندنا الفيرنا والبي واي دي
بعد الفحص والحيرة وجت مميزات الفيرنا الاعتمادية وسعر اعاده البيع
لكن في البي وادي دي واسعه - ثبات - امان-تحس انك راكب عربية محترمة - وكمان الاعتمادية بتاعتها عاليه ولو حصل حاجة ممكن تغيرها بقطع غيار ياباني -وسعر اعاده البيع معقول
فعلي رأي عضو عندنا في المنتدي الفيرنا بتدفع فيها فلوس علشان ماركة لكن البي واي دي بتدفع فيها فلوس كأوبشن
ومن تقارير الاعضاء عرفت مزايا وعيوب البي واي دي وقررت اشتريها
واتوكلت علي الله واشتريت العربية
http://www13.0zz0.com/2014/03/24/22/539488378.jpg
الانطباع الاول عنها بشكل عام جيد جدا
خدت معايا 3 اسابيع وكلمت الالف كيلو بس قبلها وانا عامل 900 كيلو
اتصلت بفرع القطامية علشان احجز محدش رد
تاني يوم نفس الكلام روحت متصل بفرع الشرابيه قولتلو الاقيش عندكو رقم حد في القطامية علشان احجز صيانة الالف قالي لأ حاول تاني وهما هيردو عليك بس لازم تحجز ولو هتيجي فرع الشرابيه مش لازم حجز
المهم اليوم اللي بعدها كان يوم ثلاثاء اتصلت بيهم واخيراً ردو عليا
بلغتهم اني عايز اعمل صيانة الالف يوم الخميس فبتقولي الساعه 9 قولتلها انا هاجي علي الساعه 12 قالتلي تمام
وجه يوم الخميس وصلت التوكيل الساعه 11.45
المهم قابلني واحد بياخد امر الشغل معرفشي اسمه معرفشي حته اذا كان مهندس ولا فني ( هو مش المفروض انهم يعرفو نفسهم للعملاء ؟!!!)
المهم قلتلو جي اعمل صيانة الالف فقالي فيه مشاكل قبلتك قلته اكيد
خد عندك
1 - الفتيس بصلي باستغرب كدا وقالي ماله قلتلو فيه عضة في كل الغيارات والغيار الرابع بينتش في حاجة مش بيجي علطول
2- الفبر اللي بيركب في مجرة الكرسي مش متركبة كويس ومخلوعه مستلم العربية كدا
3- فرامل اليد برفعها مش بعرف انزلها غير بايدي الاتنين بحس اني بتخانق معاها (دخل العربية بقي يشد الفرامل ويرجعها ويقولي تمام اهيا قولتلو انا معنديش عضلات زيك) المهم كتبها في امر الشغل
4- المساعدين اللي ورا عايز اشيك عليهم بيعملو صوت غريب.
5- عايز ازودت حساسية جهاز الانذار ( قالي مفيش انذار ده مانع سرقه فقط قلتلو مكتوب في الكتالوج انذار قالي لأ يا افندم ده مانع سرقه فقط) ولما رجعت بصيت علي الكتالوج لقتهم فعلا كاتبين انذار مانع سرقه ومش كاتبين تفاصيل عن الانذار دا حتي موضوع الحساسية مش كاتبين كل مستوي من الحساسية هيفرق ايه عن التاني (يا ريت حد يفيدنا في الموضوع ده)
6-المرايا الشمال مش بتقفل للاخر زي اي عربيه تانية قالي يا فندم هيا كدا وراح لعربيه تانية وجربها قدامي قلتلو تمام
7-استهلاك البنزين عالي اللتر بيعمل 8 او 9 كيلو في المتوسط
بس كدا بس بالنسبة ليا كان اهم حاجة عندي الفتيس انه يتعمل كويس
بعد كدا مضيت علي امر الشغل وقالي سيب المفتاح في العربية و انتظر في قاعه الانتظار وسابني وراح لعربيه تانية
المهم انا استنيت علشان يدخلو العربية للورشة علشان كنت ركنها صف تاني وخايف حد يخبطها
http://www13.0zz0.com/2014/03/24/22/366994604.jpg
عدت ربع ساعه كلمت واحد تاني كان واقف معاه علشان يدخل العربية الورشة قالي الورشة مليانة وانت ميعادك الساعه 12 وكانت الساعه 12 تقريبا المهم قلتلو العربية مينفعشي تفضل واقفة كدا
قالي خلاص هدخلهالك دلوقتي قلتلو هتاخد وقت اد ايه قالي في حدود ساعه قلت تمام قوي
http://www13.0zz0.com/2014/03/24/22/304454591.jpg
طلعت قاعه الانتظار
اول حاجة عملتها لما ادخلت قاعه الانتظار حاولت ابص علي العربية معرفتش الاقيها عاملين فامية علي الزجاج ( مش عارف ليـــــــــــــــــــــــ ـــــــــــــــــــــــــ ـــــــــــــــــــــــــ ـــه؟؟؟؟؟؟؟؟ هيا الشمس بتدخل القاعه وانا مش واخد بالي )وفيه كذا عربيه بنفس اللون بتاع عربيتي فانا مش عارف عربيتي فين المهم قعدت اتفرج علي التلفزيون كان شغال فيلم كلاشنكوف وبعيد عنكم وعن السامعين الاقي ذبان من اللي بيعكنن المزاج (رجاء شخصي لتوكيل الامل اتصرفو في موضوع الدبان ده) المهم بعد ساعتين طلع واحد قالي العربية خلصت انزل ادفع الفلوس واستلم العربية
دفعت الفلوس فلتر وزيت ب 185 جنية
ورحت علشان استلم العربية (توقعت اني هلاقي مهندس يكون معايا ويراجع العيوب اللي فيها) المهم استلمتها من العامل وطلعت بيها
اول حاجة لاحظتها صوت الموتور بقه عالي عن الاول قلت يمكن لسه علشان متغير
بالنسبة للفتيس بقي انعم شوية من الاول بس لسه العضة موجوده
وزادت حاليا بعد 1600 كيلو رجعت زي الاول ومتحلش موضوع الغيار الرابع
بالنسبة لفرامل اليد ظبطوها بقت تمام الفبر ظبطوه بقيت الحاجات معرفشي اتعمل فيها ايه موضوع البنزين والمساعدين
وحاليا العربيه عاملة معايا 1600 كيلو والحمد لله انا مبسوط بيها جدا ماعدا موضوع الفتيس ده بيخليني مش بستمتع بسواقتها
وده كان تقرير صيانة الالف واستخدام العربيه حوالي شهر تقريبا
تحياتي
اخوكم محمد رجب
