في شيء محيرني جدا وشاغل بالي
الموت
مفيش حد يعلم الغيب
ولا عارف وقت انتهاء اجله
لكن
هل من الممكن ان يستشعر الانسان بدنو اجله وانتهاء رحلته في الدنيا
هل توجد اشارات ربانيه
هل ممكن يكون احساس اي فرد بقرب وقت رحيله
اوهام
ام لها اساس
عرض للطباعة
في شيء محيرني جدا وشاغل بالي
الموت
مفيش حد يعلم الغيب
ولا عارف وقت انتهاء اجله
لكن
هل من الممكن ان يستشعر الانسان بدنو اجله وانتهاء رحلته في الدنيا
هل توجد اشارات ربانيه
هل ممكن يكون احساس اي فرد بقرب وقت رحيله
اوهام
ام لها اساس
متابع باهتمام
اللي ربنا راضي عنه ومتاااااابع
فى ناس كتير بتحس ان نهايتها قربت فى صورة قبضة فى الصدر او توديع الاصدقاء و الاقارب او مصالحة الخصوم او سداد الديون بس بيتهيألى ان دول اللى ربنا راضى عنه لانه بيخفف اللى عليه فى الدنيا
متابع وربنا يحسن خاتمتنا جميعا
أيوة... الانسان بيكون حاسس بدنو أجله.. ودا بيكون عملية نسبية.. يعنى زى ماقال أخ كريم قبل كدة كدة انه تلاقيه بيصالح خصومه او يتصل باصحابه او حتى يحس بضيق فى صدره... وانا شفت امثلة كتير من دى
اه في بعض الناس بتحس الاحساس دا وساعات بتصيب وساعات بتخيب يعني مالهاش قاعده
...
وبعض الناس بتجيلها فترات وتسيطر عليها فكرة الموت والنهايه ودا بيكون نوع من الاكتئاب ...
...
اللهم انا نسالك قبل الموت توبه
وعند الموت شهادة
وبعد الموت جنة ونعيما وراحة وسعادة
الغالب فى اعتقادى لمن يرضى الله عنهم هى مصالحة الاخرين ومحاولة تسديد الدين ورد الامانه والصفاء النفسى والله اعلم
اكثر موت منتشر هذه الايام هو موت الفجأة و لا اقصد طبعا الحوادث شباب صغير و رجال بصحة جيدة يأتيهم الموت بغتة
الواحد بقى كتير بقى بيفكر فى الموت اكتر ما بيفكر ازاى يعيش
انا امبارح قبل ما انام قعدت افكر فى الجنة و نفسى يبقى مين معايا ان شاء الله و دخلتها و اللى احنا ح نشوف ربنا و نشوف سيدنا محمد عليه افضل الصلاة و السلام و على آله و صحبه و سلم و الانبياء و الصحابة
دايما بفكر فى الدنيا و الاهوال اللى واحد بيشوفها علشان يعرف يعيش و بالرغم من كده فاكر ابنك و بنتك و بتعمل ايه علشانهم
تخيل كل ده مش ح يجيى فى اهوال يوم القيامة حاجة اللى ابنك او والدتك تيجى تطلب منك حسنة و تقولها انا كنت جى علشان اخد منك انتى ، اللى انت فى الدنيا ممكن تفديهم بحياتك
ربنا ييسترها معانا فى الدنيا و يطلعنا منها على خير و يحسن خاتمتنا و يحرم علينا عذاب القبر و عذاب جهنم و يأمننا فى يوم كان شره مستطيرا و يظلنا بظله فى يوم لا ظل فيه الا ظله و يشربنا بيده الشريفة شربة لا نظمأ بعدها ابدا و يسكننا الفردوس الاعلى بغير حساب و نرضى بعد الرضا
جدي الله يرحمه كان من الصالحين
قبل ما يموت قام لف على كل بيوت العيله في البلد وزارهم بيت بيت
واول لما روح لبيته نام ع السرير والسر الالهي خرج
الناس ماكنتش مصدقه
كلهم كانوا بيقول ماااااااااات !!!!!!!!!! طب ازاي ؟؟؟؟؟
دا كان لسه عندنا من شويه
سبحان الله
ومن علامت حسن الخاتمه ان كان وشه منور جدا
لدرجه لما طلب يشوف ولاد ولاده الصغيرين (اطفال 7 و 8 سنين)
كانت الاطفال بتقول ان جدوا على وشه دقيق (من كتر ما كان وشه منور)
السلام عليكم ورحمة الله وبركاته
بالفعل هناك من الناس من يشعر بدنو اجله واقتراب نهايه رحلته فى الدنيا .. قد يكون ذلك حاسه سادسه
او احساس روحى او تهيئه ربانيه للشخص المختار حتى يعطيه الفرصه للاستغفار و التوبه وقد تكون من خلال رؤيا يراها الشخص فى نومه ايضا ... وهنا أذكر انه قبل وفاه والدى الحبيب بثلاثه اسابيع رأيت رؤيا له وفسرتها لنفسى وقتها ولم اخبر بها احد عل الاطلاق بان وفاته ستكون بعد ثلاثه اسابيع وحاولت تناسى الرؤيا حتى لا اتاثر بها ولكن قدر الله نافذ مهما كان وبالفعل بعد ثلاثه اسابيع بالضبط توفى والدى الحبيب رحمه الله عليه
فيه ناس بتحس فعلا ... متبع باهتمام
شكرا لكل من شارك
طب حد يشوف لي حل
انا تعبت والموضوع مسيطر جدا علي
وحياتي تحولت لكئابه ووهم عايش فيه
ومش عارف اعمل ايه
فى فرق حضرتك ببن الاحساس بدنو الاجل والموضوع اللى عندك..الل عندك اسمه رهاب الموت ودا بيسبب سيطرة فكرة الموت على الشخص ودا بييجى بسبب الاكتئاب وحله انك تتجاهله ولو مأثر فيك اوى ممكن تروح لدكتور نفسى يديك ادوية مضادة للاكتئاب ..بس عموما الموضوع دا منتشر جدا وانا برضو بعانى منه بس بحاول اتجاهله واعيش حياتى طبيعى واتقبل فكرة الموت لانه حقيقة وجاى جاى
ربنا يكرمك
المشكله بداات عندي باغماءه خفيفه
تحول الموضوع الي التفكير بانتهاء الحياه في اي لحظه
لدرجه اني اوقات كتير اكون ماشي علي الدائري مثلا
احس ببروده في الاطراف
وابتداء غيامه
واقول خلاص
مع العلم اني لااشتكي من اي امراض عضويه
ضغط او سكر
معاك انه حاله نفسيه وسيطرت عليا
خاصه اني دراس لعلم النفس
انا شخصيا لااعترف بالامراض النفسيه
مالهاش اصل في الدين
خلاف الامراض الغقليه والعصبيه
اللي فعلا بتحتاج لاخصائي
ربنا يهديني ويصلح حالي
مشكلي اني قلق جدا علي اولادي ال4
عارف انه حرام وربنا موجود
متحطش فى دماغك فى ناس كتير اوى فى مصر وفى العالم ملايين عندهم المشكلة دى وبتقعد معاهم بالسنين وعلاجها الوحيد هو التجاهل او لو الموضوع عضوى ممكن تروح لدكتور غير كدة لازم ترضى بقضاء الله وان الموت حقيقة وواقع..انا ساعات كتير بقول ان الموت احسنلنا من الدنيا ومن اللى بنعيشه ونشوفه وان ربنا ارحم على العبد من الام على ابنها فبستريح نفسيا...عموما الموضوع عايز تظبيط سلوكيات وبعض لتفاؤل
اللي عندك وسواس قهري في الخوف من الموت نتيجه لموقف انت تعرضت له واثر فيك
وعلاجه انك تفكر في اي شيء بيسعدك طبعا هتلاقي فكرة الموت بتحاول تسيطر على تفكيرك
فحاول تتجاهلها وتصرف فكرك لاي شيء تاني
كررها عدة مرات هتلاقي نفسك خفيت (ده اسمه علاج سلوكي)
العلاج الشرعي انك كل ما تجيلك الفكرة اتفل على يسارك ثلاث مرات واقرا سورة الاخلاص والمعوذتين بجانب انك تحاول تبتسم علشان توهم شيطانك انك انت سعيد وان وسوسته مش جايبه معاك نتيجه لانه لا يعلم الغيب وكل ما تبقى مكشر ومتشائم هتلاقي وسوسه الشيطان زادت وبالتالي الافكار هتزيد حدتها
فلا تعتقد ان الشيطان يوسوس في ابعاد العباد عن طاعه الله فقط بل يوسوس لكل الناس ولكل شيء حتى الملحد يوسوس له حتى يجعله ينتحر بسبب يأسه من الحياه وذالك لان الشيطان يكره البشر
ويتمنى للانسان كل الشرور
اما العلاج الغذائي فأنصحك بتناول عصير القصب لانه يخفف من حاله الاكتئاب ويعمل على توازن مادة السيراتيون في المخ والمسئوله عن نشاط تفكير الانسان
اسعدك الله في الدارين
نصيحتي لك أخي الكريم أن ما انت فيه من احساسك الدائم بدنو اجلك في أي لحظة من الاشياء الجيده إذا صرفت فيما يرضي الله ..
أقصد عندما يتملكك مثل هذا الشعور فلابد لك أن تعمل للاخرةوان لا تتهاون في شيء من الطاعات ولا تجترء علي انتهاك المحرمات فبذلك يكون شعورك الدائم بدنو أجلك في صالحك بل وفي سعادتك لانك ستكون علي يقين انك إذا قبضت روحك فستكون علي طاعة أو بعد عن معصية
لذا عندما تغيبت عنا فكرة الموت ونسيناه ولم نستشعر وكأننا سنموت في اي لحظة تهاونا في جانب الله وشغلتنا الدنيا عن ما هو خير لنا
فاحمد لله علي هذه النعمة نعمة حياة القلب واستشعارة بخطر الموت وليكن دافع لك للاكثار من الخير والبعد عن الشر وهذا بالطبع لا يدفعك لهجر الدنيا والاخذ بالاسباب بل تجدد نيتك في كل اعمالك انها لله وان لا تعصي الله فيها لعلك تقبض علي هذه الحال
حجتهد
الإمام أحمد : حدثنا زيد بن الحباب ، حدثني حسين بن واقد ، حدثني عبد الله بن بريدة ، سمعت أبي - بريدة - يقول : سمعت رسول الله صلى الله عليه وسلم يقول : " خمس لا يعلمهن إلا الله عز وجل : ( إن الله عنده علم الساعة وينزل الغيث ويعلم ما في الأرحام وما تدري نفس ماذا تكسب غدا وما تدري نفس بأي أرض تموت إن الله عليم خبير )
اذن علم وقت الموت ليس والله اعلم من الاشياء التي حجبها الله عن علم الإنسان
لاكن اعتقد انها اختص بها بعض من عباده
وجعل لها دلائل وعلامات كل بحاله
هذا والله واعلم
يقول الله تعالى (وما تدرى نفس ماذا تكسب غدا وما تدرى نفس بأى ارض تموت )
وزمن المعجزات انتهى بموت النبى صل الله عليه وسلم والصحابه من بعده
وكل هذه الاحاسيس ممكن ان تصيب او تخطىء
وكل شى ربنا خلقه بقدر ... يقول الله تعالى ( فاذا جاء اجلهم لا يستأخرون ساعة ولا يستقدمون )
اللهم انى اسئلك حسن الخاتمه
كنت سمعت حديث زمان ما معناه ان الباقى من الوحى بعد الرسول هوا الرؤيا
فى حاجه كمان بجد نفسى الاقيلها تفسير
ان بقالى فتره كبيره يا جماعه بحلم بحلم وااحد بيتكرر كتيررررررررررررررر
كتير كتير كتير بجد
كل مره نفس الحلم يمكن بس بعض المتغيرات البسيطه فى اسامى المواد فقط لا غير
الحلم هوا كالاتى
انا بحلم انى لسه فى الكليه
كليه الهندسه
وفى ماده الرياضيات لسه مفتحتهاش تقريبا خاالص
ولا حضرت تقريبا المحاضرات بتاعتها
وبيقولولى مره واحده كده امتحانك بعد اسبوع او اسبوعين
وساعات الامتحان كمان شويه
وانا اسأل نفسى فى الحلم ازاى يعنى كده
انا لسه مذاكرتش......... هل حينفع الحق اذاكر............ دى رياضه مش بتاعه حفظ وصم
لازم تاخد وقت افهم علشان احل
المهم ان الرياضيات دى كانت من المواد المحببه ليا جدااا فى ثانوى وفى الكليه كنت كويس فيها
قولت لواحد صاحبى قالى انه بيحلم تقريبا نفس الحلم وناس تانيه يعرفهم بيحلموا فيما معناه نفس القصه
وقالى انه مكتوب على ابن ادم انه يحلم بثلاث احلام منهم الحلم ده
ارجو الافاده لو حد يعرف او لو حد حلم بنفس الحلم يا جماعه
عـن أبي هريـرة رضي الله عنه قـال: سمعت رسول الله صلى الله عليه وسلم
يقول: «لم يبق من النبوة إلا المبشرات»، قالوا: وما المبشرات؟ قال: «الرؤيا الصالحة» رواه البخاري. وقد رواه مالك في الموطأ مختصرًا ولفظه: «ليس يبقى بعدي من النبوة إلا الرؤيا الصالحة» ورواه أحمد وأبو داود وابن حبان في "صحيحه" والحاكم في "مستدركه" كلهم من طريق مالك وصححه الحاكم والذهبي.
الحديث الثاني: روى مالك في الموطأ عن زيد بن أسلم عن عطاء بن يسار أن رسول الله قال: «لن يبقى بعدي من النبوة إلا المبشرات» فقالوا: وما المبشرات يا رسول الله؟ قال: «الرؤيا الصالحة يراها الرجل الصالح أو تُرى له»
بالنسبه لتكرار رؤيا الامتحان فذلك شىء طبيعى للغايه ويمر به الكثير من الناس (وانا منهم بالمناسبه ) وسبب ذلك فى الاساس الخوف التلقائى والطبيعى الذى كنا نمر به ايام الامتحانات والنظام التعليمى العقيم القائم على الحفظ دون الفهم .. وترجمه من اللاشعور والعقل الباطن لما يشعر به الانسان من خوف وقلق وتوتر فى حياته اليوميه
حاول ان تسأل شيخ له باع في تفسير الاحلام