محتاج نصيحة أخوية

**maheralsisi** · 25-03-2014 01:48 AM

القصة باختصار انى بعد حادثة و قصة كده و بهدلة تاكسيات و مواصلات اكيد كلكم عارفينها يا دوب جمعت قرشين و جبت مازدا 323 موديل 1982
بقى لى 3شهور و صرفت عليها كتير
العربية الحمد لله ناقصها بس فردتين كاوتش جداد و اقدر اقول ان مافيهاش اى حاجة
لكن اليومين دول الحمد لله ربنا رزقنى بقرشين و لاعبة فى دماغى ارجع تانى اجيب اوبل الشكل القديم او فور اسكورت و ميال للاسكورت اكتر
بس المشكلة انى لو عملت الحركة دى هايبقى اخر قرش معايا و لا قدر الله لو احتجت حاجة او حصل حاجة مش هايبقى معايا فلوس نانى
رأيكم ايه ؟ ابيع و ارجع تانى فورداوى او اوبلاوى ؟؟؟ و لا استهدى بالله و اسكت ؟؟؟
علما بانى ممكن مثلا اجيب اكسيل مثلا
بس انا ماحبش الكورى و رأيى الشخصى الكورى ما يتركبش موديلاته قبل 2006
و لا انا غلطان و لا ايه ؟؟ افيدونى افادكم الله

**MAHMOUD MOHAMD** · 25-03-2014 02:07 AM

استهدى بالله واصبر شويه على الاقل استفيد باللى عملته فى عربيتك لحد ما ان شاء الله يرزقك من وسع ومتحطش برده فلوسك كلها فى عربيه كلنا بييجى الوقت وبنتزنق او نتعرض لامر طارئ لازم تعمل حساب للزمن

**mahmoud_ali** · 25-03-2014 03:12 AM

استهدى بالله واصبر شويه مع انى شايف ان الاكسيل هتكون احسن بكتير من المازدا اللى مع حضرتك

**S O P H O S** · 25-03-2014 12:43 PM

بص انا مش عارف المبلغ ايه
ولكن لو اكسنت نظيفة ماشي لو صبرت وجبت كورولا عيون كويس
عموما الافضل تصبر وتجيب عربية تريحك وتكون موديل حديث

**omaranes77** · 25-03-2014 12:59 PM

بوص ياباشا بخبرتي الصغيرة عشان ماتعملش زي والدي انت عشان تجيب عربية لازم تركن جمبها 5000 جنية
بمعني لو معاك 40 الف جيب عربية 35الف عشان لماتجبها تغيرلها فلاتر وكدة وعشان تبقي مستريح
تحياتي

**ahmedelrayan** · 25-03-2014 01:16 PM

انا شايف فعلا انك تصبر شوية وتجيب حاجة كويسة ويكون متبقى معاك فلوس متعملش زى كل لما يجيلى قرشين كنت اغير عربية لحد ما جبت اخر عربية معايا دلوقتى اول ما جبتها مكنش معايا احط بنزين