-
احسن تليفون لاسلكي اية؟
السلام عليكم
محتاج اشتري تليفونين لاسلكي بس محتار احسن تليفون لاسلكي اية؟
فية انواع كتير زي باناسونيك و الكاتيل و غيرهم و في موديلات من كل نوع
ياتري احسن حاجة اية و تدي مدي كويس و بطارية جيدة و اية احسن مكان للشراء؟
و اة نسيت السعر في حدود كام برضة ؟
و شكرا جزيلا مقدما
-
-
باناسونيك عن تجربه اكتر من موديل على مدى 20 سنه سلكى و لا سلكى
تكنولوجيا و قوه تحمل و بدون اعطال تقريبا و شكل جميل
-
اتعاملت مع باناسونيك وكويس بصراحة
-
انا عندي سيمنس كنت شاريه من راديو شاك , ممتاز , كان ب 200 جنيه , صناعه الماني
-
انا اشتريت واحد قبل كدة جيجاست بس تعبان معجبنيش و مفيهوش اظهار
-
طب احسن مكان فين الاقي فية تعدد للموديلات و اسعار جيدة؟
-
طيب حد يعرف مكان قطع غيار لاسلكى بانسونيك .....لان عندى السماعه الخارجيه باظت رغم ان والدى عنده نفس الموديل وجايبوا قبلى وشغاله تمام
-
أنا عندي سيمينز بقاله كام سنة و شغال زي الفل..
-
سيمنز أو بناسونيك ... الأتنين افضل من بعض .
أنا عندى في البيت سيمنز وفى الشغل بناسونيك .
لكن أنصحك يكون البطارية بتاعة الجهاز ( قلم ) شحن طبعا وغالبا بيكونو 3 حجاير قلم الحجم الصغير ... عشان البطاريات التانية الحتة واحدة دى بتبقى صعب الحصول عليها .
كمان لا تتنازل عن وجود أظهار في العدة .
وطبعا شاشة مضيئة مهم جدا .
وعن تجربة سماعة واحدة لاسيلكى كفاية أوى في الشقة الواحدة ... لأن في موديلات بتبيع أكتر من سماعه (ملهاش لازمة).
وبالتوفيق
Content Relevant URLs by
vBSEO 3.6.0 PL2