مشكلتين عندى فى 127 فيورا نفسى اعرف حلهم
السلام عليكم
انا عضو جديد فى نايل موتورز و بصراحة استفدت منه كتير جدا و عجبنى المعلومات الهايلة اللى موجودة فيه
استفسارى بخصوص سيارتى 127 فيورا
اول مشكلة : ان العربية بتستهلك بنزين بمعدل كبير جدا ( مابين 170 : 180 كم لكل 20 لتر بنزين ) يعنى بمعدل ( 8.5 : 9 كم لكل لتر بنزين ) و دة معدل كبير لان المفروض ان ال 127 استلاكها تقريبا بيكون 300 كم لكل 20 لتر و دة من خلال سؤالى لاكتر من شخص عنده 127 و ايضاً من خلال بحثى على النت - ياترى ايه سبب استلاك البنزين العالى دة
المشكلة الثانية : ان العربية احياناً بتفصل منى و دة بيحصل لما بكون ماشى عادى و بعدين اضطر اقف بسبب زحمة او اشارة او اى شئ و بعد كدة لما باجى اطلع تانى و انا على الاول العربية تفصل منى
ارجو الافادة من خبراء المنتدى الكرام
و شكرا
