الموضوع: قصة غريبة حصلتلي مع أوبترا *خدوا بالكم*

المشاركة الأصلية كتبت بواسطة starlanos

فين في السيدة بالظبط
الموضوع ده نصب جامد

في المنيرة

المشاركة الأصلية كتبت بواسطة ahmed.essam

عصايتك واخلع يا عم سباعي على رأي القرموطي
الموضوع اللي مش مظبوط زي كده ملكش فيه ابعد عنه هي من قلة العربيات يعني

دول شكلهم عالم شمال درجة اولي

المشاركة الأصلية كتبت بواسطة shiko85

ايه النصب ده
عربيه مشكوك فيها (اذا كانت هتتباع اصلا)
ممكن يكون حد معاه المفتاح و عمل الحوار ده علشان ياخد منك و من غيرك عربون مثلا او يثبتوا الناس و ياخدوا فلوسهم و موبايلاتهم و عربياتهم
هو حوار مش مريح خالص و الحمد لله ان خلص على خير

لا شكل الحوار ان العربية ملهاش ورق او مسروقة من اسكندرية ونزلة مصر حوار حوار

الحمد لله انك عرفت ان الموضوع نصب من اولة

المشاركة الأصلية كتبت بواسطة tifa2015

شكلها نصباية وربنا يستر عليك ومتردش على الناس ده تانى علشان هيحورو عليك كتير

ما اوله انهارضة تليفون جالي من نمرة الشخص الي معلق الورقة بيقولي اني رنيت عليه امبارح كتير مع اني كلمتة يعني مارنتش وهو مردش

المشاركة الأصلية كتبت بواسطة mhkorayem

ايه الجو الفاكس ده
شوف يا باشا لما تحب تشتري عربيه أشتريها من صاحبها مباشرة لا يقولك توكيلات ولا غيره وهو اللي يقابلك ويفرجك عليها كمان مش اي حد تاني
وبالكتير اوي لو مش صاحبها يكون قريبه قرابه من الدرجه الاولي أبوه أخوه أو زوج صاحبة العربيه مثلا وده قبل اي كلام كده لازم يثبتهولك باصل البطايق عشان تبتدي بقى تاخد وتدي في الكلام وتبتدي تبص بقى على العربيه وحالتها
لكن شغل حلق حوش بتاع التجار والنصابين اليومين دول ميأكلش عيش

ما ده الي اصريت عليه مع الي كنت بكلمة علي التليفون اني مش هتفق مع حد الا صاحب السيارة
لي الاسف مصر كلها بقت تجار وشمال

المشاركة الأصلية كتبت بواسطة kokowasfy

يعم فكك من الاشتغالت دى و اطلع يوم الجمعة على سوق السيارات مدينة نصر و ريح بالك وخد معاك ميكانيكى ثقة و مبروك مقدما

ماهو فعﻵ هيبقا مبروك لي اني لو خدت ميكانيكي معايه لزم يرجع وهو في ايده عربية علشان يقفش قرشنات وفي الاخر يلبسني في عربية بطاطا