-
سؤال عن الستائر الكهربا
السلام عليكم
انا عايز اركب ستاير فى عربيتى بس سمعت ان لازم ارخص الستاير دى فى المرور علىا لرخصة وبعدين سمعت عن الستاير الكهربا وان ممكن ترفعها قبل ما تخش اى كمين عشان ميرخمش عليك !
فكنت عايز اعرف الستاير الكهربا دى عاملة كام ومنين مع العلم انها هتكون للبابين الى ورا والزجاج الى ورا فقط وسمعت ان الماتور بتاع الستاير دى بيسيح فىا لشمس فهل فى انواع كويسة ولا كلة اى كلام وملهاش لازمة؟
سؤال تانى الستاير العادية مين فى القاهرة بيعمل ستاير نضيفة بس برضو وقت اللزوم ممكن لمها او ارفعها :]
وشكرا
-
اول مرة اسمع عن الستاير الكهربا دي
يمكن تقصد الفيميه الكهربا
-
كانت عندنا ف المرسيدس ستاره ف الازاز الخلفي الكبير بتتفتح لما تجيب المارشدير وترجع تتقفل لما تجيب ال d معرفش ان كان قصد حضرتك علي دي ولا لا لان انا الصراحة اول مره اسمع اسمع عن ستاير بتتلم كهربا انا اعرف انها كانت عندنا بتتفتح مش بتتلم وكانت مكتوبه ف الرخصة
-
لا يا باشا هيا زى الى فى المرسيدس بس انت الى بتتحكم فيها طب على العموم انا عارف انى صعب الاقيها طب لو عاوز ستاير نوعها كويس واقدر المها وقت ما احب يعنى مثلا فى ستاير الى بتغطى الازاز الى وار بالكامل ووبيكون فى زى عصاية من فوق بتلف حواليها الستارة لو عاوز تلمها مين بيبيع حاجات زى دى القاهرة ؟
-
هو انا رايي تنزل التوفيقيه تتفرج عند بتوع الكماليات وتاخد فكره او شوف مول الارخص وفهمه دماغك فيها ايه وشوف ان كان في حاجة زي كده ولا لا
-
نزلت التوفيقية ملقتش فيها الى عاوزة!
-
يبقي مافيش اودامك غير موقع Ebay اشتريها من بره واشحنها و الحكاية دي في ناس جربتها فخدلك لفه ف المنتدي واعرف الموضوع بيمشي ازاي وكام تكاليف الشحن وخد نصايحهم وخبراتهم ف الحوار ده وفي حتي موضوع لاستاذ كريم منير ف قسم الاكسسوارات لو عايز اي اكسسوار من بره بيجيبهولك وده اللينك بتاع الموضوع ياتسيبله رد تفهمه دماغك فيها ايه ياتبعتله رساله خاصة وتفهمه دماغك برده فيها ايه http://www.nilemotors.net/Nile/403867-a.html
-
الستاير الكهرباء بتباع فى موقع على بابا غالبا وكانت ب 500 دولار حوالى 3500 ج مصرى
وموجودة فى التوكيل الخاص بمرسيدس و اسبرانز وبرضة ب 3000ج
والموتور مش بيسيح من الحرارة
ممكن تنزل تدور عليها استيراد فى الحرفين فى شارع المرسيدس وهتلاقيها بعون الله وبسعر حلو
والى بتقولى عليها الى بتفتح وتقفل ( مناول ) - هتلاقى فى التوفقية او عند حد بتاع اكسسورات
ام عن الستاير الكبس - شوف الصفحة دى وممكن تلاقى فيها الى انت عايزة
https://www.facebook.com/StayrKabsLlrbyatMarkhAlsndbad
ودى سهل خلعها فى الكمين - بالنسبة لستاير الامامى والخلفى ابواب
الضهر بيطول شوية
ولكن المرور مش بيدقق عليها
-
حضرتك عرفت حد بيعمل الستاير الكهربا انا برضة بادور ليا فترة ومش لاقى
Content Relevant URLs by
vBSEO 3.6.0 PL2