مخ واعصاب ولا نفسيه وعصبيه

**elgenio** · 27-03-2014 10:17 AM

المشاركة الأصلية كتبت بواسطة k.ossama

الأول تتأكد إن السكر تمام مع دكتور الغدد
وده عن طريق تحاليل السكر فى الدم، بالإضافة إلى تحليل الهيموجلوبين السكرى (hga1c)؛ وده بيدى فكرة عن السكر آخر 3 شهور.
أهمية الخطوة دى تكمن إن إلتهاب الأعصاب الطرفية فى حالات السكرى لا تتحسن إلا مع ثبات نسبة السكر فى معدلاته الطبيعية كذا شهر متواصل.
بعد كده نشوف دكتور أمراض المخ والأعصاب وعلى حسب الكشف توصل إن شاء الله للسبب؛ إن كان السكر ولا حاجة تانية.
بالمناسبة مسمى العصبية والنفسية اتلغى من كذا سنة
دلوقتى يا إما أمراض المخ والأعصاب يا إما جراحة المخ والأعصاب.

أرجو أن أكون أفادتك بأى حاجة
ألف سلامة عليك

دكتور خالد فعلا انا احاول اظبط السكر , بس انا ظابطه وكويس بقاله شهرين او اكتر بالانسولين والرياضه كمان عايز اقول ان اول لما اشتكيت من الرعشه في الاطراف كان من يجي 5 سنين او 6 وروحت لدكاترة كتير ومفيش فايده ناهيك عن النظريات والكلام الاهبل اللى كنت بسمعه , لكن انا بتعالج من السكري من يجي سنه او اقل اظاهر انه كان التهاب اعصاب ومحدش اكتشفه , عموما انا هعمل ال هيموجلوبين السكري واشوف تخصص غدد

**elgenio** · 27-03-2014 10:19 AM

المشاركة الأصلية كتبت بواسطة mahmoud mohamd

بس السؤال اللى كان لازم نسأله هل انت مريض قديم بالسكر ولا اكتشفت قريب بالصدفه
ولو حضرتك مريض قديم هل عندك النوع الاول اللى بيحتاج انسولين
ولا النوع التانى اللى بيحتاج اقراص
ولو بالصدفه ومن قريب جايز ميكونش اساسا عندك سكر ويكون بس ارتفاع مؤقت لاى سبب
سواء كده او كده الموضوع بسيط ومش تقلق من حاجه وهدى اعصابك على الاخر وان شاء الله خير

لاء انا جديد يجي من 9 شهور باخد انسولين بس مش بجرعات كبيره اوي يعني 20 الصبح و5 بالليل وبيهبط بالليل فاحيانا باخد 25 الصبح ومش باخد بالليل :)

**MAHMOUD MOHAMD** · 28-03-2014 01:39 AM

المشاركة الأصلية كتبت بواسطة elgenio

لاء انا جديد يجي من 9 شهور باخد انسولين بس مش بجرعات كبيره اوي يعني 20 الصبح و5 بالليل وبيهبط بالليل فاحيانا باخد 25 الصبح ومش باخد بالليل :)

طيب سن حضرتك كام

**elgenio** · 28-03-2014 10:37 AM

24 :

**elgenio** · 02-04-2014 12:36 PM

عملت سكر تراكمي طلع 6.2 ..... يعني ايه

**د.هشام** · 02-04-2014 03:31 PM

المشاركة الأصلية كتبت بواسطة elgenio

عملت سكر تراكمي طلع 6.2 ..... يعني ايه

يعني ممتاز

**د.هشام** · 02-04-2014 03:52 PM

انت لازم تتابع مع دكتور مخ وأعصاب كويس، علشان واضح من شكوتك انك عندك مشكلة في الأعصاب، وطبعا السكر أحد اﻷسباب، مع اني بستبعد السكر انه يكون السبب علشان انت مش مريض سكر قديم. بس بعد الكشف عليك لو دكتور المخ والأعصاب ملقاش أسباب تانية، يبقى مش حيفضل غير السكر كسبب. على العموم ماتقلقش، الأعراض اللي بتشتكي منها بسيطة ان شاء الله وسهلة تتعالج.

**elgenio** · 02-04-2014 06:08 PM

المشاركة الأصلية كتبت بواسطة د.هشام

انت لازم تتابع مع دكتور مخ وأعصاب كويس، علشان واضح من شكوتك انك عندك مشكلة في الأعصاب، وطبعا السكر أحد اﻷسباب، مع اني بستبعد السكر انه يكون السبب علشان انت مش مريض سكر قديم. بس بعد الكشف عليك لو دكتور المخ والأعصاب ملقاش أسباب تانية، يبقى مش حيفضل غير السكر كسبب. على العموم ماتقلقش، الأعراض اللي بتشتكي منها بسيطة ان شاء الله وسهلة تتعالج.

ربنا يطمنك يا دكتور , بس مش عارف التخصص ده فيه كتير مش فاهمه ... لما باجي اشوف دكاتره بلاقي جراحة مخ واعصاب , او امراض عصبيه ونفسيه , او امراض عصبيه للسكري اي تخصص اتجه ليه

**د.هشام** · 02-04-2014 07:36 PM

فيه تخصص تاني انت مقولتوش وهو مخ وأعصاب (باطنة) يعني دكتور باطني مش جراحة

**K.Ossama** · 02-04-2014 09:54 PM

زى ما ذكرت قبل كدة
مسمى العصبية والنفسية اتلغى من كذا سنة
ومسمى "باطنى" أيضاً غير دقيق.
يا إما أمراض المخ والأعصاب يا إما جراحة المخ والأعصاب.
حضرتك محتاج تخصص أمراض المخ والأعصاب