تحذير بتاع الكاوتش بشارع اللبينى امام اولاد رجب نصاب وحرامى

**semmsem** · 25-03-2014 10:06 PM

برافو عليك
انا حصل معايا موقف مشابه بس لحقت نفسي
بس كان بتاع الكاوتش اللي على الكورنيش في الوكاله
كان الفرده دخل فيها مسمار وبينفس وانا ماشي خايف الفرده تنام لقيته قدامي ..دخلت..قالي خابور ب 10 والامريكي15
شال المسمار وحط فتيلين في الخرم ....وقعد يكشف ويقولي فقاقيع ...وهوب يروح لاسع خابور ومعاه واحد عمال يعمرله الفتيل وهوا هوب يخبط التالت وهوب الرابع ...يادوب على ما اخدت بالي قولتله ( اثبت) ايه اللي بتهببه ده سيبها زي ماهيا واتلسعت 50 جندي بس الغريبه انه عمل حاجه خلى الفرده فيها حوالي 15 خرم فعلا(لأنى روحت لواحد تانى بعديومين لقيتهم مخرومين مع ان الفرده كانت زيرو....غريبه)
الله يحرقهم ولاد الحراميه

**kokowasfy** · 25-03-2014 11:49 PM

النصابين شغالين ناااااااار فى فيصل و الهرم وخصوصا فى الكوتش بس اعذرنى العيب عليك بنسبة كبيرة انك سبتو يستغفلك !!!!!!!!!! انا لما فردة عندى بتكون بتريح ولا حاجة بروح لواحد بتاع كوتش محترم و معرفة ولو اطريت اووووى ممكن اروح لاى حد فى الشارع بس عينى متغفلش علية للحظة و بنزل اشتغل معاة بايدى و اشوف مكان الخرم و ارش مية علية و كمان لو فية مسمار فى الفردو بخدو تذكار كمان ههههههه بس الحمد للة انك خدت حقق ز خلى بالك

**elswah79** · 26-03-2014 01:25 AM

انا حصلي موقف مشابه كنت مسافر وهطلع الدائري من علي المريوطيه وعندي فرده مهويه شويه قولت اذودها وبالمره احط ميه للعربيه الراجل قالي فيها خرم قولت اعمله روحت اجيب ميه مليت الزجاجه من كولدير جانبه ورجعت قالي كدا 8 ب 80 جنيه قولتله مين قالك اعمل من هنا لهنا خدهم طبعا تمن البتاع الهباب دا اللي بيبوز الكاوتش الواحده فيها 10 خبور تعمل 20 مره ب 2.5 واليد اللي عامله زي المفك ب 7 جنيه معايا في العربيه ومش بستخدمهم نهائي انا بعمل لحام داخلي وبحافظ علي الكاوتش
وجبت منفاخ 2 بيستم دا بيخليك مش محتاج بتاع كاوتش لحد متروح لحد ثقه كل بتوع الهرم والمريوطيه عدا واحد او اتنين متفقين مع بعض نفس الكلام انا اول ميقولي خابور اقوله شكر الفرده تبوز ولا امريكي ولاغيره كله نصب
علي العموم انا رميت الفرده تاني يوم بعد 8 خوابير

**EngAhmedSayed** · 26-03-2014 07:21 AM

المهم بيخابور الكاوتش 20 خرم او 30 خرم
و كمان بيخابور الزبون انى بعد ما الكوتش ياخد الخوابير دى كلها بيكون باظ خلاص
تيبقى اتخبورت من ناحيتين دفعة مبلغ الخوابير و هتدفع حق عجلة جديدة
ربنا يهدى

**احمد المصرى** · 26-03-2014 07:56 AM

انت ب 100 راجل والله تسلم ايدك

**SAMEH_FOUAD** · 27-03-2014 11:50 AM

والله برافو عليك , لانك كنت هتفضل متضايق من نفسك وقت طويل جدااا

انا بقى حصل معايا نفس الموقف بس بطريقة تانية , كنت ماشى عند شارع البحر الاعظم , لقيت واحد جاى بيقولى العجلة نايمة يااستاذ , روحت بصيتلة كدة قولتلة ( طيب ) , مافيش بعديها ب30 ثانية , عيل عندة بتاعة 15 سنة ( يابية العجلة القدامانية نايمة ) روحت رادد علية بنفس الرد قولتلة ( طيب ) حتى ماتحركتش انزل اشوف العربية فيها اية , لانى ببساطة ماشى بالعربية زى الفل ومافيش اى اختلاف فى السحب او الفرامل

طبعا انا فاهم امور النصب دية وهما بيعملوها لية , عشان كدة لو واحد قالك الكاوتش نايم او او ,. ولا تسمع لية لانها فى الاخر بتكون نصباية

وربنا يبعد عننا ولاد الحرام , اللى فاكرينا بنسرق الفلوس او بنلاقيها فى الشارع , عشان يجوا هما ياخدوها بكل سهولة