نساعد بعض ...عشان ماحدش ينصب علينا

**mostafaenany** · 27-03-2014 10:44 AM

المشاركة الأصلية كتبت بواسطة د.عماد صلاح

زاد اوي موضوع بتوع الكاوتش النصابين دول فاللي يعرف واحد منهم نصاب يقول لينا
انا عن نفسي اعرف 3
احد اللي الاخ لسه متكلم عليه بعد نزله اللبيني وبيقف قبله واحد بتاع فاكهه يقولك ان العجله تايمه
واحد بعد الدخله اللي من اللبيني للمريوطيه و بيقف واد يعدي الشارع و يقولك وهو بيعدي ان العجله نايمه
واحد بعد الشبراوي بتاع العشرين علي ايدك الشمال وده لو عملت عنده العربيه بيطلع عتدك مليون خرم
اخيرا ....انصح ببنزينات وطنيه يعني لو عجله نايمه او مريحه خلي بتاع الكاوتش يزودها و اطلع علي وطنيه يعملوها هناك

اللي يعرف بتاع كاوتش معندوش ضمير يكتب هنا

اللى بعد الشبراوى فعلا نصاب دة انا مجربة واى حد بقوله يبعد عنه فعلا

**S O P H O S** · 27-03-2014 01:18 PM

علي كده ياريت يعملوا
كوتش ميتخرمش ونرتاح من الحاجات دي

**د.عماد صلاح** · 27-03-2014 05:24 PM

شوف يا افندم ...الحل ان يبقي مع حضرتك منفاخ كهربائي من فتحه الولاعه و لو العجله نايمه زودها و اطلع علي وطنيه او علي حد تكون واثق فيه و هو يشوف العجله .لكن انك تروح لحد ماتعرفوش يبقي غلط .......و بعدين لو حد قال ليك ان العجله نايمه اهدي خالص و انزل اول بص علي العجله بنفسك طبعا بعيد عن الاخ اللي قال لحضرتك ان العجله نايمه و بعدين لو نايمه اعمل اللي قلت لحضرتك عليه ...ووقانا الله شر النصابين و منعدمي الضمير .

**aboomar77** · 27-03-2014 05:37 PM

بتاع الكاوتش اللى فى بنزينة كالتكس على الدائرى قبل نزله اسكندريه الزراعى حرااااااامى

**د.عماد صلاح** · 28-03-2014 02:18 PM

اللبيني وانت جاي من اكتوبر تجاه فيصل علي ايدك اليمين .....عملها مع واحد زميلي برضه 7 اخرام ب 60 جنيه بالعافيه
واضح ان معظمهم سيئين

**EngAhmedSayed** · 29-03-2014 08:27 AM

بقولكم اية الموضوع مش كمياء و له فيزياء
الصراحة الموضوع ده بيحرق الدم سياتك
تبطل كسل و تبطل تيبقى تنك
سياتك ماهو انتا اللى بتديلو الفرصة يعمل معاك كدة
سياتك يبقى معاك
الاستبن سليم
معاك كوريك
معاك كمبيرسور هواء 130 جنية من التوفيقية
تجيب شنبر داخلى على مقاس كوتشك و تحطو فى شنطة العربية و تشيلو هيبقى ليه لازمة
مفتاح صليبة

سياتك بقى خلى بالك منة اللى جى

دلوقتى هتزود عجل هتروح عند بتاع كوتش بالله عليك يا شيخ بلاش تفتح الازاز الكهرباء و انتا للبس النظارة الشمس و تقوله ظبط العجل اعمل حسابك انتا اللى هتتظبط كدة انتا بتديلو فرصة يخرملك العجل
لا انتا تعمل اية متقلش حاجة اللى لما تنزل تقوله ظبط العجل و عينك عليه يكون معاه البلف و معاه المقاس و تلف
معاه مطرح ميروح عند فردة انتا معاه و طبعا مفتاح عربيتك فى جيبك متنساش و تشتغلو عندكو ترصيص عندكو كوتش بيمشى لوحده عندكو كوتش بيطير ما هنعمل اية

دلوقتى هتلحم كوتش سياتك برضك فكك من قصة النظارة الشمس و الازاز الكهربا خلاص حفظنا هتشرط عليه خوابير لالالالالالالا و تكشف عليها فى البيانيو المياه و لما يلاقى خرم خليه يحط مكانه مسمار علشان يعلم مكان الخرم و سياتك تخلى بالك وانتا واقف معاه تقولو لحام سريع و بيبقى عامل 5 جنية كبيرة قووووى قالك لالالالا معنديش غير ازازة مياة و قولو ماشى اعملها و طلعلو الاستبن قولو ركبو هيفرح و يفك و بعدين هيركب الاستبن خد من العجلة و حطها فى الشنطة و اديلو 2 جنيه قولو باليل هعدى عليك علشان ترجعلى على الكوتش كله

كدة تتضمن انى ميتنصبش عليك يقولك اصلى انتا دايس على ازاز يقولك كنت ماشى على شوك نفض
انزل من العربية و خليك واقف على حاجتك
نزلت من البيت للقيت العجلة نايمة و انتا بتسخن ركب الكمبيرسور و هينفخ العجلة
لقيت واحد بيقولك دى فيها 30 خرم بازازة المياة قولو ماشى فك و هات الشنبر قولو ركب ده هتخسر بلف ثمنه 10 جنيه بس هتخلع من نصب و اديلو 5 جنية

عايزك تفهم حاجة لما الكوتش يبقى مخروم 15 خرم او 20 خرم او 30 خرم هى كانت ماشية ازاى فين عقلك فين ركز شويا

يا استاذى العزيز انتا اللى تشغلو متخليهوش يشتغلك

وربك يهدى

**starlanos** · 29-03-2014 10:48 PM

المنفاخ هوا اسهل حاجه
او الاصعب تغير بالاستبن

**د.عماد صلاح** · 30-03-2014 06:48 PM

معنديش نضاره شمس

الموضوع: نساعد بعض ...عشان ماحدش ينصب علينا

LinkBack

أدوات الموضوع

عرض

-

-

-

-

المواضيع المتشابهه

عشان ماحدش يتوه في مصر تاني

ده فيدو عشان نعرف بس اننا بيضحك علينا ههه

عشان محدش يدحك علينا

نعمل ايه عشان نساعد اخواننا واهلنا في مصر

عشان ماحدش يدعي علي العريس و العروسة بخراب جوازهم

الكلمات الدلالية لهذا الموضوع

المفضلات

المفضلات

ضوابط المشاركة