عرض للطباعة
السلام عليكم انا كنت اتصلت بتوكيل ابو الفتوح قالولى انها بقت تقفيل مصرى كنت عاوز اعرف ده معناها ايه انها عشان انا مقبل على الشراء بس متخوف من انها تقفيل مصرى وكنت عاوز اعرف اخبار السياره ايه مع ملاك الانفى 2014 وكماليات الانفى 2014 تقفيل مصرى وهل هى سياره كويسه ولا ايه رائيكم وكنت عاوز اعرف قطع الغيار اخبارها ايه عشان انتوا عارفين بلدنا متكسره والسواقه فى بلدنا:00020140: بالدراع
وايه الافضل m 11 ولا الانفى
ايه يا رجاله انا وقعت فى صحرا
تقفيل مصري !!
كدة الانفي فقدت الميزة الي فيها انها كانت مستوردة وانا بفضل لحضرتك الام 11
طيب معلش يا ميدو الام 11 عربيه كويسه وايه اخبار قطع الخيار واستهلاك البنزين معلش انا تقلت عليك
وشكرا
أنا أرجع لحضرتك إنك تجيب الإنفي المستوردة
وهتلاقيها لسة موجودة في المعارض
وهي معايا بقالها أسبوعين حالياً
ولو هتجيب التقفيل المصري أعتقد إنها هتكون كويسة إن شاء الله لأن أبو الفتوح تقفيله مش وحش ومشاكل التقفيل بتاعته مش كتير على أسمع
وربنا يوفقك للاختيار السليم إن شاء الله :)
هو أكيد إن التقفيل الصيني هيكون قطعاً أفضل من المصرياقتباس:
المشاركة الأصلية كتبت بواسطة m i d o
بس أبو الفتوح برضو مش وحش في تقفيله
متابع
هو بس انا ليه استفسار
هو ليه حضرتك فضلت الاسبيرانزا عن الجيلي الامجراند 7
شكرا اوي يارجاله بس انا فضلت الاسبيرانزا عن الجيلي عشان موضوع الصدا ده قفلني منها
الف شكر ياباشا
انا برضه كنت عايز اجيب الايمي جراند وبعد المشاكل بتعهتها قلت الانفي وخصوصا بعد كلام الاعضاء عنها وعلشان انا مش موجود في مصر خليت الاهل يتصلوا با ابو الفتوح وديه المعلومات اللي حصلوا عليه
في موديلين واحد تمنه 80 الف والتاني تمنه 84 الف الفرق في الطارة المالتي فكشن والايرباج للراكب والسنسور الخلفي
الالوان اللي موجودة اسود وفضي ورمادي ولون تاني مش فاكره
تحجز ب10000 جنيه
حتي 15 ابريل اللي موجود التقفيل الصيني بعد هذا التاريخ هتنزلي التقفيل المصري
وديه شكلها هتبقي نهاية الانفي في مصر وربنا يستر علشان ان مش هينفع اشتري الا في شهر 7 وخايف البس المصري زي الاخوة بتوع الايمي
التقفيل المصري مقلق جدا الصراحه ...فحضرتك تجيب الانفي المستورده او الام 11
حتي لو فرضا وجدت عيوب في التقفيل المصر
مش هاتوصل لبارومه تاكل العربيه
بس شكل الانفي والاوبشن بتاعها افضل من ام 11 بصراحة
الشيء المهم والاهم في رايئاقتباس:
المشاركة الأصلية كتبت بواسطة meemo
تعديل وضعيه الموتور واتجاه الشكمان اصبح للخارج عكس الوضع القديم
تعديل الكاتينه بكاتينه جنزير يعني بند صيانه كبير ومهم ومكلف وخطر علي الموتور
تم الغاءه
تعديل نظام دواسه البنزين وبوابه الانجيكشن
الي النظام العادي واير
بدلا من الكهربائي
يعني اعطال اقل سحب افضل
تقفيل ابو الفتوح مش وحش ابدا ... ابو الفتوح عنده ضمير .
طيب لما التقفيل يبقي مصري مش المفروض سعر العربية ينزل ولا ايه؟؟؟؟؟؟؟؟
المفروض سعرها ينزلاقتباس:
المشاركة الأصلية كتبت بواسطة meemo
ياسلام لو فيم الزجاج و ركب لها ايمبوليزر وغير شكل الفوانيس الخلفية هاتكسر الدنيا
لما كلموا ابوالفتوح قالوا في التوكيل ان فيها ايمويليزر
وجهة نظري الشخصية لو ينفع تجيب التقفيل الصيني هيكون أحسن كتير جداً - وغالباً هتكون موجودة في المعارض حتى لو مبقتش موجوده في التوكيل -
بس لو رسيت على التقفبل المصري الواحد ميقلقش من أبو الفتوح في تقفيله برضو
وبالنسبة لموضوع الإيموبيلايزر، اللي أعرفه إن الإنفي الصيني مفهاش إيموبلايزر
فهل هو هينزل التقفيل المصري بإيموبيلايزر؟؟؟
ولو كده هينفع نركبه في التوكيل على العربيات التقفيل الصيني ولا لأ؟؟
ابو الفتوح عنده ضميير !!!!!!!! :U_thin1[1]:اقتباس:
المشاركة الأصلية كتبت بواسطة bassemali
معروف أن تقفيل أبو الفتوح ممتاز جدا وهو هاينزل العربية فيها كل اﻻمكانيات اللى فى تقفيل الصين ومزود عليها الفرش الجلد والريموت كنترول و انذار ضد السرقة وباركنج سنسور وسعرها ها يبقى 76900 وهاتكون موجودة منتصف أبريل 2014
فعلا تقفيل ابو الفتوح جيد جدا من ايام الدايو على الاقل احسن من غبور وعربياته المصديه واكيد هو عارف ان دى فرصته انه يرفع المبيعات على حساب غبور ومشاكل الامجراند
هي فرصته لاعاده العربيه للصداره
وفعلا الانفي ليها فتره ابتديت اشوفها في الشارع
بس مش زي الايمجراند
انا اليوم كنت مع صاحبى عنده انيفى 2013 تقفيل صينى وكان عند السروجى بركب فرش وارضيه جلد
بصراحه التقفيل ميفرقش كتير عن المصرى ل يمكن الان المصرى افضل
من خبراتي مع ابو الفتوح وخبراتي فى الاسبيرانزا
- التقفيل المصري افضل من الصيني
- الانفي افضل من اليمجراند لانها موفره فى البنزين والكاتينه الجنزير اقوي وتقريبا منعدمة الصيانه (كل 100الف كم تغيير)
- لا تتوقع فى ابو الفتوح وتوكيله انه حيريحك كما تريد ....... ضميره مش اوي
بالتوفيق
على الاقل هو محترم عن غبور الذى نزل عربية مصدية لا تساوى شئاقتباس:
المشاركة الأصلية كتبت بواسطة alshahba
اتفق معاكاقتباس:
المشاركة الأصلية كتبت بواسطة dedi
انا أيضا أتفق معاك ...اقتباس:
المشاركة الأصلية كتبت بواسطة dedi