قررت تركيب فرش جلد للارضية للبيجو 301 فى اسكندرية و محتاج مساعدتكم

**m.basha** · 25-03-2014 11:14 PM

السلام عليكم قررت ان شاء المولى انى اركب فرش جلد للارضية فقط لانى متعقد من الجلد على الكراسى و خصوصا النار فى الصيف فاعمل فرش للارضية فقط محتاج من رجالة الاسكندرية لو حد يعرف سروجى شغله نظيف يقولى عليه عشان الموضوع اللى كانوا بيقولوا عليه ان الغربية من غير عتب مع انى مش عارف ايه معى من غير عتب ده و تانى حاجة موضوع الكليبسات اللى ممكن تتكسر فى الفك و التركيب و ياترى التكلفة حاتكون فى حدود كام وتاخد وقت قد ايه و شكرا لحضراتكم

**abofandy** · 26-03-2014 12:51 AM

بالنسبة للتكلفه بتترواح على حسب الجلد المستخدم وانك هتعمل الشنطة كمان ولا ارضية الصالون بس
بس بتبدا من 300 لحد 450 جنيه على حسب نوع الجلد

نصيحه : لو تعرف تجيب نفس نفشة الفيبر على الجلد هتدى منظر جميل ونفس لون الفيبر طبعا
يعنى لو فبر الباب لون اسود يبقى لون الجلد اسود
وياسلام بقى لو كان نفس نقشة الفيبر هى هى نفس نقشة الجلد هتحس باتساع فى ارضية العربية وان الفرش الجلد معجزشى العربية

نصيحه اخرى : بلاش تختار الجلد الى فيه نفشات كتير او لعب كتير علشان يبقى سهل فى التنظيف والاتربه متتجمعش فى الشوق بتاعت النقشة ( يعنى نقشه خفيفة او ساده ) طبعا ولو فية نفس نقشة الفيبر يبقى فل الفل

لو ال vin number موجود تحت الكرسى اليمين خليه يفتح علية علشان يبقى ظاهر علشان لما تعمل فحص بعد انتهاء الترخيص الاستاذ الى بيرفع البصمة مش يبوظ الجلد او يقطعه بغشامه فهو يبقى معمول حسابه من الاول ومفتوح له بشياكه وبغرز محترمه

بالنسبة للاختيار السروجى شى مهم جدا علشان يرجع كل حاجة لوضعها زى الاول بدون اى خسائر تذكر ويكون اشتغل فى العربيه قبل كدة او شغال فى العربيات الملاكى اكتر بلاش النقل وكدة

علشان انا من المنصورة فمش هعرف ادلك اوى على حد فى اسكندرية بس الجماعة هنا هيقوموا بالواجب بس متنساش تصور وتعمل تقرير لحبايبك هنا فى القسم

مبروك مقدما وربنا يباركلك فيها يارب

**m.basha** · 26-03-2014 10:05 AM

المشاركة الأصلية كتبت بواسطة abofandy

بالنسبة للتكلفه بتترواح على حسب الجلد المستخدم وانك هتعمل الشنطة كمان ولا ارضية الصالون بس
بس بتبدا من 300 لحد 450 جنيه على حسب نوع الجلد

نصيحه : لو تعرف تجيب نفس نفشة الفيبر على الجلد هتدى منظر جميل ونفس لون الفيبر طبعا
يعنى لو فبر الباب لون اسود يبقى لون الجلد اسود
وياسلام بقى لو كان نفس نقشة الفيبر هى هى نفس نقشة الجلد هتحس باتساع فى ارضية العربية وان الفرش الجلد معجزشى العربية

نصيحه اخرى : بلاش تختار الجلد الى فيه نفشات كتير او لعب كتير علشان يبقى سهل فى التنظيف والاتربه متتجمعش فى الشوق بتاعت النقشة ( يعنى نقشه خفيفة او ساده ) طبعا ولو فية نفس نقشة الفيبر يبقى فل الفل

لو ال vin number موجود تحت الكرسى اليمين خليه يفتح علية علشان يبقى ظاهر علشان لما تعمل فحص بعد انتهاء الترخيص الاستاذ الى بيرفع البصمة مش يبوظ الجلد او يقطعه بغشامه فهو يبقى معمول حسابه من الاول ومفتوح له بشياكه وبغرز محترمه

بالنسبة للاختيار السروجى شى مهم جدا علشان يرجع كل حاجة لوضعها زى الاول بدون اى خسائر تذكر ويكون اشتغل فى العربيه قبل كدة او شغال فى العربيات الملاكى اكتر بلاش النقل وكدة

علشان انا من المنصورة فمش هعرف ادلك اوى على حد فى اسكندرية بس الجماعة هنا هيقوموا بالواجب بس متنساش تصور وتعمل تقرير لحبايبك هنا فى القسم

مبروك مقدما وربنا يباركلك فيها يارب

متشكر لردك و رايك المحترم و انشاء الله ابقى اقولكم عملت ايه

**m.basha** · 26-03-2014 10:05 AM

المشاركة الأصلية كتبت بواسطة mahmoud/nabil

بص يا باشا انا من كتر المقالب الخدتها هنا في اسكندريه اقتنعت حاجه ... روح القاهره احسن عند جينز كار .... مهما عملت هنا مش هتلاقي حد نضيف زي جينز ... و لو مش هتعرف تروح في واحد في بوكلي و ده يعتبر افضل واحد مع احترامي ل ال ٤٥ ده المش فاكر اسمه :d

فى بولكلى فين يا باشا لو بالوصف كده قولى و انا اعرف اروحله

**Ahmed Amin** · 30-03-2014 06:19 AM

أنا من رأيي تخليها في القاهرة أحسن زي ما العضو الفاضل أقترح عليك,
لأنك هتاخد أداء وشغل أفضل, والحاجة دي بتتعمل مرة واحدة ومش طالبة ناس هواة يعملوها,, أو تبقي تكلفة أعلي علي الفاضي وأداء أقل.

وكمان فرصة تلاقي عندهم سروجي شاطر يربط لك الكراسي كويس وتشوف موضوع صوت الطقة دا.