يا رجالة الرينو هاستلم داستر فى اقل من 24 ساعة يا ريت تساعدونى ايه اللى هاستله و اراجع على العربية ازاى و هى هتكون 4*4 الشكل الجديد اللى بال MediaNav
عرض للطباعة
يا رجالة الرينو هاستلم داستر فى اقل من 24 ساعة يا ريت تساعدونى ايه اللى هاستله و اراجع على العربية ازاى و هى هتكون 4*4 الشكل الجديد اللى بال MediaNav
متابع باهتمام
متابع باهتمام
اجمل عربيه استهلمها وبس وده فى حد زاته انجاز وتأكد تماما ان ربنا وفقك فى الاختيار عربيه ممتازه فعلا ربنا يكفيك شرها ويعطيك خيرها
مبروك مقدمااااااا
واختيار موفق
للرائعة داستر
بص ياباشا نصيحة الاستلام
شيك على أوراقك كلها
إنزع أي غطاء على السيارة وراجع على لون العربية
لو انت شاري من معرض
لو انت شاري من التوكيل فاستبعد تماما اي اختلاف للون نتيجه رش وخلافه
هتستلم شنطة عده خاصه بالكاوتش بالاضافه الى الاستبن
وممكن 4 مسامير إسبير للإستبن
هتجرب الحاجات الظاهرية للسيارة من فنيات
لو في أي حاجة ظهرت بعد الشراء فلا تدع نفسك مجالا للشك
وتاكد أنك تتعامل مع توكيل من أفضل التوكيلات في مصر
اول ماتخرج من المعرض
فول السيارة فبنزينة
ومسي على عامل البنزين
وانزل أقرب فرع من فروع بيدجيستون وفرغ الهواء وظبط نيتروجين مع مراعاة مقاس الضغط الذي غالبا يكتب في قائم الباب ألامامي
وربنا يديلك خيرها ويكفيك شرها
ومبروك مقدمااااا
مع مراعاه فترة التليين الكافية للموتور
عدد لفات الموتور لا يزيد عن 3500 لفة او لا يزيد عن سرعه 120 كيلو
أول 1000 كيلووووووو
بعد ألالف كيلو عيش براحتك وأنفخ العربية
الحمد لله استلمت داستر 4*4 نحاسى العربية ماشاء الله مستنى ورقها و انشاء الله اعملكم تقرير كامل.
مواصفات العربية على السريع
١. مرايات كهربا ليس ضم
٢. باركنج سنسور صوت فقط يعنى مافيش علامات على الشاشة او على كمبيوتر العربية.
٣. جنوط ١٦ سبايك و كاوتش كونتننتال و الاستبن حديد ١٦ برضه داخل العربية.
٤. عتب بلون كروم
٥. عوارض على سقف العربية و عليها اسمها و شيك جدا.
٦. شاشة ميديا ناف مصنوعة عن طريق شركة ال جى بلوتوث و جى بى اس و خريطة مصر و يو اس بى و ايه يو اكس و راديو و اريال طوييييييل لازم اشترى واحد ما ازعلش عليه لو اتسرق
٧. دراع مالتى فنكشن تليفون و صوت و تغيير مود.
٨. فرش قماش و مساند راس ورا و ادام.
٩. ٢اير باج
١٠. فوجات
١١. اضاءه نهاريه
١٢. فرش الارضية قماش
١٣. فتيس ٦ سرعات
١٤. اشارات للقيادة المثالية لتوفير البنزين
١٥. زجاج كهربا بدون ماكينة رفع او انا مش عارف اشغلها :)
١٦. بكره لتغيير انماط القيادة من 4*4 ل 2*4
١٧. مراية فى شماسة الراكب الامامى
١٨. مخرجين كهربا واحد فى الامام و التانى فى الخلف
١٩. طفاية سجاير متنقله مع وجود ولاعه
٢٠. لمبة اضاءة فى درج التابلوه
٢١. بكره لتعليه مستوى الاضاءه الاماية و خفضها.
٢٢. مكان خاص للكوريك و الصليبة
٢٣. صناديق تخزين للعدة حول الاستبن
لو افتكرت حاجة تانية هاقول و اعذرونى لسه ما رخصتش فمش باتحرك بيها و ادعولى استلم ورقها بسرعة.
Sent from my ALCATEL ONE TOUCH 997D using Forum Runner
الف الف مبروك و ربنا يباركلك فيها .....
اخبار العفشة و التصفيح اية ..وضعية القيادة ...زجاج ملون ....و لو سمحت جبتها بكام
ربنا يبارك فيك يا رب انا عملت بيها ٢٠٠ كيلو بس و راييى ان العفشة ناعمة جدا و التصفيح فعلا مش محسسك باى حاجة من الارض و الزجاج الخلفى و الابواب الخلفية ملونين و وقفت على ١٥١٥٠٠ و حجزت و استلمت فى ٣ ايام
Sent from my ALCATEL ONE TOUCH 997D using Forum Runner
الف مليون مبروك
في انتظار الصور والتقرير منك ياجميل