مفاجأه فى مركز المتحده !!!1
السلام عليكم وحمة الله
هذا اول تقرير لى فى قسم اسبرانزا عدما انتقلت من سوزوكى والحمد لله اشتريت 516
ويشرفنى ان انقل لكم تجربى الاولى مع الاسبرانزا ... وكانت مفاجأه بصراحه
بعدما اشتريت السياره كانت كويسه ما عدا المقصات والحمد لله اشتريت اتنين بتوع لانسراستيراد
واتركبوا والحمد لله ظبطوا العفشه شويه لانها محتاجه ايضا بعض قطع الغيار الاخرى
المهم انى وجت لمبة EPC تضىء وتطفىء واحيانا لا يوجد سحب للعربيه وبعدين وجدت ان العربيه لايوجد بها ماء فى القربه المهم ذوت العربيه مياه طبعا وهيا دايره
ورحت لكذا ميكانيكى يقولى حطها على الجهاز لانها يوجد عيب فى الحساسات المهم لظروف عملى كسلت اذهب الى الكشف عليها كام يوم وكنت بلاقى الميه بتنقص كل يوم .
ثم بعد ثلاثة ايام .....
ذهبت الى مركز المتحده فى الهرم طبعا هو غنى عن التعريف وبصرراحه ناس محترمه جدا بدايه من
الاستاز محمود الى اخر واحد فيهم بيستقبلوك بكل ترحاب ...:S_thum1[1]:
المهم حكيت القصه الى الاستاز محمود بعد ما عرفته بنفسى وانى من اعضاء النيل موتوز ورحب بيا جدا
ثم قال لى الموضوع بسيط كلها تظبيط فيش الحساسات وتنظيف البوابه ...
المهم وضع السياره على الجهاز واتضضح فعلا ان هناك اعطال حساسات وايضا والغريب ان العربيه كانت سخنه جدا قالى ان الحراره كانت 105 درجه والطبيعى انها لاتذيد عن 96 ثم تشتغل المراوح وتبرد حتى 58 او 90 ثم تفصل وهكذا ...ثم جاء (حسين)الكهربائى وفك البوابه .
وكانت المفاجأه ....:pffft:
بعدما فكها اكتشف شى غريب ان هناك زيت على البوابه استغرب ثم اكمل فك البوابه وحينها وجد ان الزيت بقى طحينه من الماء بصراحه انا فوجأت وعرفت على طول ان العربيه جابت جوان وش سلندر
وفعلا نادى على الاستاز محمود والاستاز محمود نادى على الاسطى الكبير (حسين) المختص بالميكانيكا
وفعلا قال الذى توقعته انها جابت جوان ...
الاستاز محمود علشان يخفف عنى الصدمه قالى معلش ولا يهمك اكيد العربيه سخنت منك وانت مش واخد بالك قالى ساعات بتحصل علشان مؤشر الحراره مش بزيد عن النصف فى حالة عدم وجود ماء بالريداتير ...
المهم قالى هنفك ونشوف وش السلندر لو مش هيحتاج مسح هو والبلوك هنكب جوان السلك بتاعها الاصلى ولو فيه مشكله فى الوش هنمسحه ولو المشكله فى البلوك هنركب جوان كرتون علشان يطبع على الوشين لاننا مش معقول هنفك البلوك ويتمسح هتبقى التكلفه عليه جدا ...
سألته عن التكلفه المبدئيه قالى مصنعيه فقط 350 جنيه فك وتركيب سعر الجوان 55 جنيه ده غير الزيت
المهم حسبناها طلعت 550 جنيه بالزيت ... قلتله على بركة الله فك ياريس ...
طبعا علشان الناس ال معاهم متعودين على الكلام ده ما شاء الله الفك لم يأخذ معاهم كتير وكانوا يصبروا شويه حتى تبرد العربيه ثم يكملوا وبعد الفك اتغسل وش السلندر كويس والبلوك ووجدوا ان البلوك فيه ريجه بسيطه فقالى مش هينفع يتركب وش سلك هنركب الكرتون وفعلا ركبناه ودور العربيه الحمد لله
الاسطى حسين عايز يعرف المشكله حدثت اذااااى فحط الربيه على الجهاز تانى وانتظرنا حتى تسخن العربيه ونشوف الميه والمراوح والريداتير ايه الاخبار وفعلا العربيه عندما تأتى الحراره على 96 تبدأ المراوح تشتغل وبعدما تقل الى 90 تفصل وهكذا ...لكن الاسطى حسين اكتشف ان التبريد فى الريداتير من اسفل مختلف عن فوق ...فى الاسفل التبريد بطىء لان الهواء ال راجع من المروحه من فوق ساخن ومن تحت بارد الى حد ما فقالى لازم تكشف على الريداتير عند بتاع الريداتير وتخليه ينظفه وينظف دورة المياه والحمد لله العربيه كويسه ...
وبصراحه عملوا معايا واجب جامد جدا
اولا عملى خصم 50 جنيه على المصنعيه
ثانيا ربطلى العفشه كلها وكشف عليها ووضحلى ال عايز يتصلح فيها
ثالثا تم غسيل الماتور بالكامل
رابعا الاستاز محمود قالى بعد ما تظبط الريداتير ودورة المياه تعالى اكشف عن الحراره مره تانى واعمل تشيك على الجهاز ببلاش بصراحه الناس محترمه جدا جزاهم الله خير
واخيرا اليكم بعض الصور من هناك :B4_388:
اولا فك الوش بتاع التاكيهات
https://scontent-a-cdg.xx.fbcdn.net/...62346198_n.jpg
ثم فك التاكيهات
https://scontent-a-cdg.xx.fbcdn.net/...53255095_n.jpg
https://scontent-a-cdg.xx.fbcdn.net/...59016044_n.jpg
وده وش السلند بعد التنظيف
https://fbcdn-sphotos-c-a.akamaihd.n...44356094_n.jpg
وده وش البلوك قبل التنظيف
https://fbcdn-sphotos-d-a.akamaihd.n...69874921_n.jpg
https://scontent-a-cdg.xx.fbcdn.net/...92544694_n.jpg
ثم تم التركيب بسلام
https://scontent-b-cdg.xx.fbcdn.net/...49986039_n.jpg
ودى صوتى مع الاستاز محمود واقوله الف شكر على حسن المعامله والواجب :B4_388:
ويارب يكون التقرير عجابكم
وانتظرونى فى التقرير القادم مع تنظيف الريداتير :grin54: