محتاج مساعدتكم ضروري ... اقبل الشغل ده ؟
محتاج رايكم ( بالذات المهندسين ) معروض عليا شغل ومش عارف اقبله ولا لا ؟ وطبعا صليت استخاره وباخد راي الناس ... وانا طبعا بثق فيكم جدااا فكان لازم اخد رايكم
انا مهندس ميكانيكا باور خريج 2013 شغال دلوقتي في العاشر كمهندس انتاج مش باور ( مش مجالي يعني )
معروض عليا شغل في شركه سيجما للخدمات البتروليه الشغل ده مش عاجبني نهائي بس الناس كلها عماله تقولي اقبل علشان اي باب اخش منه لسكه البترول بالذات ان البلد ضايعه دلوقتي والفرص دي بتبقي قليله
نظام الشغل
* الاول هروح تدريب لمده اسبوع في الشركه في برج العرب وهروح بمعرفتي يعني لا في اتوبيس يوديني ولا يجيبني ولا هاخد فلوس ع الكلام ده
* وبعد كده هبدا الشغل ان شاء الله هنزل موقع في الصحراء
* الاجازات هشتغل 40 يوم وهريح 10
ال 10 ايام الاجازه دول مليش فيهم مرتب ( مباخدش فيهم فلوس )
* المرتب اساسي 600 ( لو اشتغلت اكتر من 10 ايام في الشهر ) + 85 لليوم .... يعني هتقف من 2000 ل 2400 جنيه في الشهر ( اقل من مرتبي في العاشر علفكره )
* الشغل هناك هشتغل 12 ساعه في اليوم
* اول شهر مفيش مرتب ببلاش
* مش هشتغل في مجالي هشتغل حاجه قريبه منه ( هلمس في مجالي من بعيد يعني )
* الشركه مصريه 100 % وخاصه
بس الميزات :
* اني هبقي شغال في شركه بترول ( الصيت ولا الغنا ) وهيتكتب ده في السي في بتاعي
* مع الوقت هاخد خبره وممكن ادخل مجالي
* البلد واقعه واي حاجه زي كده حتي لو وحشه تعتبر فرصه برضه
ها ايه رايكوا اوافق ولا ارفض ؟ انا كنت رافض بس الناس كلها عماله تضغط عليا
وياريت لو حد يعرف الشركه او يعرف حد شغال فيها يقولي ايه رايه فيها ؟