الاوبترا الاوتوماتيك بتبطل و هى ماشية ؟
دلوقتى العربية كان بيجى عليها وقت تتخنق جدا و ادوس بنزين و الار بى ام ميتحركش و احس انها اتكتفت و حركتها قلت بس الكلام ده حصل من 3 اسابيع ولا حاجة و خلاص على كده
اليومين دول بمجرد ما مؤشر البنزين يعدى الشرطة الاخيرة يعنى بيكون فيها حوالى 15 لتر الاقى العربية بتترجرج جامد و تبطل و تدور بعد تالت محاولة و تمشى شوية و ترجع تبطل تانى و بمجرد ما افول العربية الموضوع بينتهى ولا اكن فى اى حاجة
مع العلم انى لسه مغير فلتر البنزين و الهوا و منضف البوابة
امبارح كانت لسه متفولة و راحت مبطلة برضه و لما بمشى بيها بلاقى عداد الار بى ام بيعلى لوحده بيوصل ل1.5 و ينزل تانى و العربية بترجرج جامد و فيها زنة جامدة
لمبة التشيك مش منورة و بالتالى مفيش حساس فاصل ممكن يكون فى حساس بيعلق او كده و انا شاكك فى حساس الايديال او الكرنك و بفكر اغيرهم و اشوف ايه الى هيحصل
العربية اوبترا اوتو 2007