صوت طقطقه في المطبات الصغيرة والمدقات .. بصيت عالمساعدين الامامي جايب زيت ... هل ليه تصليح ولا بيتغير علي طول وبكام..
وشكراً
عرض للطباعة
صوت طقطقه في المطبات الصغيرة والمدقات .. بصيت عالمساعدين الامامي جايب زيت ... هل ليه تصليح ولا بيتغير علي طول وبكام..
وشكراً
تغيير على طول ما بيتصلحش
وحاول مطولش بية علشات ميبوظش البطاحات او يأثر على شاسية العربية
توكل على الله وهات kyb وسعر الاثنين الامامى حوالى 450 جم . هاتلاقيهم فى جسر السويس عند الملك امام بوابة فندق السلام . او عند ابراهيم البنا فى التوفيقيه
لو رايح عند الملك اسال على اسامه الملك صاحب المحل وقله انك بتعملهم عندى فى الركز هايديك خصم 30% على السعر. فهاتلاقيه واقف ارخص من ابراهيم البنا
لو الجوز الKYB ب450 يبقى المونرو احسن
نفس السعر و اداء اعلى و ضمان سنة
MMamdouh
غيرهم احسن يا باشا المساعد عموما مالوش تصليح
محمد بيك ممدوح . سمعت ناس كتير بتشكر فيك .وبجد نفسى اتعرف عليك.
شوف وقت فاضى وخلينا نتقابل بره او تنورنى فى مركزى . فى ميزان حسناتك اللى بتعمله للاعضاء .
اما بخصوص موضوع المساعدين . فامنرو انا سامع شكر فيها بس مش كثير . وعن تجارب كثيره انا ماشفتش زى kyb اليبانى . هو التايوانى بتاعها وحش جدا علشان كده طالع عنها اشاعات .
المنرو ناشفه جدا. وبتحسسك بكل رملايه فى الشارع جوه العربيه . لكن kyb الحلو فيها انها الناشفه الناعمه. يعنى بتستحمل زى المنرو . وبتديك عمر وفى نفس الوقت ادائها انعم. انا بقول رأيى . مع كل احترامى لرأى حضرتك ممكن تكون انت الصح . انا عن نفسى مساعدين عربيتى الاصلى لحد دلوقتى الحمدلله ولسه ماشترتش مساعدين لحد دلوقتى . انا بتكلم بمقايس تجارب سيارات عملائى واحصائيات الشكر والشكاوى من العفشه
اشكرك على دعوتك الكريمة...
انا مركب الKYB فى عربية الوالد و المونرو فى عربيتى... المونرو انشف من الKYB و الاتنين انشف من الاصلى
الKYB عملوا حوالى 70 الف كيلو فى عربية الوالد و حاليا بقوا خفاف جدا و عايزين يتغيروا... مش وحش 70 الف كيلو على طقم مساعدين فى مصر
المونرو مقدرش احكم على عمرهم الافتراضى لانى لبست مطب بوظلى مساعد امامى فا جبت طقم امامى جديد مع طقم خلفى غاز على زيت (انا كنت مركب زيت فقط) و دة كان بعد حوالى 30 الف كيلو استخدام فقط فا لحد دلوقتى مجبتش اخر الطقم المونرو
المونرو مش ناشف للدرجة دى... اللى ناشف بالوصف دة الكونى انما المونرو فى النهاية مساعد عادى مش سبور
MMamdouh