انا كنت حشترى المكونات من الصين(حعمل اوردر باللى انا عاوزه وكنت بفكر لو نجحت اطور الموضوع على المستوى التجارى)
منتدى القريه الاليكترونيه فى شاب مصرى منفذ المشروع وناقل جميع خبراته
الشطر الاخير المنظومه 1كيلو تتكلف6 الاف جنيه المنظومه 5 كيلو لتشغيل منزل بكامل اجهزته تتكلف 5*6=30 الف
على فكره الموضوع شقين الشق الاخر ازاى نستبدل اجهزه المنزل باجهزه تستخدم واط اقل عشان نوصل لاعلى كفائه مثل اللمبه الموفره 25 واط واللمبه الليدات 5 واط فرق التوفير يزيد عدد ساعات التشغيل وهكذا فى جميع الاجهزه قدر المستطاع
تشغيل اضائه ممكن تبقى البدايه لاكن تظل التكلفه هى الفيصل
يعنى مع استخدام لمبات ليدات 20*5=100 واط لعشرين لمبه يضيئو اى شقه ومروحه 100 واط ممكن نستخدم سيستم 300-500 واط للمجموعه
اما التوليد عن طريق الرياح يظبط الكلام على الطرق السريعه او اماكن هوائيه على البحر(صعب استخدامه فوق البيوت حيكون غير عملى)
عموما لك ان تتخيل ان متر مربع من الشمس يولد طلقه صافيه 1كيلو واط كل ساعه ولاكن افضل التكنولوجيات للخلايا الشمسيه بتستخرج 17%من الطاقه دى فقط
فى منظومه تانيه امريكا عاملها(هما طبعا بيحضرو كل استعدادتهم عشان لما البترول يخلص يظلو اسياد العالم)
المنظومه دى20ميجا واط عباره عن مرايا عملاقه على شكل نصف ماسوره وفى بؤرتها مواسير بها زيت يغلى عند700 يدخل على منظومه تبادل حرارى غلايات تشغل التوربينات وتولد الحراره ولاكن واجهتهم فى الاول مشكله الاوف لاين(الليل او غائم بدون شمس) ولاد اللذينه حطو مع الزيت ملح جلوبال خلى الزيت يحتفظ بحرارته اكثر من 24 ساعه يعنى المحطه شغاله متواصل ليل بنهار حتى لو الشمس ضعيفه وقدرو يهربو من محطات البطاريات المكلفه وفى نظرى ده افضل استخدام للطاقه الشمسيه بس ده عايز اراده دوله مش اشخاص