برجاء المساعدة - انواع الجبس بورد ( gypsum board ) الموجدة فى السوق ؟

[mmtronic]

الاخوة الافاضل

انا بشطب شقتى و من ضمن التشطيبات حعمل اجزاء من السقف جبس بورد ( gypsum board )

بس كنت عايز اعرف ايه انواع الواح الجبس بورد الى موجودة فى السوق علشان ميضحكش عليا

انا قريت ان فيه 3 انواع ( عادى - مقاوم للحريق - مقاوم للرطوبة و الحريق ) بس كنت عايز تفاصيل اكتر لو تكرمتم

يعنى مثلا فية ايطالى ... المانى .... صينى ... lمصرى .... الخ ؟؟؟ و اى تفاصيل عن التركيب و سعر المتر

شكرا مقدما

[wallace]

بص هو سعر المتر بيختلف من واحد للتاني

لكن الخامات المشهورة هي السعودي والايطالي (البلاكو) والتركي ,والمعتمد هنا هو الكنوف

بص هو المفروض لما تيجي تشتغل بتشتغل بالأبيض عادي (جبسون بورد ابيض) ,لكن لما يكون المكان هيخص مكان فيه رطوبة زي المطبخ او الحمام لازم تعملة اخضر عشان فيه طبقة عازلة للرطوبة

اغلب الناس الي بتشتغل فيه بيبقا توريد وتركيب وبيقولك سعرة كذا ,لكن نصيحتي ليك اسئل كتيييييير عشان ميتضحكش عليك ولا في السعر ولا في الشغل نفسة

[mmtronic]

بص هو سعر المتر بيختلف من واحد للتاني

لكن الخامات المشهورة هي السعودي والايطالي (البلاكو) والتركي ,والمعتمد هنا هو الكنوف

بص هو المفروض لما تيجي تشتغل بتشتغل بالأبيض عادي (جبسون بورد ابيض) ,لكن لما يكون المكان هيخص مكان فيه رطوبة زي المطبخ او الحمام لازم تعملة اخضر عشان فيه طبقة عازلة للرطوبة

اغلب الناس الي بتشتغل فيه بيبقا توريد وتركيب وبيقولك سعرة كذا ,لكن نصيحتي ليك اسئل كتيييييير عشان ميتضحكش عليك ولا في السعر ولا في الشغل نفسة

شاكر ليك جدا اهتمامك و ردك ... ربنا يكرمك

يعنى افهم من كدة ان الاعلى فى الجودة الايطالى ؟

و هل تعرف شركات محترمة تورد و تركب و الفينش بتعها كويس ؟

[A.Saad]

خليك فى الكناوف فقط

[mmtronic]

خليك فى الكناوف فقط

شكرا جزيلا ليك

انا دورت على النت و عرفت ان الكناوف دة المانى ... كدة عرفنا انهى نوع نطلبه

فاضل نعرف اى شركة ليها سمعه كويسة فى الاسعار و الفينيش