كل سنه وانتم طيبين ...
معلش اتأخرت الاجابات ... بس ان شاء الله ها تتحط :pffft:
عرض للطباعة
اسف جدا على تاخرى على الرد على التساؤلات، بس المهم انا رجعتلكم تانى اهو،
نتكلم على مسمار السنترك، المسمار اللى هو ماسك امقص الخلفى ، والخاص بالزوايا الخلفيه، وهو مسمار هام جدا حيث انه هو المسؤول كليا عن الزوايا بالعجلتين الخلفيين،
السلام عليكم
لاحظت وانا على سرعة عاليه مش اوى يعنى كنت تقريبا على 80 كم ودوست فرامل برجه خفيفه فى الدواسه ؟
وكان العفشجي قالى ع الموضوع ده بس انا مكنتش بلاحظه
يا ترى هوا شاف ايه خلاه يقولى كده لوحده ؟
مع العلم انى على وشك تغيير تيل الفرامل الامامى ؟
ومعلش فكرونى بافضل نوع تيل فرامل للفيرنا ؟
وهو الخلفي بيتغير كل اد ايه وايه علامات تغييره من فضلكم ؟
متابع حضراتكم
وشكرا جزيلا
بشمهندس يا عاصم. يابنى سيبك من الاوناش وتعالى على المركز عندى.
بس فيه احتمال اخر للطنابير وهة استعمال تيل فرامل الشوائب فيه عاليه. زى مثلا الجولد. ده سبب انه يحصل ريجه فى الطنبوره.
المهم. لو الريجه خفيفه امسح الطنابير عادى
لو جامده غير واوعى تمسح . علشان الطنابير الاماميه فى الكورى ضعيفه جدا. ومسحها يسبب تآكل جزء كبير من سمكها. وهو رقيقه . فمع اول مطب صناعى قوى او بلاعه تتكسر .
سؤال هام ..
بمناسبه الصيف ..
1- ايه سبب ارتفاع امبير الحراره مع السرعات وبعد ال 100 كلم بالتحديد.
2- ايه سبب نقص المياه في الريدياتير.
3- ايه سبب ارتفاع امبير الحراره مع التكييف فقط .
ما هو الحل بالتفصيل الممل ..
وهل يجب تغيير خراطيم مثلا ؟؟ مع تسليك الريدياتير وشجره المياه السفليه
مع الاسعار لو امكن ...
نرجو الاجابه سريعا:tumb:
سيدى الفاضل. مع انى عارف ومتاكد انك عارف الاجابه جدا علشان احنا بنتعلم منك . بس يالا يمكن الناس تستفيد.
بخصوص مياه الصيف. فيه طريقه تعرف بيها الريداتير محتاج تسليك ولا لا.
حضرتك عند 2 خرطوم مياه بالريداتر. علوى وسفلى . العلوى هو الخاص بدخول المياه من الموتور والسفلى الى الموتور.
حضرتك هاتحط ايدك على الريداتير من اعلى . ناحية الخرطوم العلوى هاتكون سخنه والمفروض ناحية السفلى تكون اقل حراره بكثير حيث ان دورة المياة بردت قبل الدخول رجعا للموتور.
ه اولا. انا عن موضوع السخونيه مع الجرى او التكييف. فده ليها 50 احتمال. طلمبة المياه ضعيفه بالتقليب.
حساس الحراره
كوعة المياه
وتسريب الفيرنا بالذات لازم مراجعته بالعين . علشان مافيش حاجه متكررة التسريب فى الفيرنا اكثر من الكوليهات اللى فى الخراطيم لما بتكون مش رباط. نصيحه تخلوها من اللى بتتربط بمفك . والواحد تقريبا بحنيه ونصف . والعربيه بتحتاج 4 كوليهات حجم كبير و 4 وسط و 2 صغير وبس.
اه نسيت الاسعار.
3 خراطيم المياه مس هايتعدوا 150 جم ده احسن نوع
كوعة المياه الجزئين اصلى 210 جم توكيل . واصلى هندسيه 185 تقريبا
ومصنعية تسليك الريداتير اخرها 60 جم. ده احسن حد بتاع ريداتير هياخد المبلغ ده
جزاكم الله خير ..
دي معلومات لا تقدر ب ثمن ..:praying:
المعلومات دي قيمه جدااا وانا هنا با اعمل انديكسينج للمعلومات .. كامله سؤال واجابه ..:tumb:
ويجعله في ميزان حسناتك ...
ندخل في الموضوع ..
سؤال هام خاص بالعفشه واجزاء الرفع والتوجيه ..
رقم 1-
ما سبب تلف بليه العجل الامامي ..
رقم -2
ماسبب تلف بليه العجل الخلفي ..
اعراضها وقطع غيارها المطلوبه للتغيير
هل البليه فقط ..ام البليه والسوره والشمعدان ف حاله ( حدف السياره ناحيه اتجاه معين ) ..ويتم كبسهم مره اخري
:tumb:
اخ عاصم مفيش غيرك هيفيدنى عشان انا زهقت بصراحة
الفيرنا مجربها خمس سنين وعارف اللى فيها - بس الجيران فى قسم لوجان واصحابى بينصحونى بيها عشان اوسع وشنطة اكبر وصاج انشف و اثبت ( جنط 15 ) وقعدتها مريحة ونضيفة من جوه واوبشنز اكتر
بس انا عارف ان قطع غيارها مش موجودة غير فالتوكيل ومش متأكد من انها موجودة باستمرار وسمعت عن عيوب فنية فيها زى مؤشر الحرارة والبوابة والكلاكس بيبوظو بسرعة و تزييق فالعفشة و سخونة عند الدواسات معرفش دى عيوب منتشرة ولا فردية ده غير ان سحبها وتكيفها اضعف مالفيرنا
ميعاد الشروة قرب ولسه مقرقرتش - ماهو الحل؟
الساده الافاضل بعد صباح الخير ,,,,,
اولا , بخصوص بلية العجل , هانقسمها جزئين ,,,,
البليه الأماميه ,
بليه واحده كبيره فى كل اتجاه , بتركب جوه الشمعدان وبتركب بدون مكبس اى عند خراط , الا لو مشيت عليها تالفه شويه ومسكت جوه الظرف الخاص بها, واسباب تلفها اما الصموله الخاصه بالكوبلن تتفك , او عمرها الافتراضى ,
واعراض تلفها صوت خشونه يظهر من العجله , وعلشان تتأكد ترفع العربيه من الأمام وتلف العجل جامد وتسمع , لو الصوت موجود تغير الطقم الأمامى كامل , مش ناحيه واحده, واحسن نوع ليها skf الاصلى , بس سعره غالى شويتين بس معمر جدا,
البلى الخلفى :
بليتين فى كل اتجاه , (واحده كبيره وواحده صغيره) وبتركب فى الصره الخاصه بالعجل الخلفى , واعراض تلفها نفس الأعراض بتاعة البلى الأمامى .,
وسبب التلف هى قلة التشحيم جيدا, وبرضوا نفس طريقة التاكد من التلف رفع العجل وسماع الصوت ,
اما فى حالة اهمال الصوت الى ان تثبت البليه عن الدوران (البلى يقفش على رأى الميكانيكيه) هو ده اللى بيقصر من عمر الصرر ,,,,
والبلى سواء الأمامى او الخلفى لا علاقه له بالزوايا ,
السلام عليكم ورحمة الله
الفتيس فى المارشدير حركة الايد مظبوطه واعتقد الرجل لان عصاية الفتيس مغيرتش حركتها
السؤال هنا بقا
سمعت صوت حشرجه والنقل تمت عادى من غير ما اعدل وضع الايدي او الرجل ؟
ايه السبب او الحل ؟
انا اسف من سذاجه السؤال ؟
لانى اخشي تكرار الحركة دى وتلف الفتيس لا قدر الله ؟
وشكرا جزيلا
بتقارن بين اللوجان والفيرنا زي مثلا ( طبق الكشري ابو دقه ابو 7.50 جنيه)
و سيرفيس فواكه البحر ابو 500 جنيه
فا طبعا مقارنه غير عادله بالمره ..
ده ليه ناسه .. وده ليه ناسه:argue1:
الحمد لله الفيرنا معايا من 2008 اوتو وزي الفل وتمام التمام لاني تأقلمت معاها وعرفت اتعامل معاها .
فا لاقيت قطع غيار متوفره وصيانه سهله وحنينه .. وكووووول الناس بيشتغلو فيها ومعروفه ..
غيرتلها بس ( جنط 15 ) مقاس 195*50*15 .. اداني ثبات ممتاز وشكل جيد ..
وتعايشت مع سلبياتها وتأقلمت عليها .. والحمد لله مريحاني ووالحمد لله ما شوفتش فيها عيوب مكلفه ومدمره ( موتور -فتيس-عفشه )
ده كل كلامي عن الفيرنا وما اعرفش اللوجن لاني سقتها مره واحده اتعقدت ف حياتي:B4_237: وحلفت مش ها سوق غير عربيتي تاني
ويجعله عامر ..
اصلا فالفترة عقبال مرديت عليا انا كنت خلاص خدت القرار المصيرى الخطير وهجيب خلاص فيرنا
بس انت لفت نظرى لنقطة مهمة اوى - انا دلوقتى هجيبها مانيوال فول اوبشن بينزل معاها جنط 13 - هل ينفع اركبلها 14 او 15 ؟؟؟ ولو ينفع اجبلها الكورى بتاع التوكيل ولا اجيب ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟
طيب سمعت الجنط كل ميكبر سمك الكاوتش بيقل وده بيزود الاحساس بكل زلطة فالطريق
حسيت بفرق كبير لما غيرت؟
هاقلك الحقيقه المره (( عن تجربتي الشخصيه ))
جنط 14 مميزاته انه اللي رقص علي السلم بين جنط 13 وجنط 15 في الفيرنا ...
ازاي ..
مميزات جنط 13
جنط 13 حجم الحديد اللي راكب فيه الكاوتش قليل وحجم الكاوتش المنفوخ كتير
جنط 13 مرييييح جداااا وبيخلي العربيه بطه ف المشي
جنط 13 مش ها تسمع صوت زلط طوب دابش حصو خالص ..
جنط 13 عمره اطول بكتييير ومش بينصاب تقريبا ب ( بلالين ) "كانسر" الكاوتش وقاتل الكاوتش
عيوب جنط 13
شكله مش ولا بد وكمان نقشاته قليله ف الاسبور ( النقشات الحلوه )
(( ثبات ضايع )) مع الفيرنا بالزات
****
مميزات جنط 15
حجم الحديد اللي راكب فيه الكاوتش ( قطره يعني كبير ) وحجم الكاوتش المنفوخ قليل
(( ثبات ممتاز )) وفرامل احسن علي الطريق
اشكال الجنوط الاسبور حلوه ومتعدد فيه
عيوب جنط 15
لو زلطه حجم الفوله ها تحس بيها
ناشف شويه وعاوز سواق من نوع معين يحافظ عليه
(( عمره قصير )) لانه دائم الاصابه ب ( كانسر ) الكاوتش .. اللي هوا البلالين
ال 14 فوق طبعا اللي رقص علي السلم .. بين البنين
((((((((((((( عن خبرات شخصيه فرديه وليست علميه وممكن تختلف من حد للتاني )))))))))))