( اسأل استشير ) عاوزين نعرف عاوزين نتعلم

**hamada6050** · 31-03-2014 11:49 AM

المشاركة الأصلية كتبت بواسطة moe gawad

شجرة البنزين اعراضها ، زيادة استهلاك البنزين الغير طبيعيه، ورائحة بنزين عاليه جدا داخل السياره اثناء السير ،
وتغيير شجرة البنزين يوجد منها فى السوق طريقتين للشراء
1. اما شراء ماسورة البنزين فقط من داخل الشجره الكامله، وهى المشكله دائما منها ، وسعرها 220 جم ، ومش هاتلاقوها غير عند نافع شارع دمشق او ابراهيم البنا فى التوفيقيه ، والاثنين بنفس السعر ،
وممكن تلاقوها عند سامح بشرى بشارع شبرا بس مش دائمة التواجد هناك
2. شراء الشجره بكافة المواسير كامله، وديه موجوده فى كل محلات قطع الغيار ، وثمنها يتراوح بين 290 و 325 باختلاف المحلات ،

ومافيش منها حاجه اسمها اصلى وكورى والالش ده، علشان فيه اشتغالات كتير فى موضوع الشجره، كلها مصرى ، فلا تترك احد يكذب لمجرد البيع بسعر مرتفع ، كله واحد، زى مثلا الخرطوم الدائم المشاكل الخاص بعلبة الباور، برده نفس الكلام ، فيه واحد يقولك انا عندى الاصلى اللى مش بيبوظ بسعر 100جم ، قوله لا شكرا انا عاوز ابو 40 جم ، حتى لو مضروب ، لانى كلهم استيراد غبور ، مافيش منهم مضروب واصلى ، غير طبعا الخراطيم اللى بالمتر المصنعه تحت السلم ، انا بتكلم على الخرطوم نفسه ومغلف فى كيس بلاستيك ومطبوع عليه علامة هيونداى ،
لواحد فى السوق شاف بلاوى والله يا عاصم،
فيه واحد كل لما عميل يروحله عنده مشكله بسيطه جدا تتعلق مثلا بتغيير زيت فتيس ولا حساس من الحساسات ولا اى حاجه فى الفتيس، يقولو غير فتيس كامل وريح دماغك، حسسنى انى الفتيس ثمنه 50 جم مثلا ، وده كله لمجرد انه متعاقد مع شخص فى بيع الفتايس وبياخد منه نسبه عاليه غير طبعا المصنعيه 350 جم فى تركيب الفتيس،
ده غير الصنايعى اللى عنده كل لما حد يدخولو يقولو الماكينه خفيفه وعاوزه طقم شمبر ،
سائق تاكسى معاه لانوس وهو كان ضابط بالقوات المسلحه وعلى المعاش وعربيته مافيهاش غاز ، اسمه الحاج احمد ، وده عميلى ، من حوالى 7 شهور اتكسر عنده طبق من الاطباق فى وش السلندر ، راح جرى على النجم بيقولو الحقنى عربيتى عامله 60 الف كيلو بي مع انها موديل 2007 واتكسر منها كستبان، قالو هانفتح ونغير الطقم،
ولبسو الراجل بعد الفتح فى طقم شمبر ، وخدو منه 1000 جم مصنعية عمره كامله ، بحجة انهم طالما فتحو الوش لازم يعملو شمبر ، وده كلام الصنايعى اللى عنده،
اقسم بالله العظيم بعد ال 8 شهور الراجل معملش غير 10 الاف كيلو، والعربيه جابت زيت على البوجيهات و جوه البوابه ، بسبب نوعية الشمبر اللى مش مضبوط مع بستم السياره، وطبعا الحجه انى صاحب العربيه هو اللى شاريه ، طيب وهما ركبوه ليه، مطالبوش تغييره ليه ، وطبعا عدى 8 اشهر يعنى الضمان راح عليه ، لا حول ولا قوة الا بالله وحده، والله العظيم لما شوفت كده انا دمعت على عدم الضمير الموجود
معلش انى صدعتكم بس انا فعلا صعبان عليا الراجل ده ، ونفسى اساعده باى طريقه ، لدرجة انى عرضت عليه انى اعمله العمره بدون مصنعيات ، بس هو رافض الموضوع

المعاش

كلامك صح وعلى يدى ى ى ى ى

**verna2008auto** · 31-03-2014 12:08 PM

سؤال هام جداااا

عاوزين نعرف يعني ايه موتور عاوز يتعمر .. ويعني ايه نص عمره ..
وايه هيا اعراض عمره الموتور ..
وياريت نعرف الاسماء كمان الاشياء المطلوب تغييرها في العمره
والتكلفه التقريبه

**verna2008auto** · 01-04-2014 11:51 AM

المشاركة الأصلية كتبت بواسطة verna2008auto

سؤال هام جداااا

عاوزين نعرف يعني ايه موتور عاوز يتعمر .. ويعني ايه نص عمره ..

وايه هيا اعراض عمره الموتور ..
وياريت نعرف الاسماء كمان الاشياء المطلوب تغييرها في العمره
والتكلفه التقريبه

[gdwl]متابع[/gdwl]

**wael6** · 01-04-2014 03:29 PM

السلام عليكم
فيرنا 1600 مانيوال غاز

1- فى مياه موجوده عندى فى داخل الشنطه من الجانبين ؟ يا ترى دى من ايه ؟ ( وده بلاقيه بعد الغسيل فى المشحمه علما بانى عامل كارتيرات فى الخلف ؟

2- سالت فى كار جاس على فيسكو 2000 وكان مغلف من الخارج ببلاستيك ومكتوب عليه معبا فى الامارات سعره 101 ج وبيقعد 5000 كم وال 3000 ب 125ج بيقعد 7000 كم ؟
طبعا غلى لانه فيسكو 2000 كان ب 57ج وال 3000 ب 97 ج

3- وانا ماشي فى صوت خرفشه فى الزجاج وصت تكتكته فى الصالون ؟ ده من عيوب التقفيل المصري ؟طب يتحل ازاى من فضلكم؟

متابع للاهميه
وشكرا جزيلا

**moe gawad** · 01-04-2014 10:51 PM

المشاركة الأصلية كتبت بواسطة verna2008auto

[gdwl]متابع[/gdwl]

يا عاصم بيك .اسف على التاخير فى الرد. بس مسحول والله بالشغل .
المهم . موضوع النصف عمره ديه لفظ بيطلقه ميكانيكية الرصيف على طقم الشمبر فقط. الى من اعراضه نقصان فى زيت الحرك بسبب انى الزيت عدى من اول مجرى فى البستم بسبب تاكل طقم الشمبر او وجود خلل اخؤ مثل عتب بالشميز اى شرخ فى البستم نفسه .
اما العمره الكامله وهى خرط الكرنك نفسه مع تغيير السبيكه . وده اعراضه . عزم ضعيف . صوت تكسير فى الماكينه نفسها.اللى هو ظى مابيقولو ترزيع .

**moe gawad** · 01-04-2014 10:56 PM

المشاركة الأصلية كتبت بواسطة wael6

السلام عليكم
فيرنا 1600 مانيوال غاز

1- فى مياه موجوده عندى فى داخل الشنطه من الجانبين ؟ يا ترى دى من ايه ؟ ( وده بلاقيه بعد الغسيل فى المشحمه علما بانى عامل كارتيرات فى الخلف ؟

2- سالت فى كار جاس على فيسكو 2000 وكان مغلف من الخارج ببلاستيك ومكتوب عليه معبا فى الامارات سعره 101 ج وبيقعد 5000 كم وال 3000 ب 125ج بيقعد 7000 كم ؟
طبعا غلى لانه فيسكو 2000 كان ب 57ج وال 3000 ب 97 ج

3- وانا ماشي فى صوت خرفشه فى الزجاج وصت تكتكته فى الصالون ؟ ده من عيوب التقفيل المصري ؟طب يتحل ازاى من فضلكم؟

متابع للاهميه
وشكرا جزيلا

موضوع المياه ده لازم ترجع للسمكرى يسدلك الهوايات الجانبيه بالشنطه. وديه هوايات بلاستيك فى جانبى الشنطه تحت الفرش .
وموضع اصوات الزجاج . هل الاصوات ديه جديده ولا قديمه . ولو جديده خلى السمكرى يربط على مسامير المقصلات ويتاكد من تقفيل الفرش جيدا. ولو قديم روحعلى واحد بتاع ابواب خليه يشوفلك اى حل ليه

**verna2008auto** · 02-04-2014 08:31 AM

سؤال هام جدااا ( تابع سؤال عمره الموتور )
1- يعني ايه سبيكه اصلا ويعني ايه خرطها
2- مش الخرط ده يعني احنا بنشيل جزء منها عشان يكون متساوي
طيب ف حاله العمره الكامله للموتور .. بيرجع العزم زي ما كان .. واله النص مثلا
طيب عمل العمره الكامله دي بيتطلب ( فك كامل الموتور من العربيه ) واله اجزاء فقط

**moe gawad** · 02-04-2014 11:25 AM

1. السبيكه هى الجزء الانتيمونيا الموجود باخر البيل اللى راكب فى البستم ، وهى الجزء الخاص بتوصيل حركة البستم مع الكرنك ، ديه السبيكه بكل بساطه ، والسبيكه ديه لما بيحصل فيها مشكله بتتغير مش بتتخرط، وسعرها بيتراوح بين 200 و 300 جم على حسب المقاس،
اما اللى بيتخرط فهو عمود الكرنك نفسه وهو العمود اللى موجود اسفل الموتور وبتتلف حواليه السبيه ، وطبعا لو اتخرط يعن اتمسح منه جزء علشان يصبح متساوى زى مابتقول ، بيكون محتاج سبيكه اضيق ، علشان تكون محكمه عليه ،

2. فى حالة العمره الكامله ولو لم يتم خرط الكرنك لاكثر من 020 هايفضل العزم كويس ، وبعد المقاس ده شراء كرنك جديد هايكون افضل ،
3.و فى جميع حالات العمره يجب فك الموتور بالكامل خارج السياره مع التاكيد بانه تم الغسيل بالبنزين جيدا ، حيث ان مجرد حباية تراب بين البستم و الشميز تخليك تعيد العمره كامله الله واكبر ، وربنا يبعد عنكم كلكم شر العمره ،
ووظيفة مركز الصيانه فى العمره فقط هى الفك والغسيل والتقفيل ، هى مش سهله صحيح و بتاخد وقت طويل ، ولكن الضبط كله بيكون من خراط الماكينات ، ودهالسر بالكامل ،

**mohmmedzohier** · 02-04-2014 01:13 PM

المشاركة الأصلية كتبت بواسطة moe gawad

قلب طلمبة البنزين الخاص بالفيرنا ده فيه عيب بشع . انه بيبوظ كتير .
وده عيب فى موضوع القلب نفسه.والفتره اللى فاتت اكتشف حل للموضوع بيخلى عمره يطول كتيييييييير والحمد لله . بس مش هاقوله الا بعد التجربه اكثر من مره . انا حطيتو فى عربيه ولحد دلوقتى قياس البار زى ماهو الحمد لله منذ اكثر من شهران كاملان ولفتره حوالى 20 الف كيلو ، علشان هى تاكسى فيرنا ، والحل باستعمال قلب طلمبه اصلى بس يخص نوعيه سياره اخرى،
اعراض قلب الطلمبه هى ،
1. رعشه فى السياره اثناء الدواره صباحا لمدة ثوانى قليله ، وتضبط السياره نفسها دون الحاجه الى كبس بدال البنزين
2. خنقه فى السحب اثناء السرعات العاليه

ويجب مع تغيير قلب الطلمبه تغيير فلتر البنزين

هل بالضروره العرضين دول يكونوا مع بعض لانى عندى رعشه اثناء الدواراه صباحا على فترات مش منتظمه لكن لا يوجد خنقه فى السحب
كذا شخص قالى ماتور طلمبه مع انى قيستها اكتر من مره وبتكون كويسه

ارجو الافاده

**moe gawad** · 02-04-2014 05:40 PM

لازم حضرتك تكشف الاول حيث ان الرعشه متشابهه بين قلب الطلمبه وبين حساس الشكمان
اعراض حساس الشكمان

1. زيادة استهلاك البنزين بصوره غير طبيعيه ، 6 كيلو فى اللتر مثلا
2. الرعشه صباحا تصحبها دخنه سوداء من الشكمان ، عادم اسود

فاتاكد الاول هل هى من الحساس ام من الطلمبه

الموضوع: ( اسأل استشير ) عاوزين نعرف عاوزين نتعلم

LinkBack

أدوات الموضوع

عرض

سؤال عن يعني ايه موتور عاوز يتعمر -

-

-

-

المواضيع المتشابهه

عاوزين نعرف ؟؟؟؟؟؟؟؟؟؟؟؟؟؟

بعد اللى حصل معايا ومع غيرى فى التوكيل عاوزين نعرف أسعار صيانات مركز عصام وصفا

عاوزين نعرف رأيك !!!!!!!!!!!!

عاوزين نعرف اقدم اوبترا فى المنتدى

عاوزين نعرف الاسعار

الكلمات الدلالية لهذا الموضوع

المفضلات

المفضلات

ضوابط المشاركة