الموضوع: ( اسأل استشير ) عاوزين نعرف عاوزين نتعلم

عرض تلف المساعدين ، اولا المساعد الناشف ، اللى بيعمل دبه مع المطبات،
ثانيا المساعد الخفيف يخليك حاسس بكل حاجه تحت العربيه ، حتى لو رمله
ثالثا المساعد بيكون فيه زيت من بره، يعنى ضارب زيت زى مابيقوله،
السوست فى الفيرنا او فى العربيات عموما مابتتغيرش غير لقدر الله انها اتكسرت، علشان الحمل كله بيكون على المساعد،

المشاركة الأصلية كتبت بواسطة verna2008auto

جوان التكيهات ايه اعراضه .. وهلي في الفيرنا الجوان ده ..
وهل بردو ليه اثر سلبي علي سحب العربيه ..
وايه اسباب تلفه

جوان غطاء التاكيهات ده الجوان الموجود تحت الغطاء الفيبر اللى حوالين البوجيهات فى العربيه الفيرنا، وفيه منه نوعين للعربيات،
نوع من موديل 2004 وحتى 2009 ، اللى اماكن المسامير فيه دائره كامله مغلقه
ونوع من موديل 2010 وحتى 2014 اللى الدائره مفتوحه

و يجب تغييره للنوع الاصلى حتى نمنع تعريق الزيت ويعطى العمر الطويل دون مشاكل، وسعره يتراوح بين 50 جم و 70 جم ، ده الاصلى ،
ويجب وضع سليكون بكميات محدوده جدا علشان يكون محكوم مع التركيب ،

ومن اعراضه هى ظهور تعريق زيت حوالين الموتور من الاعلى ، ودخولها للبوجيهات والتى تسبب برجلة السياره لعدم قدرة البوجيه للعمل بصوره جيده بسبب تعريق الزيت ،
ومصنعية تغييره كحد اقصى بالنسبه لمراكز الصيانه الموجود بها مهندسين 35 جم،

واسف على التأخر فى الردود لاسباب خارجه عن ايرادتى ، بس انا معاكم اهه

اولا الجزء المربع متعارف عليه بمربع الشاسيه، وهو الجزء الكبير الحامل لجميع اجزاء العفشه الاماميه ويوجد مربع شاسيه اخر للخلفى،
اما عن مسامير الميزان او المتعارف عليها بتيش الميزان فهى عباره عن المسمار المخصص لمسك المقص الامامى ، ويوجد به جلبتان او كما هو متعارف عليها بكلمة بيض، ، يعنى فيه بيضه فى اول المسمار وبيضه فى اخر المسمار، وتقدر تعرف انه تلف بكل سهوله بانك تحاول تحرك المسمار بايدك يمين وشمال، ولو جاب حركه باليد هايكون فيه بوش ومحتاج للتغيير،
وطبعا ده مش بيحصل بصفه دوريه ، ولكن كل فتره وهو بيتلف بسبب المطبات الموجوده فى البلد،
اما عن جلب وبيض المقصات ، فنصيحه لا تقوم بتغيير الجلب ، يتم تغيير المقص كاملا احسن بكتييييرررر، وبيعيش اكثر بكثيير احسن من انك تجيب جلب وتودى المقص عند خراط علشان يكبس الجلب بالعافيه ،

المهم انا كنت وعدتك اننا اكتشفنا حل لمشكلة قلب طلمبة البنزين ، والحمد لله احنا فعلا جربناها فى 50 عربيه والموضوع كويس اوى و ناجح جدا، وبقاله 4 اشهر وضغت الطلمبه لم يقل 1 بار حتى والحمدلله،
مما لا يعرفه كثير من الافاضل الذين يقومو بالتعامل مع السيارات ، ان قلب طلمبة البنزين ثابت فى كل السيارات التى تعمل فيها الطلمبه عن طريق الكهرباء، يعنى بتاعة اللانسر زى بتاعة الفيرنا زى بتاعة الفرارى فاهمنى ،
والمشكله فى قلب الطلمبه الخاص بهيونداى فى الجزء العلوى الخاص بعدم رجوع البنزين من الرشاشات االى التنك الخلفى عن تبطيل السياره، وهو الجزء الدائم التلف ، ومنه ياتى الرعشه الخفيفه صباحا عند بداية الدوران صباحا، ومنه ايضا يتلف ضغط باقى الطلمبه بسبب استهلاكها دائما لضخ البنزين من التنك للرشاشات ، فتم حل المشكله الاتيه بنفس سعر الطلمبه الخاصه بالسياره الفيرنا ، بل بارخص شويه كمان ،
كل شخص عنده المشكله ممكن يبعتلى على الخاص وانا هاقوله يغير القلب بنوع قلب طلمبه ايه ، والموضوع ده عن تجربه شخصيه مع سيارة الصنايعيه الانوس،
ومع سيارتى الجديده البورا 2005 اللى بيقولو عليا مش راكبها، بس انا اشتريتها من اخويا الكبير ، وهو بيدور على اوكتافيا فانتازيا لو حد عنده حاجه ياريت،
المهم سالت على طلمبة البنزين بتاعتى لقيتها ب 700 جم،
فكيت الوش الخاص بالطلمبه عندى ، وفورته خالص ، وركبت القلب وقفلته تانى بدون اى قطع او كسر والحمدلله ، والموضوع كلفنى 150 جم بالاجمالى ،
المهم انى جاتلى بعدها اسبيكترا بتاعة السيد المحترم محمد، وعملنا فيها نفس الموضوع، هو صحيح الموضوع بنعمله فى ساعه حوالى، بس اهون من ال700 جم اللى بيلبسوا فيهم العملاء، وقال بيقولوا عليهم مهندسين قال ،
وكمان ركبت قلب طلمبه اصلى ، ولما سالت اكتشفت انهم فى مراكز معتمده دايو بيعملو نفس الموضوع بيغيروا القلب، بس اللى يتعب نفسه ويبص بعيد عنك،
حمدا لله اننا توصلنا للحل، وانا عمرى مهابخل عن المعلومه ابدا ابدا والله، بس ارجوكم اللى محتاجها يبعتلى على الخاص علشان ممكن ناس تشوفها من على جوجل فتسئ استخدامها لاشتغال العملاء وعمل مبالغ ماليه بالنصب عليهم ، وانا اخاف اتحاسب انى مشارك فى الموضوع،
الموضوع كله يحتاج لتجربه فقط مش اكثر وهو بسيط جدا، وبقطعة غيار من احد التوكيلات الشهيره جدا ويبانيه، وبسعر 150 جم وقطعه اصلى تنهى مشكلتك للابد انشاء الله،