عربيتى اتسرقت والحرامى عاوز 25 الف !!!

**the_pirate82** · 26-03-2014 04:46 PM

اوعيييييييييييييييييييييي ييييييييييييييييييييييييي ييييييي
اوعي تبعتي حد بفلوس او تردي عليه اصلا..ده نصاب. و هياخد الفلوس ولا هتشوفي عربية ولا غيره.
صدقيني كل يوم ناس كتير منصوب عليها بنفس الطريقة..و سيبك انه واخد رقمكم من اوراق في العربية,,,ده كذاااااااااااااااب

**mahmoud_afifi** · 26-03-2014 04:46 PM

لا حول ولا قوة الا بالله.
عربية اخويا اتسرقت في رمضان في وقت الصيام وكانت كيا سيراتو برضه ونفس الي حصل مع حضرتك.
اخويا و والدي راحوا بالفلوس والحمدلله خدوا العربيه بس طبعا اتبهدلت وكل حاجه اتاخدت من العربيه من اول الكتالوج لحد الجنط السبير بالعده بكله. وكمان لمبة الايرباج كانت منوره والكونتاكت مكسور.
حضرتك هتعملي حسابك على شوية تصليحات في العربيه.
ان شاء الله خير بس ياريت تتأكدوا فعلا ان الي بيكلمكم معاه العربيه. والحرامي جاب نمرتكم من محضر السرقه على فكره مش من ورق جوه العربيه

**J A G U A R** · 26-03-2014 04:47 PM

بصى حضرتك خلى باباكى او اى حد من عندك يشوف اتنين صيع او بلطجيه ويروح معاهم حد من عندك علشان تضمنى انك هاتدفعى الفلوس وتستلمى العربيه والبلطجيه دول فاهميم بعض وبيعرفو يتعاملو مع بعض .. وربنا معاكى ويرجعهالك بالسلامه وابقى طمنينا .

**OmarEzzat93** · 26-03-2014 04:51 PM

هى العربيه اتسرقت ازاى و موديل ايه حرام و الله اللى بيحصل ده

**Shiemaa** · 26-03-2014 04:51 PM

معلش ربنا يعوض عليكي

من اللي بسمعه من كذا حد انسرقت عربيته انهم بيرجعوها ومبيعملوش حاجة في الناس طالما مشكوش ان معاهم شرطة بس بيفصلو لحد ميوصلو لاقل سعر وطبعا بترجع مكنوسة من جوه بس معلش احسن من مفيش

اقولك علي حاجة سمعت عليها عليهاعلي شارع الهرم انهم بعد مدفعو الفلوس قالوله عربيتك في المكان الفلاني المكان ده كان بعيد عن مكان العربية اصلا ب ١٠٠ متر هم بس زقوها ادام وغطوها والراجل دفع الفلوس وهي كانت ادامه ومش شايفها

**kokowasfy** · 26-03-2014 04:51 PM

نصيحة اخوية بلاش حد يروح حيتسبت و يتاخد منو كل حاجة و كمان ممكن يتاخد منو عربيتو تبقو خصرتو كل حاجة و كمان خصرتو الفلوس وعرضتو حياتكم للخطر نصيححححة ناس كتير عملو كدا وراحو عشان يدفعو الفلوس و الفلوس اتخدت منهم الحل انكم تشوفو واحد من العرب ولا واحد بلطجى يجى معاكم وقت تسليم العربية و هوة هيتعامل معاهم كويس بس نصيحة متروحوش لو حديكم

**noran mohammed** · 26-03-2014 04:53 PM

ياااااااااااااارب دعواتكم

**AGom3a** · 26-03-2014 04:53 PM

ليا صديق كل عائلته وكلاء نيابة و تمت سرقة عربية زوجته
كانت سيفيك 2000 تقريباً و فضلت مسروقه شهر
و الشرطة ولا عملت حاجه
و في الأخر حد يعرفه جابله ناس "مخلصاتية" اداهم الفلوس اللي الحرامي طلبها و راحوا و جابولوا العربية و أخدوا عراقهم
بس مش فاكر أخدو كام بالظبط ..... بس كان مبلغ مش قليل لآنهم بيطلعوا بآلي و شيروكي و عربية كمان و بيبقوا عددهم مش قليل ، عشان لو لا قدر الله حصل حاجه

الله يكون في عونك و ان شاء الله العربية ترجع بالسلامه