هل سيراتو 2014 فئة ex fo هى الانسب

الفئه دى هى الفئه التالته و من وجهة نظرى افضل فئه من حيث السعر بالمقارنه بالاوبشن و هى سعرها 162 الف الفئه دى فيها abs و مثبت و 2 ايرباج و الجنط 16 و ناس كتير تفضل 16 عن 17 عشان شواراعنا الجميله و كمان الجنط 16 بيخلى العشفه انعم من 17 و بالنسبه للفئه اللى قبلها مافهاش مثبت ولا abs و واحد ايرباج بس و جنط 15 و عامله 152 يعنى فرق 10 الاف جنيه اما الفئه اللى بعدها ففيها زياده عن الفئه التالته حساسات اماميه و خلفيه و و جنط 17 و مش فاكر ايه تانى و عامله 177 تقريبا انا عامل الموضوع ده عشان استقر على الفئه الافضل بالنسبالى

ممكن بالسعر دة تجيب خليجى افضل
وهتكون الكماليات اكتر من الوكيل

الفئه اللى بعدها هي أفضل واحده في الكماليات لو تقدر على سعرها يبقى هي بدون تردد انت مابتشتريش عربيه كل يوم

اما لو مش محتاج الأوبشنز اللى فيها او سعرها مش مناسب ليك يبقى ال 162 تمام

انا شايف ان فئه sx فتحه سقف هي افضل فئه ... في فرق كبير في جوده الخامات و التقفيل بين ex and sx ميخدش باله غير واحد دقيق الملاحظه ذي حلاتي
علي سبيل المثال:
١-افتح الباب و بص علي فرش الباب بين الاتنين وقارن ... اسمع صوت قفلت الباب ... الحجات دي حتفرق معاك جدا مع الزمن
٢- قارن خامات التاره بين الاتنين
٣- شوف النواكل و اللمسه الجماليه اللي في كل حته في sx و مش موجوده في ex و بص علي الزراير بالنوكل شكلها اذاي بين الاتنين
٤- اسمع الصوت هنا و هنا ... اربع سماعات في ex مقابل سته في sx
٥- بص هل الكبوت مبطن في الاتنين ولا لا و بص علي دهر الكنبه عند الازاز الخلفي و قارن الخامات

و خد بقي الفروقات دي و شوف تستاهل فرق السعر ولا لا
١- مفتاح بصمه و start stop button
٢- فتحه سقف
٣- فرامل خلفيه ديسكات مش درمز ذي ال ex
٤- بلوتوث و ممكن توصل ٥ موبيلات
٥- طاره flex steering بثلاثه اوضاع ( normal - sport - comfort)
٦- سنسور خلفي و سنسور امامي و زرار لايقاف عملهم
٧- فوانيس اماميه و خلفيه ليدات
٨- تاره جلد طبيعي و فتيس جلد طبيعي
٩- عدد ٦ سماعات مقابل ٤ فقط في ال ex
10- جنط ١٧ و العربيه ناعما بيه و شكله رهيب مع ثبات اكتر
١١- سنسور نور و سنسور مطر
١٢- انوار ترحيب لما تقرب من العربيه المرايات تفتح لوحدها و الاوكر تنور
١٣- انوار ليدات في المرايات الجانبيه
١٤- اوكر نيكل و نواكل في الصالون و حوالين الزجاج الجانبي
١٥- فيها abs و اتنين ايرباجز معرفش ال ex فيها كام ايرباج
١٦- فتحه تكييف خلفيه
١٧- ثلاجه في درج التابلوه

ده اللي فكره دلوقتي و انا شايف فئه sx فتحه سقف افضل فئه في السيراتو

ياباشا أكيد كل لما تعلى بالفئه هيبقى افضل بس اللي هيحكم حضرتك القدره الماديه على الفئه الاعلى يعني السعر مناسب ليك وتقدر عليه ولا لأ
ولازم تاخد بالك ان العلو بالفئه هو فيه ارتفاع برضوا في تكلفه التشغيل والصيانه يعني مثلا قطع الغيار الفوانيس العاديه ارخص من الفوانيس الليدات كتير المرايات الضم طبعاً اغلى من العاديه لو لاقدر الله أحتاجت تغيرها في يوم مشاكل الحساسات اللي ممكن تحتاج صيانات نتيجه اي اعطال تكاليف اصلاح او تغير مكنه الصن روف لو لاقدر الله حصلت في مشكله وده وارد اسعار الكاوتشات الـ 17 طبعاً أغلى من الـ 16 وقيس على كده كل حاجه بقى
يعني من الاخر الاوبشنز زي ما هي رفاهيه وشياكه ودلع هي برضوا بتترجم لفلوس طول الوقت سواء في ساعه الشراء او في مصاريف صيانه واصلاح بعد كده
عشان كده لازم حضرتك تشوف امكانياتك ايه وتقرر على اساسها بس طبعاً لو تقدر على اعلى فئه فاكيد هي احسن فئه بس لو متقدرش فأقدر اقول لك أن حتى أول فئه في السيراتو ممتازه ولو جبتها هتبقى مبسوط بيها جداً
وبالتوفيق إن شاء الله

اكيد sx جميله جدا و احسن من ex لاكن الفئه دى عامله 179 يعنى فرق 15 الف جنيه و ده كتير بالنسبالى

طبعا الفئة sx افضل وما يعادلها خليجى ب 168
بس لى سؤال ما سر تسميه المفتاح بصمه وهل له علاقه ببصمة الصباع ام انه ريموت فقط بدون مفتاح وهل يختلف عن السمارت كى

اقتباس:

---

المشاركة الأصلية كتبت بواسطة Sameh.Soliman

طبعا الفئة sx افضل وما يعادلها خليجى ب 168
بس لى سؤال ما سر تسميه المفتاح بصمه وهل له علاقه ببصمة الصباع ام انه ريموت فقط بدون مفتاح وهل يختلف عن السمارت كى

---

الخليجي اللي سعرها ١٦٨ الف خامتها مختلفه عن الوكيل فئه sx ... خامات الوكيل فئه sx افضل كتير و ممكن علي سبيل المثال تبص علي خامات فرش البيبان في الاتنين و شوف الفرق بنفسك

و السمارت كي بيتقال عليه بصمه و طبعا ملوش اي علاقه ببصمه الصباع ...
طبعا كلمه بصمه فتي البياعين و الاسم الدارج بين التجار و الاسم الصح smart key and engine start stop button

اقتباس:

---

المشاركة الأصلية كتبت بواسطة mhkorayem

ياباشا أكيد كل لما تعلى بالفئه هيبقى افضل بس اللي هيحكم حضرتك القدره الماديه على الفئه الاعلى يعني السعر مناسب ليك وتقدر عليه ولا لأ
ولازم تاخد بالك ان العلو بالفئه هو فيه ارتفاع برضوا في تكلفه التشغيل والصيانه يعني مثلا قطع الغيار الفوانيس العاديه ارخص من الفوانيس الليدات كتير المرايات الضم طبعاً اغلى من العاديه لو لاقدر الله أحتاجت تغيرها في يوم مشاكل الحساسات اللي ممكن تحتاج صيانات نتيجه اي اعطال تكاليف اصلاح او تغير مكنه الصن روف لو لاقدر الله حصلت في مشكله وده وارد اسعار الكاوتشات الـ 17 طبعاً أغلى من الـ 16 وقيس على كده كل حاجه بقى
يعني من الاخر الاوبشنز زي ما هي رفاهيه وشياكه ودلع هي برضوا بتترجم لفلوس طول الوقت سواء في ساعه الشراء او في مصاريف صيانه واصلاح بعد كده
عشان كده لازم حضرتك تشوف امكانياتك ايه وتقرر على اساسها بس طبعاً لو تقدر على اعلى فئه فاكيد هي احسن فئه بس لو متقدرش فأقدر اقول لك أن حتى أول فئه في السيراتو ممتازه ولو جبتها هتبقى مبسوط بيها جداً
وبالتوفيق إن شاء الله

---

بالنسبة لموضوع الاعطال دى فا هى ان شاء الله مش بتحصل ونادرة جدا وكمان العربية معاها ضمان 5 سنين او 100 الف كيلو يعنى هيكفيك وزيادة لو لقدر الله حصل حاجة
وممكن عشان لو لقدر الله خبطة كسرت فانوس ولا حاجة ممكن تأمن على العربية والتأمين يتكفل بالموضوع دا وانت تتحمل حاجة بسيطة مجرد 10% تقريبا من اجمالى الفاتورة

اقتباس:

---

المشاركة الأصلية كتبت بواسطة sameh.soliman

طبعا الفئة sx افضل وما يعادلها خليجى ب 168
بس لى سؤال ما سر تسميه المفتاح بصمه وهل له علاقه ببصمة الصباع ام انه ريموت فقط بدون مفتاح وهل يختلف عن السمارت كى

---

البصمة هى الاسم الدارج للزرار اللى فى اكرة الباب لكن هو ملوش دعوة ببصمة الصباع هو بس زرار تفتح وتقفل بيه العربية والمفتاح فى جيبك

والسمارت كى دا اللى هو المفتاح الذكى اللى مش بتحتاج تطلع الريموت من جيبك لقفل وفتح العربية وادارة الموتور ودا طبعا بيجى معاه البصمة وزرار تشغيل العربية من الداخل بدون مفتاح

مشكور على ردك اخوى الصراحه لم اشاهد الوكيل على الطبيعه ولكنى شفت الخليجى عند المصريه - العراقى -

طيب الفئة الاخيرة خليجى اللى ب 179 خاماتها عاملة ازاى وهل الخليجى افضل فى هذه الفئة ام الوكيل ال sx لانى بافكر فيهم جديا علما بان الخليجى بيقولوا فيها كل حاجه فى الدنيا وعندى معرض حيجيبها سعودى 100 %


طبعا الاستفاده لنا جميها و لاخونا صاحب الموضوع

اقتباس:

---

المشاركة الأصلية كتبت بواسطة yasserelsayad

بالنسبة لموضوع الاعطال دى فا هى ان شاء الله مش بتحصل ونادرة جدا وكمان العربية معاها ضمان 5 سنين او 100 الف كيلو يعنى هيكفيك وزيادة لو لقدر الله حصل حاجة
وممكن عشان لو لقدر الله خبطة كسرت فانوس ولا حاجة ممكن تأمن على العربية والتأمين يتكفل بالموضوع دا وانت تتحمل حاجة بسيطة مجرد 10% تقريبا من اجمالى الفاتورة

---

وجهة نظر تحترم جداً يا ياسر
بس أنا واحد من الناس استهلاكه للعربيه كبير يعني الضمان مش هيقعد معايا أكتر من 3 سنين ومش بحب أغير العربيه كتير يعني العربيه بتقعد معايا اكتر من كده بكتير فالفرق ده انا اللي هشيل فيه تكاليف أصلاح اي مشكله هضيف على ده اني مبحبش احط في العربيه قطع غيار مش اصليه وجو الاستيراد والشغل ده مليش فيه عشان كده لو أنا اللي بشتري لازم أحسبها صح
بخصوص التامين بقى انا مش بحبه ومش مقتنع بيه في مصر وشايفهم شويه نصابين عشان كده لاقدر الله اي حادث هيحصل انا اللي هتحمل تكاليفه عشان كده
طبعاً الحاجات دي تختلف من شخص للتاني عشان كده انا قلت له شوف امكانياتك ايه وتعامل على اساسها ولو هيقدر على أعلى فئه فطبعاً هي الافضل بلا نقاش