حسبي الله ونعم الوكيل ف التوكيل

**rabeecom** · 26-03-2014 10:51 PM

الواحد مش عارف يقول ايه بجد
ضمان وهمي ومعامله مش قادر اوصفها وحاجه صعبه جدا ..
اشريت وركبت مساعدين سيراتو 2010 من التوكيل -القطاميه رحت فورا اظبط زوايا بره الفني بتاع الزوايا (ع السريع )قالي ان العربيه عاوزه تغير مساعدين انا الصراحه افتكرته بيشتغلني ف مع اول صيانه ليه ف التوكيل قولتهم يظبطو زوايا ..
المفاجه جت لما توكيل كلمني وقالي المساعدين بايظين فعلا ومحتاجين نغيرهم دخلت لمدير الفرع الراجل مشكورا دخلني مكتبه وقفل عليا عشان الدوشه والشوشره وقالي خلاصه الكلام ملكش حاجه عندي والمساعد بايظ ولو عاوز ورقه بكده اديلك وروح حماية المستهلك واشتكي واعمل اللي انت عاوزه...شمال يمين اقصي حاجه ممكن يعملها انه لو اشريت وركبت مساعد تاني ينزلي 180جنيه من1800 وانا مش عارف ازاي شركه محترمه ليها سمعتها تعمل كده مع ان المساعد معاه ضمان سنه وان فترة الاستخدام شهر وعشرين يوم بالظبط ...حسبي الله ونعم الوكيل...

**Mohamed_Ayman** · 26-03-2014 11:31 PM

ازاى كده؟!!!
ربنا معاك بس روح تانى وطالب بحقك وابعت للشركة الام.

**mostafa magdy** · 26-03-2014 11:54 PM

علي فكره لو معاك فاتوره و أكيد معاك .. و من خلال تعاملي مع حمايه المستهلك .. هتاخد حقك صدقني ..
و قلبي عندك .. حقيقي زعلان لك ..

**Ahmed.Essam** · 26-03-2014 11:55 PM

خلاص مش انت معاك ضمان اشتكي في حماية المستهلك ولو ينفع تعمل محضر في القسم كمان وماله اهو حتى العيار اللي مايصيبش يدوش او ابعت للشركة الام زي الاستاذ محمود قالك

**MAHMOUD MOHAMD** · 27-03-2014 12:08 AM

اوعى تسيب حقك ولو طولت اديهم بالجزمه وانشاء الله حمايه المستهلك تجيبلك حقك

وبعد كده متجيبش من التوكيل حاجه السيراتو زيها زى الالنترا حاجتها ماليه الدنيا
انزل اى مكان زى التوفيقيه هتلاقى انضف جوز مساعدبن من 475 الى 575 يعنى تلت التمن

**rabeecom** · 27-03-2014 09:39 AM

ياجماعه انا متشكر ليكو جدا.
انا فعلا كلمت جهاز حماية المستهلك بس للاسف قالي الفاتوره لوحدها مش كفايه
لازم يكون فيه ورقة ضمان مع الفاتوره وده محصلش للاسف
لوجود ثقه كبيره ف المكان وانا بشتري (نصيحه اي حد يجيب اي حاجه من التوكيل يعد صوابعه وياخد بيهم ورقه).. حسبي الله ونعم الوكيل

**ALnadi** · 27-03-2014 11:41 AM

أنا كرهت التوكيلات أكثر

**ahmedelrayan** · 27-03-2014 12:22 PM

المشاركة الأصلية كتبت بواسطة rabeecom

الواحد مش عارف يقول ايه بجد
ضمان وهمي ومعامله مش قادر اوصفها وحاجه صعبه جدا ..
اشريت وركبت مساعدين سيراتو 2010 من التوكيل -القطاميه رحت فورا اظبط زوايا بره الفني بتاع الزوايا (ع السريع )قالي ان العربيه عاوزه تغير مساعدين انا الصراحه افتكرته بيشتغلني ف مع اول صيانه ليه ف التوكيل قولتهم يظبطو زوايا ..
المفاجه جت لما توكيل كلمني وقالي المساعدين بايظين فعلا ومحتاجين نغيرهم دخلت لمدير الفرع الراجل مشكورا دخلني مكتبه وقفل عليا عشان الدوشه والشوشره وقالي خلاصه الكلام ملكش حاجه عندي والمساعد بايظ ولو عاوز ورقه بكده اديلك وروح حماية المستهلك واشتكي واعمل اللي انت عاوزه...شمال يمين اقصي حاجه ممكن يعملها انه لو اشريت وركبت مساعد تاني ينزلي 180جنيه من1800 وانا مش عارف ازاي شركه محترمه ليها سمعتها تعمل كده مع ان المساعد معاه ضمان سنه وان فترة الاستخدام شهر وعشرين يوم بالظبط ...حسبي الله ونعم الوكيل...

يا باشا انا لو مكانك كنت ضربته ومكنتش همشى غير لما اخد حقى الناس دى متجيش غير كدة انت كنت شغال فى توكيل منصور شفورليه وكنت بشوف مهازل ونصيحة منى متتعملش مع التوكيل غير فى الحاجات المستعصية احنا بنجيب كورى عشان قطع غياره موجودة فى كل حتة والف واحد بيصلحه