الحمد لله ربنا نجاني من حادثة عالطريق الزراعي

**a_elbosaty** · 29-03-2014 12:35 AM

المشاركة الأصلية كتبت بواسطة ابو ليلى

بالنسبة لعلبة الدريكسيون لو فى احتمال انها مش سليمة بنسبة كبيرة يستحسن تتغير بالكامل لانه لو غير كده هترجع تانى وده يرجع للمركز اللى بتتعامل معاه
الاكصدام اكيد استيراد ارخص ويستحسن لو لقيت جاهز على طول بنفس لون العربية مكنش يبقى شوف حد كويس يرشه وتديله كود اللون بس لاازم تعرف هيكون فى اختلاف اكيد لعوامل الزمن ( فرق لون )
الايرباج عوضك على الله خلاص خليه يسد فتحته فى الطارة بلحام تقريبا تكلفة استيراد حوالى 3 الاف بالكنترول توكيل يعدى 7 بالمصنعية . لو معاك فلوس يبقى تتوكل على الله على طول لانه مهم جدا .... اكيد بعد التصلحيات هتظهر حاجات تانية فلاازم تبقى عامل حساب كده
ومرة تانية الحمد والشكر لله انك بخير واللى عندك فى العربية يعتبر بسيط بالنسبة للحوادث اللى زى دى .

أشكرك عالاهتمام. بالنسبة لموضوع الأير باج هو الحزامين كمان اتشدوا عالاخر اقصد حزام الأمان وانا بصراحة عايز أصلحها تأني بس غالية جداً في التوكيل لكن معروض عليا أصلحها برة استيراد عند واحد متخصص هايغير الطارة بواحدة استيراد ويعالج الحزامين. بس ب٥ آلاف . مش عارف هل برة التوكيل فعلا ممكن تصلح ولا لازم التوكيل؟
ولو لغيت الأير باج خالص ولحمت الطارة طيب الحزام المشدود دة حله ايه؟ أسف عالاطالة.

**a_elbosaty** · 29-03-2014 12:41 AM

المشاركة الأصلية كتبت بواسطة ابو ليلى

بص الايرباج بيبقى عبارة عن طقم مكون من طارة ( ايرباج ) + كنترول + حزام ( الاتنين ) + حساس والتكلفة بحوالى 12 الف عملنها فى مركز معتمد من التوكيل عربية سول لواحد صحبى بس كانت تأمين ...... ده الوكيل
بالنسبة للاستيراد فتعتبر التكلفة اقل بالمقارنة ... بس الجودة استحالة تتعرف غير لقدر الله وقت وقوع حادث للاسف لانها مش قطعة غيار مستعملة هقدر اقيمها
بيبنى وبينك الايرباج مهم وعلى حسب امكانيتك حدد وكمان هيفرق كتير وقت بيع العربية
ونصيحة لو هتعمل حاجه اعملها كلها فى مكان واحد علشان يبقى يكون مسئول عن كل حاجه

اولا شكرًا على سرعة الرد والاهتمام
ثانيا أنا بصراحة مش هاقدر على سعر الوكيل. فاهتوكل على الله وأعمالها برة. هو واحد تبع المهندس هاني سبيد سيرفيس وبيقول لي هو ضامنه وقالي انه محترف والايرباج هايشتغل لو لا قدر الله حصل حاجة ها يكون شغال واللمبة بتعاته هاتطفي. وربنا يسترها وخلاص. أشكرك شكرًا جزيلا.

**mastr_n** · 29-03-2014 12:46 AM

الف سلامة على حضرتك والحمداللة انك طلعت سليم وفداك العربية
الحمد للة انك طلعت سليم

انا جبت اكصدام لعربيتى استيراد بلون العربية من الحرفيين بس هاتدور شوية وماتستعجلش الحرفين فيها كل حاجة ماتقلقش المهم تتأكد من الاكصدام يكون سليم والكليبسات بتاعتة سليمة مش مقطومة

وزى ما ابو ليلى وضحلك مشكورا لازم تعمل العربية فى مكان واحد والمهندس هانى محترم بس خلى بالك ممكن تتطلعلك حاجات تانية ماتكونش عامل حسابك عليها وربنا يعوض عليك خير ان شاء اللة

**a_elbosaty** · 29-03-2014 01:46 AM

المشاركة الأصلية كتبت بواسطة mastr_n

الف سلامة على حضرتك والحمداللة انك طلعت سليم وفداك العربية
الحمد للة انك طلعت سليم

انا جبت اكصدام لعربيتى استيراد بلون العربية من الحرفيين بس هاتدور شوية وماتستعجلش الحرفين فيها كل حاجة ماتقلقش المهم تتأكد من الاكصدام يكون سليم والكليبسات بتاعتة سليمة مش مقطومة

وزى ما ابو ليلى وضحلك مشكورا لازم تعمل العربية فى مكان واحد والمهندس هانى محترم بس خلى بالك ممكن تتطلعلك حاجات تانية ماتكونش عامل حسابك عليها وربنا يعوض عليك خير ان شاء اللة

الحمد لله على كل حال
الف شكر لحضرتك وربنا يسترها معاك عالطريق
أنا ناوي فعلا اروح الحرفيين وربنا يسهل.