هل من مجيب يا استاذ احمد
عرض للطباعة
هل من مجيب يا استاذ احمد
فية واحد بتاع ريداتيرات كويس ادام باب مستشفى منشية البكرى فى الشارع الجانبى ادام الباب
مستشفي الكلب صح
حد عند اي اقتراح تاني
آه ..أنا عندي إقتراح تاني ..روح لميكانيكي يكون صايع ..عارف حضرتك يعني يكون ميكانيكي مجابتوش ولاده ..ميكانيكي كده مفتري في صنعته ..وهو يديك فتوى صح في الموضوع ده ..يقولك بقى ده وش سلندر ..جوان وش سلندر ..سدد في الريداتير ..المراوح بتشتغل بس الثرموستات في مشكلة ..المهم إن الميكانيكي المفتري في شغلته ده ..يديك الفتوى التمام اللي تخليك تتحرك صح
ما دام الحرارة بتوطى لما بتتحرك.. فده معناه إن التبريد ضعيف.. وده ممكن ييجي من كذا سبب
أولا.. المية قليلة نتيجة تسريب في الدايرة... بس أنا مش شايف إن السبب هو التسريب
ثانيا... المية مش بتتقلب بالمعدل الكافي... واحتمال يكون فيه عيب في الطرمبة
ثالثا.. الهوا اللي بيبرد الرادياتير مش كفاية... وده ممكن يكون من المروحة أو ممكن جدا يكون الرادياتير مسدود بتراب وقش ... أو ممكن تكون الريش بتاعته متآكلة
على فكرة... ثرموستات الكوعة بيساعد على التبريد.. على عكس الفكرة السايدة بين الناس.. فلو متشال من العربية من الأفضل ترجعه.
...
انا اكتشفت انهارده ان الريداتير بينقط من تحت في نصه بالظبط نقط سريعه