بسم الله الرحمن الرحيم
بقالي كام يوم كده والنية لله بدور وبسأل وبطقس علي الموديلات الجديدة من أطقم الصوت
سواء كاسيتات او سماعات او جي ام الي أخره
لاني كنت عايز أعدل نظام الصوت عندي شوية
فالحمدلله تم تغيير سماعات الآبواب الفابريقة لانها أدمرت وكتر خيرها أوي بصراحة
مقاس سماعات الآبواب عندنا في الفابيا 16 سم دائرية
فركبت سماعات بايونيير 300 وات 3 واي من اوتو ماركت توكيل بايونيير وسعرهم 310 جنيه
والنتيجة الحمدلله أكثر من رائعة وأنصح بيهم اي حد عايز يغير سماعات الآبواب
Pioneer 300 Watt 3 Way http://i.ebayimg.com/00/s/NjAwWDYwMA..._id=880000500F
وبالنسبة للكاسيت فانا ملقتش الكاسيت اللي كانت عايزه
Pioneer deh-8550bt
ولكن لاقيت كاسيت أفضل شدني بصراحة جدا وكان اول مرة أشوفه
Pioneer DVD dvh-855AVBT http://i.ebayimg.com/00/s/NzQyWDgwMA...WeN!~~60_3.JPG http://i1.ytimg.com/vi/C1HagHumiNY/hqdefault.jpg
وأحلي حاجة انه فيه شاشة عرض ومع ذلك سينجل دين يعني حتحافظ برده علي مكان وجود الدرج
ده غير طبعا البولوتوث والتوافق مع الموبيلات الآندرويد وحاجات تانية كتير جدا وسعره 1700 جنيه من التوكيل
انا حبيت انقل بس التجربة بتاعت امبارح للآستفادة
وبعد أستكمال تركيب عده الصوت كاملة سيتم رفع تقرير مصور ان شاء الله