اماكن بيع وشراء بالمنصوره . جديد واستيراد
بسم الله الرحمن الرحيم
لاحظت وجود بعض الاعضاء من المنصوره وميعرفوش حد ميكانيكي او عفشجى او منين يشترى قطع غيار لانوس جديده او مستعمله
بالنسبه لقطع الغيار الجديده
يفضل محل عادل وديع بشارع حسين بك ( اللى هو شارع التلاجه .. فى نصه كدا )
ويفضل محل الشيخ سيد اللى هو اسم المحل اولاد خطاب بمنتصف شارع الضرائب العامه المتفرع من مستشفى الصدر اسعاره حلوه وعنده كل حاجه
ونصيحه ابعدوا عن الخضري لانه شغل مضروب على غلاء اسعار على عدم وجود امانه
بالنسبه لقطع الغيار الاستيراد
فيه واحد بيبيع قطع غيار استيراد فى اخر كوبرى الجامعه من ناحيه طلخا وانت طالع ع الدولى ( خلف الكمين اللى ضربوا عليه امناء الشرطه ) دا اسعاره حلوه وناس محترمه جدا جدا جدا لدرجه انى جبت ساعه التابلوه بـ 50 جنيه اللى باسمع فيها اسعار خياليه
فيه واحد بقى جمب هادى الفلاح بجوار سور القطار خلف موقف التلاجه هو محل بتاع جديد على استيراد بس الاستيراد عنده قليل ( لقيت عنده عداد التابلوه لانوس استيراد وفيه آر بى إم .. بـ 150 جنيه وممكن تفاصل اللى الناس بتجيبه من الحرفيين بـ 200 و 250 جنيه )
ابعدوا عن كدش نهائى لانه بمعنى اصح حرامى بس مايميزه انه عنده كل حاجه استيراد من الابره للصاروخ
بالنسبه للعفشجى
انا باتعامل مع واحد اسمه هلال موجود خلف برج المستشارين اللى فى شارع المطافئ اللى على اوله مول عوض الله مشهور وبيشتغل بزمه بس استاذ
الميكانيكي بقى
واحد اسمه مصطفى بشار فى شارع متفرع من شارع الترعه مقابل مستشفى الصدر
كهربائى بقى ولا اعرف لسه
كشف بالكمبيوتر روحت لواحد امام شارع سوق الجمله بس قالى الجهاز مش قارئ لعربيتك كنت هاشتمه ومشيت بس بيروحله عربيات كتيره وانواع اكتر