مطلوب رأي بخصوص البيرسونا

**mohamedyounis** · 27-03-2014 04:53 PM

إخوتي الكرام ...

أنا توكلت علي الله وحجزت بيرسونا 2014 اوتوماتيك من التوكيل وذلك بعد ما سمعت انها سيارة كيسة وعائلية في حدود المبلغ المالي المتاح .. ولكنني قرأت ايضا عن بعض الشكاوي من التوكيل وشكاوي من دهان السيارة واخري من الفرامل والبعض الاخر من التشطيب الداخلي ....

انا لما شفت السيارة وجدتها معقولة من حيث التشطيب في حدود المبلغ المالي بتاعها ولكنني لا أعرف طيعا هل باقي العيوب دي شائعة ام لا ؟؟ وانا دلوقتي متردد ومش عارف اكمل ولا الغي الحجز ؟ ومفيش حاجة تانية بالسعر ده والكماليات دي دلوقتي ولكن يوجد بقي الفئة الاقل اللي هي الفيرنا والافيو واللوجان التقليدية 2013 عشان حتي الجديدة نازلة مانيوال بس

يا ريت الزملاء الكرام اللي معاهم بيرسونا يفيدوني برأيهم وهل هم مستريحين مع العربية والتوكيل وهل العيوب دي فردية ام حالة عامة وخصوصا الدهان والفرامل

ولكم كل الشكر مقدما

**a7mad_mo7amad6** · 27-03-2014 04:57 PM

معايا بيرسونا 2009
عربيه عظيمة وبالبلدي حمارة شغل..
توكل على الله وبلاش تردد..

الفرامل مجرد تعود لا اكثر ولا اقل

**saint2011** · 27-03-2014 05:49 PM

عربية ممتازة فى فئتها السعرية ومحترمة جدا يعيبها وكيلها عز العرب من أسوء التوكيلات فى مصر المحروسة ولكن يقال انه فى تحسن وأن كنت أشك فى ذلك عموما هناك عصام صفا وده مركز صيانة معتمد محترم جدا بديلا عن التوكيل ومبروك مقدما البيرسونا الجميلة

**memo_p910** · 27-03-2014 08:06 PM

خليك في البيرسونا العربيه ممتازه

**Omar Mahmoud** · 27-03-2014 11:07 PM

اتوكل علي الله و اشتريها والفرامل مجرد تعود

**mohamedyounis** · 28-03-2014 12:14 AM

الف الف شكر للاهتمام .. طيب حد عنده فكرة عن موضوع عيوب الدهانات اللي ظهرت عند بعض الناس وهل هي عامة ؟ وكمان لما آجي استلم : هاخذ ايه معاها وقت الاستلام واخللي بالب من ايه عشان انا مستنتي تليفون منهم للاستلام ان شاء الله .
يا ريت كمان حد يقوللي هيا فيها ايموبليزر ام لا ؟ ومستوي اداء الكماليات جواها ايه ؟

كمان شركة التأمين ؟ معدات الامان اللي اشتريها ؟ الفرش والدواسات منين ؟ ضغط هواء العجلات يبقي كام ونيتروجين ام هواء افضل؟

يعني بالمختصر كده نفسي في ملخص مفيد يزبطني قبل الاستلام ان شاء الله

جزاكم الله كل خير

**Omar Mahmoud** · 28-03-2014 11:48 AM

المشاركة الأصلية كتبت بواسطة mohamedyounis

الف الف شكر للاهتمام .. طيب حد عنده فكرة عن موضوع عيوب الدهانات اللي ظهرت عند بعض الناس وهل هي عامة ؟ وكمان لما آجي استلم : هاخذ ايه معاها وقت الاستلام واخللي بالب من ايه عشان انا مستنتي تليفون منهم للاستلام ان شاء الله .
يا ريت كمان حد يقوللي هيا فيها ايموبليزر ام لا ؟ ومستوي اداء الكماليات جواها ايه ؟

كمان شركة التأمين ؟ معدات الامان اللي اشتريها ؟ الفرش والدواسات منين ؟ ضغط هواء العجلات يبقي كام ونيتروجين ام هواء افضل؟

يعني بالمختصر كده نفسي في ملخص مفيد يزبطني قبل الاستلام ان شاء الله

جزاكم الله كل خير

http://www.nilemotors.net/Nile/179029-2.html
في ايموبلايزر