المشاركة الأصلية كتبت بواسطة houseiny
باشا الخليجي توب لاين 7 كراسي من عند سمير ريان توب لاين عاملة 187 الف تقل عن الهاي لاين وكيل المواصضفا الاتية
ايموبليزر - فتحة سقف - شاشة تاتش وكاميرة رجوع والليدات في الفانوس الامامي 3 ليد مش 5 ليد
الباقي هو هو - والشكل والنواكل والكماليات والعفشة والموتور وكل الحاجات التانية هي هي الهاي لاين ده الفرق
لو عايز نصيحتي من واحد اشتري وجرب
اشتري وكيل فئة قبل الهاي لاين هتفرق في اوبشن ولا اتنين عن الخليجي ، بس هترتاح في موضوع الضمان ده ، لان الخليجي مبيغطيش كل حاجة في العربية هو بيضمن الميكانيكا والعفشة والضفيرة ، يعني لو فانوس باظ لوحدة بعد فترة قصيرة او شرخ من الداخل مالوش دعوة بيه ، غير الوكيل ممكن يغير الفانوس لو شكله مش عاجبك والضمان الخليجي مماطل شوية غير الوكيل لان الوكيل كده كده كسب منك في العربية وهيكسب منك في الصيانات لكن الخليجي ضمانه زي الجمعية التكافلية كده ، ممكن لو لقي الميزانية خسعت يخلع منك ، الخليجي ب187 الف وضمان ب2500 يعني 190 الف نفس سعر الوكيل الفئة التالتة اوتوماتيك مع ضمان 5 سنين او 100 الف كيلو ، ويبقي فرق الكماليات اللي صدقني هتستخدمها كل سنة مرة ، انا عندي البلوتوث استخدمته مرتين من ساعة ما جبت العريية من 4 شهور والكاسيت نادراً , لما بيكون الولاد معايا بس ، يعني مالاخر الاساسي بتاعك هتدور وتمشي و كل الكماليات الاساسيةدي موجودة من اول فئة في البيسك لحد الهاي لاين باور كاسيت فوانيس ليد تكييف ، حتة التكييف الدوال ( المزدوج يعني اللي هو كل جنب بدرجة حرارة لوحدة والله ما هتشغله وهتفضل مثبته على الوتوماتيك على طول ، بصراحة فرق كماليات للي غاوي رفاهية بزيادة ، انا اشتريت الخليجي عشان كنت عاوز استلم في نفس اليوم وهو اللي كان موجود اوتماتيك كامل في نفس اليوم ، وبعد كده مفرقتش بقى ، العملية واحدة في الاخر ، الهاي لاين تفرق عن الفئة التالتة في كاميرة رجوع ، سنسور بارك ، شاشة تاتش ، بلوتوث حاجات ممكن تركب انت افضل من الموجودة في العربيةويبقى الفرق الجوهري اللي هو السقف البانوراما ويعتبر من ضمن الاختراعات الرائعة اللي فعلاً بتخلي العربية من الداخل جنة ومش عايز تنزل منه لكن ياسيدي الفاضل الاوشن ده بالذات غير مناسب لشوارعنا الجميلة انا لحمت ازاز العربية مرتين لحد د لوقتي عند دكتور خالد بسبب الحصو والزلط اللي بيتطاير من عربيات النقل عالدائري ، زائد ان فتحت السقف العادية بتاعت السيراتو القديمة ب16 الف جنيه في التوكيل تخيل بقى لو بانوراما هتبقى بكام ، مش اقل من 30 الف ولا حاجة ، وغير كده انا البانوراما محتاج نظافة على طول عشان لو فتحت السقف وليقته وسخ بجد نفسك هتتسد وهتقفله تاني والجو عندنا في الصيف زفت فبالتالي هتفضل قافلها على طول وفي الشتاء هيبقى مبقع من المطر ، وبالتالي مش هتستخدمه غير 3 او اربع اشابيع في السنة ، ، بصراحة خليك في الفئة التالتة فيها كل اللي انت محتاجة واللي مش محتاجة وانت اول بقفرق الفلوس عن الهاي لاين حوالي 20 الف جنيه ، ركب بقى كاسيت اندرويد ودلع نفسك بكل الكماليات اللي انت عايزها وادفع تأمينك اللي هيبقى حوالي 8 الاف ، بس هي كعربية كعربية اداها كويس وفرامل كويسة وعفشة جميلة وعائلية من الطراز الاول كعادة الكارينز ، بس ينقصها ترتفع عن الارض من 2 ل 3 سم كنت هتبقي حلوة جداً ومافيهاش غلطة ـ اتمني اكون قولتلك كل الايجابيات والسلبيات واكون ريحتك في الاختيار بين الفئات كمان ومابين وكيل او خليجي ، ولو اي استفسار انا تحت امرك