انا محتار رئى الاصدقاء فى المشكلة دى (اسكودا فيفوريت)

السلام عليكم ورحمة الله وبركاته
انا بجد محتار وقلت اعمل الموضوع دا علشان نقدر نوصل مع بعض لأصل المشكلة من غير مصاريف على الفاضى ودى مشكلة بتعرض ليها واكيد فى كثير من الزملاء بيتعرضو ليها:-

بعد ما شديت فيفورتى وطبعا بعد القضاء على مشكلة السخونة وقاعدة الموتور ظهرت مشكلة جديد ودى ظهرت بعد الحركة العنيفة للموتور نتيجة انفكاك القاعدة السفلية والتى تسبب فى وقوع عصاية الفتيس وانا ماشى وبعد تثبت الموتور ظهرت خروشة فى الفتيس صوت عضعضة كدا فى اكن تروس بتاكل فى بعض قلت يمكن نقصان زيت الفتيس زودت راحت المشكلة بعض الوقت ولاكنها عاودت فى الظهور والاحظها غالبا فى الظهيرة اثناء العودة من العمل اما فى الصباح فلا مشاكل بلاحظ ان العربية بتنطط بترعش مع الصوت دا قلت يمكن صلايب فكيت وكشفت على الصلايب ولاقيت صليبة ضعيفة شوية مبوشة يعنى غيرتها بواحد تانية كانت عندى وكنت اتمنى زوال الغمة ولاكن لا جدوى وامس كنت فى مشوار ومعى أثنان كنا ذاهبين فى واجب عزاء وكانت مشكلة الخروشة والتطيط دى واضحة ودى بتكون مؤثرة على الحركة فى بداية الانطلاق اما بعد الانطلاق والسرعة يختفى الصوت ولاكن الرعشة موجودة**

عاوز اعرف سبب المشكلة هل
1- صلايب كوبلن داخلى؟؟
2-كوبلن داخلى ؟؟
3- صورة العجل؟؟
ام ممكن تكون بيضة مقص مبوشة ؟؟على اساس انى اكتشفت ان بيضة العجلة اليمين مبوشة حبتين كدا؟؟
4- ممكن يكون السبب خلط زيت للفتيس بنوعيات مختلفة لنى لما فكيت الفتيس وغيرت القاعدة طبعا الزيت بينزل وبازود بانواع مختلفة؟؟؟

دة كوبلن داخلى و بدليل لكلامى
سياتك حاول تطلع بالعربية على الاول و تقرص سنة هى محملة ناس هتلاقى بيطقطق و بعدين صوته بيختفى هو بيبان فى الطلعة بس و ممكن يكون اتمزق لما قعدة الموتور اتفكة و دة احتمال كبير جداااااااااا
ربك المستعان

اقتباس:

---

المشاركة الأصلية كتبت بواسطة EngAhmedSayed

دة كوبلن داخلى و بدليل لكلامى
سياتك حاول تطلع بالعربية على الاول و تقرص سنة هى محملة ناس هتلاقى بيطقطق و بعدين صوته بيختفى هو بيبان فى الطلعة بس و ممكن يكون اتمزق لما قعدة الموتور اتفكة و دة احتمال كبير جداااااااااا
ربك المستعان

---

فعلا كلامك مظبوط :00020191:بتظهر المشكلة اكتر وانا محمل وعند بداية الحركة وانا فعلا شكيت فى الكوبلن الداخلى خصوصا بعد ما كشفت على الصلايب واستبدلت احداهما**

طيب اسمع رئى باقى الاصدقاء:brn:

ارجح الرأي بتاع صليبة الكوبلن

لو صلايب والعربية واقفة مش دايرة هات الرابع وافتح الكبوت وبايدك من عند الصدر شد العربية لقدام ولورا هتسمع الصوت اللى انت بتشتكى منه لو بمعنى اصح الطقة اللى بتبقى فى اول الطلعة

السلام عليكم.........حضرتك بتقول لما زودت زيت للفتيس راحت وبعد شوية رجعت تانى والسؤال هل بتسمع صوت والعربية دايرة وعلى المور وبدون ضغط على الدبرياج؟ اذا كانت الاجابة نعم فهل عند الضغط على دواسة الدبرياج الصوت بيروح؟ اذا كانت الاجابة نعم يبقى المشكلة فى الفتيس وتحديدا بلية الفتيس(وليست بلية الدبرياج)وفى الحالة دى ممكن تتعايش معاها مع تغيير زيت الفتيس..........وبالتوفيق

اقتباس:

---

المشاركة الأصلية كتبت بواسطة mehles

السلام عليكم.........حضرتك بتقول لما زودت زيت للفتيس راحت وبعد شوية رجعت تانى والسؤال هل بتسمع صوت والعربية دايرة وعلى المور وبدون ضغط على الدبرياج؟ اذا كانت الاجابة نعم فهل عند الضغط على دواسة الدبرياج الصوت بيروح؟ اذا كانت الاجابة نعم يبقى المشكلة فى الفتيس وتحديدا بلية الفتيس(وليست بلية الدبرياج)وفى الحالة دى ممكن تتعايش معاها مع تغيير زيت الفتيس..........وبالتوفيق

---

وعليكم السلام ورحمة الله وبركاته
كل الأسئلة اللى حضرتك طرحتها اجابتها بلا لا لا لا لا
الصوت بيظهر فقط فى بداية الحركة ويختفى على السرعات العليا وبتظهر اكتر لو محمل او طالع جبل(مطب)

السلام عليكم ورحمه الله وبركاته .
ازيك ياعم صبحى ؟؟؟
انا بعتذر بشده على الغياب الوقت ده كله ولكن لظروف خارجه عن الاراده (ربنا يخليلك اولادك .. ابنى بوظ الكمبيوتر تماما واضطريت اشترى جهاز تانى .. الحمد لله على كل شىء ) .

انا الايام اللى فاتت دى عملت شويه حاجات فى العربيه وكان عندى مشكله قريبه شويه للى عند حضرتك والحمد لله اختفت تماما..

اولا انا غيرت طقم الجلب والبيض للمقصات (جبت طقمين من عند رمضان سكودا جداد المانى ) ب280 جنيه .. كان فيه فكره انى اغير المقصات كلهم بأستيراد لكن اللى عندى كانوا الالمانى وكان حالتهم ممتازه .
كمان جبت عدد اتنين كوبلن كاملين بالاكسين بتوعهم استيراد المانى (420جنيه) بالعافيه والواسطه كمان بس حاجه تمام والحمد لله .. كان عندى كوبلن داخلى مبوش تماما وكان عاملى المشكله بتاعتك دى خصوصا فعلا لو معايا ناس فى العربيه .. كمان كان فيه كوبلن خارجى (ملحوم ) اه والله ملحوم اللى كان عنده العربيه الله يباركله كان مهتم بيها اوى ..ههههههههههههه .
كده انا عندى كوبلن خارجى شغال كويس وكوبلن داخلى برضه كويس كنت لسه شاريه من فتره قريبه ب200جنيه مكنتش اعرف موضوع الاستيراد ده .. يلا قدر الله وما شاء فعل .. كمان عندى الاكس الطويل والقصير ..برضه شايلهم لوقت عوزه .

اعتقد ان المشكله عندك غالبا كوبلن داخلى .. ده جديد صينى مش اقل من 200 جنيه .. انت ممكن تجيب الاكس كله (داخلى وخارجى وصليبه ) ب200 جنيه من عند حد بتاع استيراد ويبقى عندك كوبلن خارجى للعوزه ده تمنه مش اقل من 100 جنيه .. ربنا يعينك

اقتباس:

---

المشاركة الأصلية كتبت بواسطة adhmmaamon

السلام عليكم ورحمه الله وبركاته .

وعليكم السلام ورحمة الله وبركاته

ازيك ياعم صبحى ؟؟؟

الحمد لله رب العالمين بخير والله **انا شايفك من الصبح ومستنى ردك وكنت حزعل فعلا لو مرديتش على موضوعى دا لأنى باحترم رئيك جدا وباقدر علمك واخلاصك كل التقدير**

انا بعتذر بشده على الغياب الوقت ده كله ولكن لظروف خارجه عن الاراده (ربنا يخليلك اولادك .. ابنى بوظ الكمبيوتر تماما واضطريت اشترى جهاز تانى .. الحمد لله على كل شىء ) .

ههههههه ربنا يستر انا عندى الواد الصغير بداء يحوم حولين الكمبيوتر بتاعى خايف فى يوم ارجع من الشغل الاقية مدشدشة بايد الهون ربنا يستر هههههه


انا الايام اللى فاتت دى عملت شويه حاجات فى العربيه وكان عندى مشكله قريبه شويه للى عند حضرتك والحمد لله اختفت تماما..

اولا انا غيرت طقم الجلب والبيض للمقصات (جبت طقمين من عند رمضان سكودا جداد المانى ) ب280 جنيه .. كان فيه فكره انى اغير المقصات كلهم بأستيراد لكن اللى عندى كانوا الالمانى وكان حالتهم ممتازه .
كمان جبت عدد اتنين كوبلن كاملين بالاكسين بتوعهم استيراد المانى (420جنيه) بالعافيه والواسطه كمان بس حاجه تمام والحمد لله .. كان عندى كوبلن داخلى مبوش تماما وكان عاملى المشكله بتاعتك دى خصوصا فعلا لو معايا ناس فى العربيه .. كمان كان فيه كوبلن خارجى (ملحوم ) اه والله ملحوم اللى كان عنده العربيه الله يباركله كان مهتم بيها اوى ..ههههههههههههه .
كده انا عندى كوبلن خارجى شغال كويس وكوبلن داخلى برضه كويس كنت لسه شاريه من فتره قريبه ب200جنيه مكنتش اعرف موضوع الاستيراد ده .. يلا قدر الله وما شاء فعل .. كمان عندى الاكس الطويل والقصير ..برضه شايلهم لوقت عوزه .

انا فعلا بافكر فى الموضوع دا خصوصا ان الرااجل اللى باتعامل معاه سفت عنده الحجات دى استيراد كتير إن شاء الله يوم الاحد لما اروح الشغل علشان هو جنب الشغل بالظبط حاروح اشوف الموضوع دا**

اعتقد ان المشكله عندك غالبا كوبلن داخلى .. ده جديد صينى مش اقل من 200 جنيه .. انت ممكن تجيب الاكس كله (داخلى وخارجى وصليبه ) ب200 جنيه من عند حد بتاع استيراد ويبقى عندك كوبلن خارجى للعوزه ده تمنه مش اقل من 100 جنيه .. ربنا يعينك

---

اقتباس:

---

المشاركة الأصلية كتبت بواسطة sakr1964

وعليكم السلام ورحمة الله وبركاته
كل الأسئلة اللى حضرتك طرحتها اجابتها بلا لا لا لا لا
الصوت بيظهر فقط فى بداية الحركة ويختفى على السرعات العليا وبتظهر اكتر لو محمل او طالع جبل(مطب)

---

السلام عليكم..............يبقى كده الحمد لله نستبعد الفتيس من الموضوع وخلينا فى الصلايب وان شاء الله بسيطه ..........بالتوفيق

اقتباس:

---

المشاركة الأصلية كتبت بواسطة mehles

السلام عليكم..............يبقى كده الحمد لله نستبعد الفتيس من الموضوع وخلينا فى الصلايب وان شاء الله بسيطه ..........بالتوفيق

---

وعليكم السلام ورحمة الله وبركاته

مهو انا محتار صلايب ولا كوبلن داخلى؟؟؟

السلام عليكم ورحمة الله وبركاته
النهاردا رفعت السيارة من الجانبين لكشف على اساس المشكلة وطبعا تم تحرير العجلات الاتمامية تماما ونقلت على ال4 ولفيت العجلات علشان اكشف على الصلايب مسمعتش طقطقة ولاكنى لاحظت شئ غريب هو ان عامود الكوبلن اليمين به انحراف عند الحركة وكأن به اعوجاج بسيط ويبدو ان هذا هو سبب المشكلة لأنى بلاحظ عدم ثبات العجلة اليمين عند حوث مشكلة الطقطقهفانشاء الله غدا حشترى العمود الطويل وبالمرة الكوبلن الداخلى والخارجة ككتله واحدة استيراد**

اقتباس:

---

المشاركة الأصلية كتبت بواسطة sakr1964

السلام عليكم ورحمة الله وبركاته
النهاردا رفعت السيارة من الجانبين لكشف على اساس المشكلة وطبعا تم تحرير العجلات الاتمامية تماما ونقلت على ال4 ولفيت العجلات علشان اكشف على الصلايب مسمعتش طقطقة ولاكنى لاحظت شئ غريب هو ان عامود الكوبلن اليمين به انحراف عند الحركة وكأن به اعوجاج بسيط ويبدو ان هذا هو سبب المشكلة لأنى بلاحظ عدم ثبات العجلة اليمين عند حوث مشكلة الطقطقهفإن شاء الله غدا حشترى العمود الطويل وبالمرة الكوبلن الداخلى والخارجة ككتله واحدة استيراد**

---

بالتوفيق ياعم صبحى ..
ده ان شاء الله احسن حل.

النهاردا روحت علشان اشترى الكوبلن بالاكس تصورو الراجل بيقول 400 جنية قلت ازاى ياعم قال دولا جداد وهما قدام والاكس علية صداء المهم قلت اجيب الكوبلن الداخلى وطلب 75 جنيه دفعت 20 قلت لما اجرب وروحت رفعت العربية وركبت الكوبلن ونفس المشكلة ورجعت اركب الكوبلن بتاعى والواد دق على سن الكوبلن الخارجى واهو بعت الواد المخرطة يمشط السن وبكرة بقى اشترى صلايب للجنبين اهو حعمل ايه طلع الكوبلن الدخلى بريئ:brn::brn::brn:***

اقتباس:

---

المشاركة الأصلية كتبت بواسطة sakr1964

النهاردا روحت علشان اشترى الكوبلن بالاكس تصورو الراجل بيقول 400 جنية قلت ازاى ياعم قال دولا جداد وهما قدام والاكس علية صداء المهم قلت اجيب الكوبلن الداخلى وطلب 75 جنيه دفعت 20 قلت لما اجرب وروحت رفعت العربية وركبت الكوبلن ونفس المشكلة ورجعت اركب الكوبلن بتاعى والواد دق على سن الكوبلن الخارجى واهو بعت الواد المخرطة يمشط السن وبكرة بقى اشترى صلايب للجنبين اهو حعمل ايه طلع الكوبلن الدخلى بريئ:brn::brn::brn:***

---

على فكره ياعم صبحى .. قطع غيار الاستيراد بقى غالى جدا .. بس انا مش فاهم حاجه .
ازاى كان عايز يحسب الاكس كامل (كوبلن خارجى وكوبلن داخلى والاكس اللى بينهم ) ب400
وبعدين انت اخدت الكوبلن الداخلى لوحده ب75 جنيه ؟؟؟؟؟؟؟

مع العلم ان الكوبلن الداخلى اغلى حاجه فى الاكس .. كمان فيه نقطه اهم .
طقم الكبالن الاستيراد (بس يبقوا استيراد مش توضيب ) احسن بكتير من الجديد ..
كمان الكوبلن الداخلى اللى انت اشتريته اكيد استعمال مش استيراد والفرق كبير زى ماقلتلك ..

حاجه اخيره الاكس اللى عندك اللى كان معووج ده على حد علمى مش بيتعدل (مش بيرجع زى الاول يعنى ) كمان بيبقى فيه حاجه اسمها (تقيله) بضم التاء .. دى بيبقى ليها عامل مهم فى توازن العربيه .

انا عن تجربه ..المشكله اللى عندك حلها النهائى طقم جلب وبيض للمقصات + طقمين كوبلن بالاكسين بتوعهم (لازم الاستيراد يبقى فيهم التقيله بتاعتهم ) وان شاء الله المشكله تتحل تماما .

اقتباس:

---

المشاركة الأصلية كتبت بواسطة adhmmaamon

على فكره ياعم صبحى .. قطع غيار الاستيراد بقى غالى جدا .. بس انا مش فاهم حاجه .
ازاى كان عايز يحسب الاكس كامل (كوبلن خارجى وكوبلن داخلى والاكس اللى بينهم ) ب400
وبعدين انت اخدت الكوبلن الداخلى لوحده ب75 جنيه ؟؟؟؟؟؟؟

مع العلم ان الكوبلن الداخلى اغلى حاجه فى الاكس .. كمان فيه نقطه اهم .
طقم الكبالن الاستيراد (بس يبقوا استيراد مش توضيب ) احسن بكتير من الجديد ..
كمان الكوبلن الداخلى اللى انت اشتريته اكيد استعمال مش استيراد والفرق كبير زى ماقلتلك ..

حاجه اخيره الاكس اللى عندك اللى كان معووج ده على حد علمى مش بيتعدل (مش بيرجع زى الاول يعنى ) كمان بيبقى فيه حاجه اسمها (تقيله) بضم التاء .. دى بيبقى ليها عامل مهم فى توازن العربيه .

انا عن تجربه ..المشكله اللى عندك حلها النهائى طقم جلب وبيض للمقصات + طقمين كوبلن بالاكسين بتوعهم (لازم الاستيراد يبقى فيهم التقيله بتاعتهم ) وان شاء الله المشكله تتحل تماما .

---

متشكر جدا لتعبك معايا ياستاذ ادهم:.

على فكرة بعد ما عملنا السن فى المخرطة وكان 29 او28 مش 30 وجبت صامولة وركبت عدد 2 صامولة كوبلن غلاظ وطلعت النهارة الصبح مشوار انتهت المشكلة بس الحكم الخير بعد ما اروح الشغل وارجع بمشيئة الله تعالى حقولك النتيجة:

اه فيه حاجة لاحظتها ان المشكلة دى ظهرت بعد ما سن الكوبلن فوت فشيلنا الصامولة الغليظة علشان ندخل على سن سليم ونربط الصامولة وقد كان وبعد الربط ظهرت مباشرة المشكلة اللى انا باحكى عنها يارب تكون مشكلة وردة كوبلن بس اللى محيرنى لحد دلوقتى وردة الكوبلن الغليظة دى بتعمل :pffft:

النتيجة لما سبق الحال على ماهو عليه المشكلة مازالت موجودة وطبعا بعد كلامك ياستاذ ادهم قلت فى بالى يمكن الراجل بيحكى على الجنبين كاملين ب400 جنيه طبعا روحت النهاردا رجعت الكوبلن الداخلى وقلت ليه انتا بتحكى عن جنب واحد ولا الجنبين يعنى المجموعه كاملة كبالن واكسات وصلايب الكل راكب بالجلد والشحم كما قال لالالالالالاانا ياقوللك الجنبين ب400 جنية قلت اسف ظلمت الزملاء قالو ليا انهم جابوهم ب420 جنية ودى صراحة قال مهو انا باقولك قلت طيب من ألاخر حتدهملى بكام قال هات 350 جنية كان ليه عنده 50 واديته 300 واخدت المجموعة كاملة وروحت ركبت الكوبلن الطويل بالاكس وطلعت جربت تمام ما فيش مشكلة ودورانات على الضيق بدون الضغط على الديبرياج الحمد الله ما فيش طق طق رجعت البيت قلت اركب القصير بالمرة ركبته وطلعت تانى جربت الحمد الله تمام وزالت مشكلة الكبالن ولله الحمد واصبح عندى طقم كامل احتياطى**

اقتباس:

---

المشاركة الأصلية كتبت بواسطة sakr1964

النتيجة لما سبق الحال على ماهو عليه المشكلة مازالت موجودة وطبعا بعد كلامك ياستاذ ادهم قلت فى بالى يمكن الراجل بيحكى على الجنبين كاملين ب400 جنيه طبعا روحت النهاردا رجعت الكوبلن الداخلى وقلت ليه انتا بتحكى عن جنب واحد ولا الجنبين يعنى المجموعه كاملة كبالن واكسات وصلايب الكل راكب بالجلد والشحم كما قال لالالالالالاانا ياقوللك الجنبين ب400 جنية قلت اسف ظلمت الزملاء قالو ليا انهم جابوهم ب420 جنية ودى صراحة قال مهو انا باقولك قلت طيب من ألاخر حتدهملى بكام قال هات 350 جنية كان ليه عنده 50 واديته 300 واخدت المجموعة كاملة وروحت ركبت الكوبلن الطويل بالاكس وطلعت جربت تمام ما فيش مشكلة ودورانات على الضيق بدون الضغط على الديبرياج الحمد الله ما فيش طق طق رجعت البيت قلت اركب القصير بالمرة ركبته وطلعت تانى جربت الحمد الله تمام وزالت مشكلة الكبالن ولله الحمد واصبح عندى طقم كامل احتياطى**

---

مبروك على الأصلاح ا/ صبحى
واهم حاجة تكون غسلت الكبالن داخلى وخارجى بالبنزين مش الجاز قبل التركيب وتنشفهم بالهواء وشحمتهم بشحم ليثيم ثابت عند الحرارة العالية وده مهم جدا جدا وتقوم بعملية الغسيل والتشحيم كصيانة مرة كل سنة علشان تنسى موضوع الكبالن ده نهائيا !!

اقتباس:

---

المشاركة الأصلية كتبت بواسطة aw2100

مبروك على الأصلاح ا/ صبحى
واهم حاجة تكون غسلت الكبالن داخلى وخارجى بالبنزين مش الجاز قبل التركيب وتنشفهم بالهواء وشحمتهم بشحم ليثيم ثابت عند الحرارة العالية وده مهم جدا جدا وتقوم بعملية الغسيل والتشحيم كصيانة مرة كل سنة علشان تنسى موضوع الكبالن ده نهائيا !!

---

الله يبارك فيك استاذ وليد:
بص بقى انا فكيت جلدة كوبلن وكشفت على الشحم لاقيته ممتاز ونضيف بعدين دا شحم وارد الخارج يعنى لو تالف فهو افضل من انضف شحم فى مصر ههههههههههه فركبت على طول واستخسرت انزل الشحم القديم لأن الجلد راكب ومتربط بقيفزان معدنية مش بلاستيك ودا خلانى احافظ عليهم كدا بحالتهم واركبهم*

اقتباس:

---

المشاركة الأصلية كتبت بواسطة sakr1964

النتيجة لما سبق الحال على ماهو عليه المشكلة مازالت موجودة وطبعا بعد كلامك ياستاذ ادهم قلت فى بالى يمكن الراجل بيحكى على الجنبين كاملين ب400 جنيه طبعا روحت النهاردا رجعت الكوبلن الداخلى وقلت ليه انتا بتحكى عن جنب واحد ولا الجنبين يعنى المجموعه كاملة كبالن واكسات وصلايب الكل راكب بالجلد والشحم كما قال لالالالالالاانا ياقوللك الجنبين ب400 جنية قلت اسف ظلمت الزملاء قالو ليا انهم جابوهم ب420 جنية ودى صراحة قال مهو انا باقولك قلت طيب من ألاخر حتدهملى بكام قال هات 350 جنية كان ليه عنده 50 واديته 300 واخدت المجموعة كاملة وروحت ركبت الكوبلن الطويل بالاكس وطلعت جربت تمام ما فيش مشكلة ودورانات على الضيق بدون الضغط على الديبرياج الحمد الله ما فيش طق طق رجعت البيت قلت اركب القصير بالمرة ركبته وطلعت تانى جربت الحمد الله تمام وزالت مشكلة الكبالن ولله الحمد واصبح عندى طقم كامل احتياطى**

---

الف مبروك ياعم صبحى .. انت كده عملت الصح
تحياتى