هو ايه نوع التعليق...انا نزلت تحت العربيه و بصيت حسيت انها تورشن بيم ......؟؟!!
عرض للطباعة
هو ايه نوع التعليق...انا نزلت تحت العربيه و بصيت حسيت انها تورشن بيم ......؟؟!!
هى بالفعل تورشن بيم مفيش داعى للاستغراب :)
بس انت شفت بنفسك ثباتها زي الاوبترا اللى هى مالتى لينك
التورشن بيم مش وحش الفكرة مين اللى عامل التورشن بيم ده ;)
اقولك حاجة تخليك تستغرب اكتر ؟
ستروين c4 و بيجو 307 و رينو ميجان ورينو فلوانس كلهم تورشن بيم :)
طبعا مش محتاج اقولك ان الكورولا بموديلاتها والالنترا والسيراتو بموديلاتهم كلهم تورشن بيم
ماهو الالنترا و السيراتو ثباتهم سئ .....لكن الفلوانس ثباتها ممتاز ...واضح ان تورشن بيم يفرق من شركه للتانيه
إيه هو بقة التورشن بيم ؟؟
يعني عمود حديد يصل بين العجلتين الخلفيتين
يعنى العفشة الخلفية مبسطة بالشكل ده
http://world.honda.com/news/2011/411.../images/55.jpg
وده يعتبر تعليق شبه مستقل يعنى تقريبا كل عجلة ليها حرية الحركة مستقلة عن التانية (بس مش 100% ) لان التورشن بيم ده بينتنى لما بتأثر عليه قوة من ناحية واحدة ، وبيرجع يتعدل تانى لوحده بعد زوال القوة (وده اللى بيدي استقلالية محدودة في حركة كل عجلة عن التانية ) اجمالا النظام ده بيدي موازنة معقولة بين الراحة والثبات
انما المالتى لينك معقد انه بيخلى كل عجله مستقلة تماما عن الاخرى في نفس الوقت اللى بيضمن فيه ثبات عالى جدا في المنحنيات لان العجلة الوحدة بتتحرك في اكتر من محور (عشان كدة اسمه مالتى لينك ) زي الشكل ده اللى هو التعليق الخاص بالبيجو 508
http://regmedia.co.uk/2012/09/12/peu...tate_car_4.jpg
ودى صورة بتوضح الـمستويات اللى كل عجلة بتتحرك فيهم باستقلالية لضمان اعلى مستوى للراحة والثبات معا
http://upload.wikimedia.org/wikipedi...link3Dtop1.gif
التورشن بيم فى الكورى اغلبيته ثباته وحش بخلاف الفرنسى
شكراً على المعلومة الجميلة